உயர்ந்தோன்.-

by **கே. பாலா** Sun Mar 25, 2012 2:35 pm

கவிதை :எஸ்.எம்.ஜுனைத் ஹஸனீ

முன்னதாய் வாயகன்ற நலம் கேட்டு
பின்னதாய் முதுகு நனைய காரியுமிழுங்கள்
எதேச்சையாய் எப்பொழுதாய் நாவுரைத்த
என் ஓர் வார்த்தையின் இலக்கணம் பற்றி
என் ஏழேழு ஜென்மம் தூற்றுங்கள்
இறுகத் தாழிடப்பட்ட என் கதவிற்கு உட்புறமான
என் இரவு இரகசியங்களை
காலைக் கதிரவனுக்கு முன்னதாய்
நீங்களே பகிருங்கள்
தவறிப் புசித்த உங்களின் ஓர் பருக்கையை
ஒன்பதென ஊருக்குச் சொல்லுங்கள்
உடன் சென்று கை அசைத்து
வீதி வரை விடை தந்த
என் தங்கை ஒருத்தியை
தகாத உறவுக்காரியெல்லாம் தரமிழந்து
இன்னுமின்னும் ஏளனியுங்கள்
வேண்டாதொரு வசையின் வழியே
நீங்கள் மிருகமாகும் அத்தருணம்
உங்களை மன்னித்து
நான் கடவுளாகிக் கொண்டிருப்பேன்.

உயிரோசை

by யினியவன் Sun Mar 25, 2012 3:23 pm

பகிர்வுக்கு நன்றி பாலா - அருமையான கவிதை.

உள்ளொன்று வைத்து புறமொன்று பேசும்
புரளிவாய்ப் பேய்களுக்கு நல்ல பேயோட்டுக் கவிதை.

by **ரா.ரா3275** Sun Mar 25, 2012 11:50 pm

///இன்னுமின்னும் ஏளனியுங்கள்
வேண்டாதொரு வசையின் வழியே
நீங்கள் மிருகமாகும் அத்தருணம்
உங்களை மன்னித்து
நான் கடவுளாகிக் கொண்டிருப்பேன்.///

ஆஹா...ஆதி அற்புதமான வரிகள்...
பக்குவமிலான் மிருகமெனில் பக்குவமுளான் கடவுளே...
அருமையானக் கவிதை...பகிர்விற்கு நன்றி பாலா சார்...

by Sponsored content

உயர்ந்தோன்.-

உயர்ந்தோன்.-

Re: உயர்ந்தோன்.-

Re: உயர்ந்தோன்.-

Re: உயர்ந்தோன்.-