முதல்வர் ‌மோடியின் உண்ணாவிரதச் செலவு ரூ. 1.57 கோடி,

முதல்வர் ‌மோடியின் உண்ணாவிரதச் செலவு ரூ. 1.57 கோடி,

காந்திநகர்: குஜராத் மாநிலத்தில் மத நல்லிணக்கம் வேண்டி முதல்வர் ‌நரேந்திரமோடி‌ மேற்கொண்ட உண்ணாவிதரச்செலவு ரூ. 1.57 கோடி என அரசு அளித்த தகவலில் தெரியவந்துள்ளது.குஜராத் முதல்வர் நரேந்திரமோடி கடந்த ஆண்டு செப்டம்பர் மாதம் , மாநிலத்தில் மதநல்லிணக்கம் வேண்டி, ‘சாத்பவானா’ என்ற மூன்று நாள் உண்ணாவிரதத்தினை காந்திநகரில் குஜராத் பல்கலை. வளாகத்தில் துவக்கினார்.

இந்நிலையில் மகாகுஜராத் ஜனதா கட்சியின் தலைவர் கோர்த்தன் ஜகதாபியா என்பவர் அம்மாநில கவர்னர் கமலா பெனிவாலுக்கு எழுதிய கடிதத்தில், மோடி மேற்‌கொண்ட மூன்றுநாள் உண்ணாவிரதத்திற்கு ஆன செலவு விவரம் குறித்து விளக்கம் ‌அளிக்கும்படி கோரினார்.இது தொடர்பாக கடந்த மார்ச் மாதம் 22-ம் தேதி குஜராத் மாநில முதன்மை செயலர் அலுவலகத்திலிருந்து அளிக்கப்பட்ட தகவலில் நரேந்திர மோடியின் உண்ணாவிரதத்திற்கு ரூ. 1.57 கோடி செலவிடப்பட்டுள்ளதாக கோர்த்தன்ஜகதாபியாவிற்கு பதில் அளிக்கப்பட்டுள்ளது. மேலும் இந்த உண்ணாவிரதத்தினால் பல்கலை.க்கு எந்தவித பாதிப்போ, இழப்பீடோ ஏற்படவில்ல‌ை என குஜராத் மாநில முதன்மை செயலர் அரவிந்த் ஜோஷி தெரிவித்தார்.

http://www.dinamalar.com/News_Detail.asp?Id=434379

இதனால் தாங்கள் கூற வருவது?

சிவா wrote:இதனால் தாங்கள் கூற வருவது?

கண்டிக்க வந்திருப்பார் என எண்ணுகிறேன்...

அந்தச் செலவை சாப்பிடச் செய்யலாமே.. (ஏழைங்க.).

Aathira wrote:அந்தச் செலவை சாப்பிடச் செய்யலாமே.. (ஏழைங்க.).

அவரும் தன்னை அப்படித்தான் நினைத்துக் கொண்டிருப்பாரோ?....

சிவா wrote:இதனால் தாங்கள் கூற வருவது?

அரசை ஆளும் நம் அரசியல் வாதிகளின் செலவு,அவர்களது சொந்தக்க் கணக்கில் சேராமல், நாம் செலுத்தும் வரிக் கணக்கில் அல்லவா வருகிறது..அந்த வரிகளை ஆகப் பூர்வமான பணிகளுக்கு பயன்படுதலாமல்லவா.......
இது மோடிக்கு மட்டுமல்ல,ஒரு சிலரை தவிர அனைவருக்கும் பொருந்தும்..

22 நாடுகளுக்கு சென்றுள்ளார், ஜனாதிபதி பிரதீபா பட்டீலின் வெளிநாட்டு பயண செலவு ரூ.205 கோடி

ஜனாதிபதி பிரதீபா பட்டீல், கடந்த 5 ஆண்டுகளில் வெளிநாடுகளில் சுற்றுப்பயணம் மேற்கொண்ட வகையில், ரூ.205 கோடி செலவிடப்பட்டு உள்ளது.

