"தொலைந்த சிறகுகள்"

பறவை தொலைத்த குரல்
குழந்தைகளுக்குக் கிடைக்கலாம்...
கார்ட்டூன்களிலும்., காமிக்ஸ்களிலும்.
*************************************************************
கள்ள ஓட்டுக்களும் ....
காசுக்கு வாங்கிய ஓட்டுக்களும்...
எங்களை ஆண்டு கொண்டிருக்கின்றன.
"சுதந்திரம் எனது பிறப்புரிமை!"....
உங்களுக்குத் தெரியுமா ?......
இப்போது இதன் அர்த்தம்.
*******************************************************************
விளக்கின் சுடர்....
அருகே விட்டில் பூச்சிகள்...
சுடர் அதீத தீவிரத்துடன் அலைந்தபடி
என்னை அழைக்கிறது...
தன்னை அணைத்துவிடும்படி சொல்லி.
**********************************************************************
உனது கடிதம்...
அமைதியாய் படிக்கிறேன்....
ஆனால் அமைதியாயில்லை.
************************************************************************
குளத்தில் பூக்கள்...
யார் ஒளித்து வைத்த காதல்
இப்படி மலர்ந்தது.?....
**************************************************************************
குடை
தடுக்கிறது
சூரியனை.
***************************************************************************
வைகறை
பனித்துளி
பட்டாம் பூச்சிகள்...
தேடிக் கொண்டிருக்கிறேன்
எனது தொலைந்த சிறகுகளை.
****************************************************************************

குளத்தில் பூக்கள்...
யார் ஒளித்து வைத்த காதல்
இப்படி மலர்ந்தது.?....

......................நல்ல வரிகள் ரமேஷ் . வாழ்த்துக்கள்.

ரொம்பவும் நன்றி! கல்யாண்.

அனைத்தும் சூப்பர் அண்ணா....

ரொம்பவும் நன்றி! ஜாஹீதா பானு.

அனைத்தும் அருமை .. வாழ்த்துக்கள் ரமேஷ்நாகா ..

இவைகள்தான் கவிதைகள்

ரொம்பவும் நன்றி! கே.பாலா.

விளக்கின் சுடர்....
அருகே விட்டில் பூச்சிகள்...
சுடர் அதீத தீவிரத்துடன் அலைந்தபடி
என்னை அழைக்கிறது...
தன்னை அணைத்துவிடும்படி சொல்லி.