கம்பனும் ஏமாந்தான் நானும் ஏமாந்தேன்!!

by balakarthik Sun Mar 25, 2012 7:31 pm

போன மாதம் சென்னையில் நண்பன் ஒருவனுடன் சினிமாவுக்கு சென்று விட்டு திரும்பும்போது ரொம்பத் தாமதமாகிவிட்டதால் மதிய உணவுக்கு குரோம்பேட்டை அஞ்சப்பரில் புகுந்தேன். (பின்னே, அடையாறு ஆனந்த பவனில் போய் யார் கால் கடுக்கக் காத்திருப்பது?)

எதிரில் ‘மோகமுள்’ யமுனா மாதிரி எழில் வாய்ந்த ஒரு பெண். அலைபேசியில் யாருடனோ முணுமுணுவென்று பேசி முகமெல்லாம் லஜ்ஜை. மோப்பக் குழையும் அநிச்சம் என்பது இவர்தானோ!

வெய்ட்டர் ஒரு பிளேட்டைக் கொண்டுவந்து வைத்ததும் அவருடைய சுயரூபம் தெரிந்தது. அதிலிருந்து ஒரு லெக் பீஸை உருவி காலைப் பிடித்துக் கொண்டு துடையைக் கடித்து இழுக்க ஆரம்பித்தார்.

“வேறே என்னங்க?” என்று வெய்ட்டர் கேட்டதும்

“ரத்தப் பொறியல் இருக்கா?” என்றார்.

மெதுவாக அவர் முகத்தில் கோரைப் பல் முளைத்து நாக்கு வெளியே வருவது போலத் தோன்றியது எனக்கு.

“இல்லைங்க ஈவினிங்தான் கிடைக்கும்”

“தலக் கறி இருக்கா?” என்று அடுத்த வன்முறைத் தாக்குதல் அவர் பண்ணிக் கொண்டிருந்த போதே,

“சார் உங்களுக்கு….? தலக் கறி ரெண்டு பிளேட்டா சொல்லிடவா?” என்றார் என்னிடம்.

“நோ… எனக்கு தலக் கறி வேணாம்…. விஜய் கறி… ச்சீ…. வெஜ் கறி” என்று உளறினேன் பயத்தில்.

கண்ணதாசன் ‘கம்பன் ஏமாந்தான்’ பாட்டை எழுதுவதற்கு முன் முனியாண்டி விலாஸ் போயிருப்பார் என்று நினைக்கிறேன்.

by **ரா.ரா3275** Sun Mar 25, 2012 7:51 pm

balakarthik wrote:

எதிரில் ‘மோகமுள்’ யமுனா மாதிரி எழில் வாய்ந்த ஒரு பெண். அலைபேசியில் யாருடனோ முணுமுணுவென்று பேசி முகமெல்லாம் லஜ்ஜை. மோப்பக் குழையும் அநிச்சம் என்பது இவர்தானோ!

என்ன ஒரு ஜொள்ளு...லொள்ளு...
இதுல மோப்பக் குழையும்னு மொத்தமாக் குழையறது வேற...
ஆமா...யாரு அந்த அனிச்ச...சாரி...அநியாய மலர்?...

by **ரா.ரா3275** Sun Mar 25, 2012 7:58 pm

balakarthik wrote:

“சார் உங்களுக்கு….? தலக் கறி ரெண்டு பிளேட்டா சொல்லிடவா?” என்றார் என்னிடம்.

“நோ… எனக்கு தலக் கறி வேணாம்…. விஜய் கறி… ச்சீ…. வெஜ் கறி” என்று உளறினேன் பயத்தில்.

கண்ணதாசன் ‘கம்பன் ஏமாந்தான்’ பாட்டை எழுதுவதற்கு முன் முனியாண்டி விலாஸ் போயிருப்பார் என்று நினைக்கிறேன்.

நீங்க ஏமாந்ததுக்கு கவியரசர வேற மொக்கப் பீசாக்கறது நியாயமே இல்ல...
எல்லாம் சும்மா பாலாகார்த்திக்...
உங்களுடையப் பதிவுகளை நான் தொடர்ந்து கண்ணுற்று வருகிறேன்...
நிறைய கிண்டலும் கேலியும் தெறிக்கிறது...அதே சமயம் ஆங்காங்கே இலக்கிய நயமும் இடைச்செருக்கலாக இல்லாமல் யதார்த்தமாக
இழையோடுகிறது...
வாழ்த்துகள் பாலாகார்த்திக்...

ஈகரையில் எண்ணற்ற ஆளுமைகள் ஈடில்லா திறமையுடன் வலம் வருவதைப் பார்க்கையில் இந்தத் தளத்தில் நானுமா?...என்று எண்ணுகையில் இருதயத்தில் இருமடங்குப் பெருமிதம்...பேரானந்தம்...
இந்த வேளையில் ஈகரை நிர்வாகத்திற்கும் நன்றி சொல்லியே ஆக வேண்டும்...நன்றி ஈகரை...

by **கேசவன்** Sun Mar 25, 2012 8:42 pm

by **T.N.Balasubramanian** Sun Mar 25, 2012 9:23 pm

"போன மாதம் சென்னையில் நண்பன் ஒருவனுடன் சினிமாவுக்கு சென்று விட்டு திரும்பும்போது ரொம்பத் தாமதமாகிவிட்டதால் மதிய உணவுக்கு குரோம்பேட்டை அஞ்சப்பரில் புகுந்தேன். (பின்னே, அடையாறு ஆனந்த பவனில் போய் யார் கால் கடுக்கக் காத்திருப்பது?)"

பேஷ் பேஷ் அஞ்சப்பர்லே கறியா ?
ரமணியன்.

by Sponsored content

கம்பனும் ஏமாந்தான் நானும் ஏமாந்தேன்!!

கம்பனும் ஏமாந்தான் நானும் ஏமாந்தேன்!!

Re: கம்பனும் ஏமாந்தான் நானும் ஏமாந்தேன்!!

Re: கம்பனும் ஏமாந்தான் நானும் ஏமாந்தேன்!!

Re: கம்பனும் ஏமாந்தான் நானும் ஏமாந்தேன்!!

Re: கம்பனும் ஏமாந்தான் நானும் ஏமாந்தேன்!!

Re: கம்பனும் ஏமாந்தான் நானும் ஏமாந்தேன்!!