காதலுக்கு நான்கு கண்கள்-பா(ப)ட்டுக்கோட்டையார்

**ரா.ரா3275** · **ரா.ரா3275** Fri Mar 23, 2012 2:03 am

கல்லால் இதயம் வைத்து
கடும் விஷத்தால் கண்ணமைத்து
கணக்கில்லாப் பொய்களுக்குக்
காரணமாய் நாக்கமைத்துக்
கள்ள உருவமைத்துக்
கன்னக்கோல் கையமைத்து
நல்லவரென்றே சிலரை - உலகம்
நடமாட விட்டதடா!

காதலுக்கு நாலு கண்கள்
கள்வனுக்கு ரெண்டு கண்கள்
காமுகரின் உருவத்திலே
கண்ணுமில்லை காதுமில்லை!

நீதியின் எதிரிகளாய்
நிலைமாறித் திரிபவர்கள்
பாதையில் நடப்பதில்லை
பரமனையும் மதிப்பதில்லை
பாதகம் கொஞ்சமில்லை
பண்புமில்லை முறையுமில்லை
பேதைப்பெண்கள் இதைப்
பெரும்பாலும் உணர்வதில்லை
பேதம் இல்லை என்பார்
வேதாந்தம் பேசிடுவார்
பெற்றவளைப் பேயென்பார்
மற்றவளைத் தாயென்பார்
காதல் அறம் என்பார்
கற்பின் விலை என்னவென்பார்
கண்மூடி மாந்தர் இதை
கடைசிவரை அறிவதில்லை!

எழுதியவர் : பட்டுக்கோட்டை கல்யாணசுந்தரம்

யினியவன் · யினியவன் Fri Mar 23, 2012 2:12 am

பட்டுக்கோட்டையின் வரிகள் என்றும்போலே அற்புதம் - பகிர்வுக்கு நன்றி ராரா.

மாந்தர் தனை பழிக்காமல்
மடமை தனை திணிக்காமல்
மாந்தர் தனை மிதித்திடும்
ஆடவன் தனை பெறுவதும்
அம்மாந்தர் தானே என
உணராமல் ஏனடா
ஆனாய் மூடனாய்?

இந்த பதிவைத் துவங்கியவர் நன்றி கூறியுள்ளார் யினியவன்

**ரா.ரா3275** · **ரா.ரா3275** Fri Mar 23, 2012 2:13 am

///காமுகரின் உருவத்திலே
கண்ணுமில்லை காதுமில்லை!///

எனக்கு மிகவும் பிடித்த வரிகள் இவை...

**ரா.ரா3275** · **ரா.ரா3275** Fri Mar 23, 2012 2:15 am

கொலவெறி wrote:பட்டுக்கோட்டையின் வரிகள் என்றும்போலே அற்புதம் - பகிர்வுக்கு நன்றி ராரா.

மாந்தர் தனை பழிக்காமல்
மடமை தனை திணிக்காமல்
மாந்தர் தனை மிதித்திடும்
ஆடவன் தனை பெறுவதும்
அம்மாந்தர் தானே என
உணராமல் ஏனடா
ஆனாய் மூடனாய்?

நன்றி நண்பரே...உங்கள் கவிதைப் பின்னூட்டத்திற்கும்...

யினியவன் · யினியவன் Fri Mar 23, 2012 2:23 am

ரா.ரா3275 wrote:///காமுகரின் உருவத்திலே
கண்ணுமில்லை காதுமில்லை!///

எனக்கு மிகவும் பிடித்த வரிகள் இவை...

காமம் தலைக்கேறி விட்டால்
காண்பதெல்லாம் சதைப் பாங்கான பிரதேசங்களே
பிரதேசங்களை வலம் வர இருட்டொன்றே போதும் என
குருடனாவான் - அவள் கதறலை செவி மடுக்கா செவிடனும் ஆவானே