உணவு சாப்பிட்டபடியே உண்ணாவிரதம் இருக்கும் உதயகுமார்

by **krishnaamma** Thu Mar 22, 2012 12:14 pm

First topic message reminder :

உணவு சாப்பிட்டபடியே உண்ணாவிரதம் இருக்கும் உதயகுமார் - Page 4 Tamil_News_large_431669

கூடங்குளம்: கூடங்குளம் பிரச்னையில் இடிந்தகரையில் சாப்பாட்டுடன் உண்ணாவிரத போராட்டம் நடத்தினார் உதயக்குமார்.

உதயகுமாரை கைது செய்ய, ஆயிரக்கணக்கான போலீசார் சில தினங்களாக இடிந்தகரை அருகே முகாமிட்டுள்ளனர். உண்ணாவிரதம் என்ற பெயரில் கிராம மக்களை திரட்டி, போலீசாரிடமிருந்து தப்பிக்க, உதயகுமார் நடத்தும் நாடகத்தை அறிந்திருந்தும், உத்தரவு வராததால் போலீசார் அமைதி காக்கின்றனர். எல்லை பகுதியில், உணவு, குடிநீர் இல்லாமல் போலீசார் தவிக்கின்றனர். உதயகுமாரோ, உண்ணாவிரதம் என்ற பெயரில், சுடச்சுட உணவு உண்டு, போராட்டம் நடத்துகிறார். சுற்று வட்டார பகுதியில், "144' தடை உத்தரவு அமலில் இருப்பதால், கடைகள் அடைக்கப்பட்டுள்ளன.எதிர்ப்பு குழுவினர், கடல்வழியாக அண்டை மாவட்டங்களிலிருந்து படகுகள் மூலம் உணவுப் பொருட்களை வாங்கி வருகின்றனர். போராட்ட பந்தல் அருகில், 24 மணி நேரமும் சமையல் நடக்கிறது. காலையில் கோதுமை கஞ்சி, மதியம் தக்காளி சாதம், பொரியல், இரவு வெண்பொங்கல், சாம்பார், சட்னி, வடை, என ஆட்களை வைத்து சமையல் செய்து சாப்பிடுகிறார் உதயகுமார். "கிராம மக்களை வீடுகளில் சமைக்க வேண்டாம்' என, வலியுறுத்தியுள்ளதால், காலை, மதியம், இரவு உணவு தேவைக்கு, எதிர்ப்பாளர்கள் கூடாரத்தை, மக்கள் நாடுகின்றனர். அதில் வரும் கூட்டத்தை, தங்கள் போராட்டத்தில் பங்கேற்றவர்களாக, பிரகடனம் செய்கின்றனர்.

கைது செய்ய 15 பஸ் "ரெடி': கூடங்குளம் எதிர்ப்பாளர்களை கைது செய்ய, 15 அரசு பஸ்களை போலீசார் தயார் நிலையில் வைத்துள்ளனர். கூடங்குளம் அணு மின் நிலைய எதிர்ப்பாளர் உதயகுமார் தலைமையிலான குழுவை கைது செய்ய, போலீசார் தயார் நிலையில் உள்ளனர். உதயகுமார் முகாமிட்டுள்ள, இடிந்தகரை கிராமத்தைச் சுற்றிய பகுதிகள் அனைத்தும், போலீஸ் கட்டுப்பாட்டில் கொண்டு வரப்பட்டுள்ளன. உதயகுமார் குழு எந்த நேரத்திலும் கைது செய்யப்படலாம் என்பதால், அவர்களை சிறைக்கு அழைத்துச் செல்ல, 15 அரசு பஸ்கள் தயார் நிலையில் வைக்கப்பட்டுள்ளன. கூடங்குளத்தில் ஐந்து பஸ்களும், இடிந்தகரை செல்லும் வழியில், 10 பஸ்களும் நிறுத்தப்பட்டுள்ளன. எதிர்ப்பாளர்கள் வெளியூர் நபர்களை அழைத்து வருவதால், கைதாவோர் எண்ணிக்கை அதிகரிக்க வாய்ப்புள்ளது. இதனால் கூடுதல் பஸ்களை பெற, போலீசார் முடிவு செய்துள்ளனர். கூடுதலாக, 16 பஸ்கள் வர வாய்ப்புள்ளதாக, பணியிலிருந்த அரசு போக்குவரத்துக் கழக அதிகாரி ஒருவர் தெரிவித்தார்.

by **ரா.ரா3275** Thu Mar 22, 2012 7:41 pm

புரட்சி wrote:போராட துணிவு இல்லாவிட்டாலும் தமிழர்கள் அடிக்கும் கிண்டல் கேவலமாக உள்ளது ..

வருந்த வேண்டிய பின்னூட்டம் புரட்சி உங்களுடையது ...
உண்மையைத் தலைவணங்கி ஏற்பதைத் தவிர வேறு வழியில்லை...

புரட்சி wrote:போராட துணிவு இல்லாவிட்டாலும் தமிழர்கள் அடிக்கும் கிண்டல் கேவலமாக உள்ளது ..

மிகவும் உண்மை புரட்சித் தம்பி சோகம்

by அசுரன் Thu Mar 22, 2012 9:07 pm

அதி wrote:
அருண் wrote:உண்மையாக இருக்க வாய்ப்பு உண்டு பொண்ணு! 8 மாதங்களாக உண்ணாமல் யாரும் இருக்க முடியாது. ஆனால் போராட்டம் உண்மையாக நடத்தினார்..!
உண்ணாவிரதம் என்று சொல்லாமல் அந்த போராட்டத்தை நடத்தியிருக்கலாம்.ஒரு சின்ன பொய் அவர் செய்த மற்ற நல்லதைப் பாதித்துவிடக்கூடாது இல்லையா

நான் கேள்விபட்ட வரையில் அங்கிருக்கும் குழந்தைகளுக்கும் மற்ற சிறுவர் சிறுமியருக்கும் பால் மற்றும் உணவு செல்கிறது என்பது தான். ஆனாலும் அவர் போராட்டத்தை கைவிட்டுவிடலாம். சோகம்