சரோஜாதேவிக்கு என்.டி.ஆர். விருது!

**krishnaamma** · **krishnaamma** Mon Mar 26, 2012 7:11 pm

மாஜி நடிகை சரோஜாதேவிக்கு ஆந்திர அரசு சார்பில் என்.டி.ஆர். விருது வழங்கப்பட்டுள்ளது. தமிழகத்தில் தமிழ் திரையுலகினருக்கு கலைமாமணி விருது வழங்கப்படுவது போல, ஆந்திராவில் தெலுங்கு திரையுலகினருக்கு ஆந்திர அரசு சார்பில் நந்தி விருதுகள் வழங்கப்பட்டு வருகிறது. 2009 மற்றும் 2010-ஆம் ஆண்டுக்கான ஆந்திர அரசின் நந்தி விருதுகள் வழங்கும் விழா ஐதராபாத்தில் நடந்தது.

விழாவில் ஆந்திர முதல்வர் கிரண்குமார் ரெட்டி பங்கேற்று அரசு விருதுகளை வழங்கினார். பழம்பெரும் நடிகை சரோஜாதேவிக்கு என்.டி.ஆர். தேசிய விருதை கிரண்குமார் ரெட்டி வழங்கினார். நிகழ்ச்சியில் சரோஜாதேவி பேசும்போது, என்.டி.ஆருடன் இணைந்து படங்களில் நடித்துள்ளேன். அவர் பெயரால் விருது கிடைத்தது மகிழ்ச்சி அளிக்கிறது என்றார். பழைய நடிகை சாரதாவுக்கும் என்.டி.ஆர். விருது வழங்கப்பட்டது.

நடிகைகள் ஜெயசுதா, நித்யாமேனன், ஜெனிலியா, பின்னணி பாடகர் எஸ்.பி. பாலசுப்பிரமணியம், ஏ.வி.எம். பாலசுப்பிரமணியம் உள்ளிட்ட பலர் நந்தி விருதுகள் பெற்றனர்.

நிகழ்ச்சியில் முதல்வர் கிரண்குமார் பேசுகையில், அரசியலும் சினிமாவும் ஒன்றுதான். அரசியலில் யார் வெற்றி பெறுவார் என்பதை கணிக்க முடியாது. அதுபோல் சினிமாவிலும் எந்த படம் ஜெயிக்கும் என்பது தெரியாது என்றார்.

பது · பது Mon Mar 26, 2012 7:12 pm

sinthiyarasu · sinthiyarasu Mon Mar 26, 2012 10:57 pm

அதி · அதி Mon Mar 26, 2012 11:23 pm

நயன்தாராவுக்கு விருது கொடுக்கும்போது சரோஜா தேவிக்கு கொடுக்காம இருந்தா தான் தப்பு

யினியவன் · யினியவன் Tue Mar 27, 2012 1:31 am

தமிழைக் கொஞ்சிப் பேசினாலும் தவறாகப் பேசுவதில்லை - தற்கால நடிகைகளைப் போலே. அதற்கே கண்டிப்பாக பரிசு கொடுக்கலாம்.

கோபால் கோபால் எனக்கு பரிசு தந்ததற்கு நன்றி கோபால் நன்றி கோபால் கோபால் அப்படீன்னு சொன்னாருங்களா? புன்னகை