ஃப்ரூட்-நட்ஸ் ஸ்பாஞ்ச் அப்பம்

by முஹைதீன் Thu Mar 22, 2012 12:28 pm

ஃப்ரூட்-நட்ஸ் ஸ்பாஞ்ச் அப்பம்
தேவையானவை: கோதுமை மாவு, மைதா மாவு, அரிசி மாவு - கால் கப், முந்திரி-பாதாம் அரைத்த விழுது, தேங்காய் துருவல் - தலா அரை கப், வாழைப்பழம், ஆப்பிள் - தலா 1, சர்க்கரைவள்ளிக் கிழங்கு - 2, வெல்லத்தூள் - 2 கப், நெய் - ஒரு டீஸ்பூன், ஏலக்காய்த்தூள் - ஒரு டீஸ்பூன், எண்ணெய் - தேவையான அளவு
செய்முறை: மாவுகளை சலித்துக் கொள்ளவும். சர்க்கரைவள்ளிக் கிழங்கை வேக வைத்து தோல் நீக்கி, மசிக்கவும். வாழைப்பழத்தை மசித்துக் கொள்ளவும். மிக்ஸியில் தேங்காய் துருவலை நைஸாகப் பொடித்து, தோல், விதை நீக்கிய ஆப்பிள் துண்டுகளைப் போட்டு அரைக்கவும்.

ஃப்ரூட்-நட்ஸ் ஸ்பாஞ்ச் அப்பம் 67770439

வெல்லத்தில் தண்ணீர் சேர்த்து அடுப்பில் வைத்து, கரைந்ததும் வடிகட்டி, ஏலக்காய்த்தூள் சேர்க்கவும். இதில் சலித்த மாவுகள், முந்திரி - பாதாம் விழுது, மசித்த வள்ளிக்கிழங்கு, வாழைப்பழம், நெய், தேங்காய்-ஆப்பிள் கலவையைப் போட்டுக் கலக்கவும். சிறிது தண்ணீர் சேர்த்துக் கரண்டியால் ஊற்றும் அளவுக்கு மாவைக் கரைத்துக் கொள்ளவும்.
கடாயில் எண்ணெய் விட்டு, காய்ந்ததும் மாவை ஊற்றி, உப்பியதும் திருப்பி விட்டு, பொன்னிறமாக வெந்ததும் எடுக்கவும்.
http://atozthagavalkalangiyam.blogspot.in/2012/03/blog-post_8975.html

by **krishnaamma** Thu Mar 22, 2012 12:30 pm

படிக்கும்போதே நல்லா இருக்கே புன்னகை

ஃப்ரூட்-நட்ஸ் ஸ்பாஞ்ச் அப்பம்

ஃப்ரூட்-நட்ஸ் ஸ்பாஞ்ச் அப்பம்

Re: ஃப்ரூட்-நட்ஸ் ஸ்பாஞ்ச் அப்பம்