‘ ஓய்வு எப்போது ? நேரம் வரும்போது நானே அறிவிப்பேன் ’ - சச்சின் இன்று சிறப்பு பேட்டி

மும்பை: கிரிக்கெட்டில் இருந்து ஓய்வு குறித்து நேரம் வரும் போது தாமே முடிவு செய்து அறிவிப்பேன், இது குறித்து யாரும் என்னிடம் சொல்ல வேண்டியதில்லை. எனது விருப்பம் உள்ளவரை ஆடுவேன் என மாஸ்டர் பேட்ஸ்மேன் சச்சின் இன்று மும்பையில் செய்தியாளர்களுக்கு பேட்டி அளித்த போது தெரிவித்தார்.

சமீபத்தில் நடந்து முடிந்த ஆசிய கோப்பை கிரிக்கெட் போட்டியில் வங்கதேச அணிக்கு எதிராக சதத்தில் சதமடித்த முதல் வீரர் என்ற சாதனையை படைத்தார் சச்சின். அவரின் சாதனையை பாராட்டி பத்திரிகை ஆசிரியர்கள் சார்பில் மும்பையில் பாராட்டு விழா நடந்தது.

இந்த சந்திப்பின் போது சச்சின் கூறியயதாவது: எனது சாதனைகளுக்காக நான் கிரிக்கெட் விளையாடவில்லை. இந்திய அணி ஜெயிக்க வேண்டும் என நோக்கத்தில் தான் விளையாடி வருகிறேன். சதத்தில் சதம் அடித்தது மகிழ்ச்சி அளிக்கிறது. எனது காலத்தில் உலகக்கோப்பையை இந்தியா வென்றது ஒரு மிகப்பெரிய சாதனை.

எனது ஓய்வு குறித்து பல்வேறு செய்திகள் வருகின்றன. எனினும் எப்போது ஓய்வு பெற வேண்டும் என்பதை நேரம் வரும் போது அறிவிப்பேன். அப்போது முடிவு செய்யப்படும். அதுவரை ஓய்வு பற்றி சிந்திக்கவில்லை. எனது சாதனையை இந்தியர் ஒருவர் முறியடிப்பார் என நம்புகிறேன். எனது 17 வயதில் இருந்த வேகமும் விவேகமும் 38 வயதில் சிறிது தடுமாறத்தான் செய்கிறது. எனினும் அதை சமாளித்து விளையாடுகிறேன். என்னுடைய திறமையை இன்னும் நிரூபிக்க வேண்டியதில்லை. இருப்பினும் இன்னும் நான் எனது நம்பிக்கையை இழக்கவில்லை.

டெஸ்ட் போட்டிகள் மிகவும் சவாலானதாக இருந்தது. கிரிக்கெட் வாழ்க்கையில் எனது தந்தை எனக்கு முதல் ஹீரோ . 100 வது சதம் அடிக்க நான் சந்தித்த அந்த வேளை மிக கடினமானது. விராத் கோஹ்லி மிக திறமையானவர். இவ்வாறு அவர் தெரிவித்தார். முன்னதாக நடந்த பாராட்டு விழாவில் சச்சினுக்கு நினைவு பரிசு வழங்கி கவுரவிக்கப்பட்டது.

தினமலர்

///எனது 17 வயதில் இருந்த வேகமும் விவேகமும் 38 வயதில் சிறிது தடுமாறத்தான் செய்கிறது. எனினும் அதை சமாளித்து விளையாடுகிறேன். ///
நெஞ்சார்ந்த நேர்மைக்கு சல்யூட் சச்சின்...

சச்சின் என்றென்றும் ஒரு திறமையான வீரர் என்பதில் எந்தவிதமான சந்தேகமும் இல்லை.