முதல் பெண் ஜனாதிபதி

நாட்டின் முதல் பெண் ஜனாதிபதியான பிரதீபா பட்டீல், கடந்த 2007-ம் ஆண்டில் பதவி ஏற்றார். அவர் பதவியில் இருந்து ஓய்வு பெறுவதற்கு இன்னும் 4 மாதங்கள் உள்ளன. அவருடைய பதவிக்காலத்தில் 12 முறை அரசு முறைப் பயணமாக 22 நாடுகளில் சுற்றுப்பயணம் செய்து இருக்கிறார்.

இந்த சுற்றுப்பயணச் செலவு, ரூ.205 கோடியாகும். இதுவரை ஜனாதிபதி பதவி வகித்தவர்களில், இவருடைய வெளிநாட்டு சுற்றுப்பயண செலவுத்தொகைதான் மிகவும் அதிகம் என்பது குறிப்பிடத்தக்கது. தகவல் அறியும் உரிமைச் சட்டத்தின் கீழ், இந்த தகவல்கள் வெளியாகி உள்ளன.

`ஏர் இந்தியா'வுக்கு ரூ.169 கோடி

பிரதீபா பட்டீல் பொதுவாக குடும்பத்தினருடன் வெளிநாடுகளில் சுற்றுப்பயணம் மேற்கொள்ளும்போது `ஏர் இந்தியா'வின் 747-400 ரக போயிங் விமானத்தைப் பயன்படுத்துவார். பூடான் பயணத்துக்கு மட்டும் சிறிய ரக ஜெட் விமானத்தை அவர் பயன்படுத்தினார். இந்த விமான பயணத்துக்கான செலவை, ராணுவ அமைச்சகம் வழங்குகிறது.

மொத்த கட்டணத் தொகை ரூ.169 கோடியில், இதுவரை ரூ.153 கோடியை மட்டுமே இந்த அமைச்சகம் `ஏர் இந்தியா' நிறுவனத்துக்கு வழங்கியுள்ளது. மீதி 16 கோடி ரூபாயை பாக்கி வைத்துள்ளது. இது தவிர, வெளிநாடுகளில் தங்குவதற்கான செலவுத் தொகை, உள்ளூர் பயணம், தினசரிப்படி மற்றும் இதர செலவுகளுக்காக, ரூ.36 கோடியை வெளியுறவு துறை அமைச்சகம் செலுத்தி உள்ளது.

அப்துல் கலாம்

இந்த செலவு விவரங்களைக்கோரி, 3 ஆண்டுகளாக தகவல் உரிமை ஆர்வலர்கள் அனுப்பிய மனுக்களுக்கு பதில் அளிக்க மத்திய அரசு தயங்கி வந்தது. ராணுவ அமைச்சகம் முழு விவரங்களை தர மறுத்ததுடன் குறிப்பிட்ட தகவல்களை மட்டுமே கொடுத்து உள்ளது.

பிரதீபா பட்டீல், 22 நாடுகளில் மொத்தம் 79 நாட்கள் சுற்றுப்பயணம் செய்திருக்கிறார். அவருக்கு முன்பு ஜனாதிபதி பதவி வகித்த அப்துல் கலாம், 17 நாடுகளிலும், கே.ஆர்.நாராயணன் 10 நாடுகளிலும், சங்கர்தயாள் சர்மா 16 நாடுகளிலும் சுற்றுப்பயணம் மேற்கொண்டு உள்ளனர்.

மோடி மட்டுமல்ல, அனைத்து அரசியல்வாதிகளும், அரசு ஊழியார்களும் பொதுமக்களின் வரிப்பணத்தை வீணாக விரயமாக்குகிறார்கள்.

உண்மை தான் சிவா சார்..

எப்போது இந்த அரசியல்வாதிகள் சிந்திப்பர்களோ அன்று தான் நமக்கு விடிவு..இது போன்ற அனாவசிய செலவுகளை குறைத்தால்,வரியும் குறையும்..இந்தியாவின் கடன் தொகையும் குறையும்..