இது மட்டும் அம்மாவுக்கும் எனக்கும்

by **ரா.ரா3275** Fri Mar 23, 2012 12:14 am

அம்மா பதில் சொல்லு...
ஏழாம் மாசம் நானும்
எட்டி கையால உதைச்சதால
ஏதாவது கோவமா அம்மா உனக்கு?

கைய எடுத்து எங்கயோ
எறிஞ்சிட்டு போச்சு நாயும்
எச்சில் காக்கா அதையும்
எடுத்து கொத்தும்போது
இந்த பாப்பா நிலைமை பாத்து
எரியாதா அம்மா உன் மனசு?

சின்னகாலால் நானும்
சேர்த்து அடிச்சதுனால
சொல்லாத கோவமா அம்மா உனக்கு?

சிகப்புமாறாப் பாதம்
சின்னாபின்னம் ஆகி
சாலையோர சைக்கிளில்
மிதிபடும் போது
செல்லப் பாப்பா நிலைமை பார்த்து
வலிக்கலையா அம்மா உன் மனசு?

ஒன்பதாம் மாசம் நானும்
ஒருக்களிச்சு படுத்ததினால
ஒருவேள கோவமா அம்மா உனக்கு?

ஒரு கண்ணை மட்டும்
பருந்து தூக்கிட்டு போக
ஓடிப்போயி நானும் அதை தேட
உன்னோட பாப்பா நிலைமை பார்த்து
ஒண்ணுமே தோணலியா அம்மா உனக்கு?

ஆவியா நான் வந்து
அம்மானு கூப்பிட்டா
அன்பா ஒரு முத்தம் குடுப்பியா அம்மா?

அடுத்த ஜென்மம்னு
ஒண்ணு இருந்தா
அப்பா இருக்கிற வீட்டுல
குழந்தையா பொறக்கணும்

அப்படியே தப்பா பொறந்தாலும்
சிரமம் பார்க்காம
ஆசிரமத்துல சேர்த்துடு அம்மா
இந்த குப்பைத்தொட்டியில
கொடூரமா சாக
ரொம்ப பயமா இருக்கு மா....

எழுதியவர் : கவிஞர் வே.பத்மாவதி

by யினியவன் Fri Mar 23, 2012 12:34 am

மனதை பிசையற கவிதை ராரா - என்னால முழுசா படிக்கவே முடியல.

இந்நிலை வாரா வரம் பெட்றே பெறட்டும் குழந்தைச் செல்வங்களை இனியாவது.

(அன்னிக்கு உங்க கவிதைய அடுத்தவருதுன்னு ஆர்பாட்டம் பண்ணினாங்க, இன்னிக்கு அடுத்தவங்க கவிதைய உங்க கவிதைன்னு ஆர்ப்பாட்டம் பண்ண யாரு வரப் போறாங்களோ?)

by **ரா.ரா3275** Fri Mar 23, 2012 12:39 am

கொலவெறி wrote:மனதை பிசையற கவிதை ராரா - என்னால முழுசா படிக்கவே முடியல.

இந்நிலை வாரா வரம் பெட்றே பெறட்டும் குழந்தைச் செல்வங்களை இனியாவது.

(அன்னிக்கு உங்க கவிதைய அடுத்தவருதுன்னு ஆர்பாட்டம் பண்ணினாங்க, இன்னிக்கு அடுத்தவங்க கவிதைய உங்க கவிதைன்னு ஆர்ப்பாட்டம் பண்ண யாரு வரப் போறாங்களோ?)

மனதைச் சல்லடையாக்கியதால்தான் இங்கே பகிர்ந்தேன் நண்பரே...
யாரோ தெரியவில்லை அந்தப் பத்மாவதி...அற்புதமாய் கண்ணீரைக் கவிதையாய் இறக்கியிருக்கிறார்...நன்றிகளும் பாராட்டுகளும் அவருக்குப் போய்ச் சேரட்டும்...

by **ரா.ரா3275** Fri Mar 23, 2012 12:42 am

கொலவெறி wrote:

(அன்னிக்கு உங்க கவிதைய அடுத்தவருதுன்னு ஆர்பாட்டம் பண்ணினாங்க, இன்னிக்கு அடுத்தவங்க கவிதைய உங்க கவிதைன்னு ஆர்ப்பாட்டம் பண்ண யாரு வரப் போறாங்களோ?)

அரசியல்ல இதெல்லாம் சகஜமப்பா...
அது தெரியாமல் நடந்ததாய் இருக்கும் நண்பரே...வருத்தம் எதுவும் எனக்கில்லை...

by அசுரன் Fri Mar 23, 2012 12:48 am

சுகத்தின்போது சுகமாய் இருந்தவர்கள்
சுமக்கும்போது ஏன் மெளனமாகிப்போனார்கள்
சுரக்கும் போது தூர ஏறிவது என்று மாறுமோ?

ராராவுக்கும் பத்மாவதிக்கும் நன்றிகள் (கண்ணீருடன்)

by **ரா.ரா3275** Fri Mar 23, 2012 11:24 am

அசுரன் wrote:சுகத்தின்போது சுகமாய் இருந்தவர்கள்
சுமக்கும்போது ஏன் மெளனமாகிப்போனார்கள்
சுரக்கும் போது தூர ஏறிவது என்று மாறுமோ?

ராராவுக்கும் பத்மாவதிக்கும் நன்றிகள் (கண்ணீருடன்)

நன்றி அசுரன் அவர்களே...உங்களின் முழு நன்றிகளும் பத்மாவதிக்கே சேரும்...

by **ஜாஹீதாபானு** Fri Mar 23, 2012 2:00 pm

படிக்கும் போதே மனசு வலிக்குது சோகம்

எப்படித் தான் குப்பையில் போட மனம் வருதோ ..கல்நெஞ்சக்காரி கருவிலேயே கொன்னிருக்கலாமே...

ரசித்த கவிதை எங்களை வருத்தி விட்டது சூப்பருங்க

by **ரா.ரா3275** Fri Mar 23, 2012 2:10 pm

ஜாஹீதாபானு wrote:படிக்கும் போதே மனசு வலிக்குது

எப்படித் தான் குப்பையில் போட மனம் வருதோ ..கல்நெஞ்சக்காரி கருவிலேயே கொன்னிருக்கலாமே...

ரசித்த கவிதை எங்களை வருத்தி விட்டது

இதே மனநிலையில்தான் படித்தேன்-பகிர்ந்தேன் இங்கே...

நன்றிகள் ஜாகீதாபானு அவர்களே...

by அதி Fri Mar 23, 2012 4:30 pm

மனதில் சுமை ஏறிவிட்டது இக்கவிதையைப் படித்து
தகப்பன் இல்லாவிட்டாலும் தகப்பனாய் தாயாய் நானிருக்கிறேன் எப்போதும் உன்னுடன் என்று சொல்லும் துணிவு ஏன் வருவதில்லை என்று புரியவில்லை.
சமுதாயதுக்காக பயப்படுகிறார்கள் என்றால் அந்த பயம் ஏன் ஆரம்பத்திலேயே இல்லை என்று கோபம் எழுகிறது.
வறுமையிலும் கூட குழந்தைக்கு ஒருவாய் கஞ்சியாவது ஊற்றும் தாய்மார்களுக்கு மத்தியில் இவர்களெல்லாம் தாயென்றே சொல்ல தகுதியில்லாதவர்கள்.

by **ஜாஹீதாபானு** Fri Mar 23, 2012 4:37 pm

அதி wrote:மனதில் சுமை ஏறிவிட்டது இக்கவிதையைப் படித்து
தகப்பன் இல்லாவிட்டாலும் தகப்பனாய் தாயாய் நானிருக்கிறேன் எப்போதும் உன்னுடன் என்று சொல்லும் துணிவு ஏன் வருவதில்லை என்று புரியவில்லை.
சமுதாயதுக்காக பயப்படுகிறார்கள் என்றால் அந்த பயம் ஏன் ஆரம்பத்திலேயே இல்லை என்று கோபம் எழுகிறது.
வறுமையிலும் கூட குழந்தைக்கு ஒருவாய் கஞ்சியாவது ஊற்றும் தாய்மார்களுக்கு மத்தியில் இவர்களெல்லாம் தாயென்றே சொல்ல தகுதியில்லாதவர்கள்.

ரொம்ப சூப்பரா சொல்லி இருக்க அதி.... சியர்ஸ்