இலங்கையில் தனி ஈழம் ஏற்படுத்த வேண்டும் என்பதே எனது குறிக்கோள்: கருணாநிதி

**சிவா** · **சிவா** Thu 22 Mar 2012 - 23:11

இலங்கையில் நடந்த இறுதிக்கட்ட போரின்போது பல்லாயிரக்கணக்கான அப்பாவி ஈழ தமிழர்கள் படுகொலை செய்யப்பட்டனர். உயிர் தப்பிய தமிழர்களின் வாழ்வாதாரங்கள் அழிக்கப்பட்டன. பெண்கள் பாலியல் சித்ரவதை செய்து ஈவு இரக்கமின்றி கொல்லப்பட்டனர்.

இலங்கைக்கு எதிராக ஐ.நா.மனித உரிமை பேரவையில் அமெரிக்கா கொண்டு வந்த தீர்மானம் இன்று நடைபெற்ற வாக்கெடுப்பில் 24 நாடுகளின் ஆதரவோடு வெற்றி பெற்றது.

இதுகுறித்து திமுக தலைவர் மு. கருணாநிதி கூறியதாவது-

இலங்கை தமிழர்களுக்கு புரிந்த கொடுமைகளுக்கு பரிகாரம் தேட ஐ.நா. வழி வகுக்கும். இந்த தீர்மானத்தால் உலகத்தின் முன் இலங்கை தலைகுனிந்து பதிலளிக்க வேண்டிய நிலையில் உள்ளது.

மீண்டும் இலங்கை தமிழர்களுக்கு எந்த கொடுமையும் நடக்காது என நான் நம்புகிறேன். இதை எதிர்த்து வாக்களித்த நாடுகளுக்கு மனிதாபிமானத்தின் மீது நம்பிக்கை இல்லை.

தனி ஈழம் ஏற்படுத்த வேண்டும் என்பதே எனது குறிக்கோள். ஆனால், போராளிகளுக்குள் ஏற்பட்ட சகோதர யுத்தம் தமிழ் ஈழம் அமைப்பதை கெடுத்துவிட்டது. இலங்கைக்கு எதிராக வாக்களித்ததற்க்காக பிரதமர் மன்மோகன் சிங்குக்கும் சோனியா காந்திக்கும் எனது நன்றியை தெரிவித்துக் கொள்கிறேன்.

இவ்வாறு கருணாநிதி தெரிவித்தார்.

மாலைமலர்

Guest · Guest Thu 22 Mar 2012 - 23:19

உனது குடும்பத்தை வேரோடு அறுக்க வேண்டும் என்பதே பலரது குறிக்கோள் ...

யினியவன் · யினியவன் Thu 22 Mar 2012 - 23:49

பொண்ண காப்பதறதும் பொண்ணு கில்லாடியா சம்பாரிச்ச கோடிகளை காப்பதறதும் தான் தலீவா உங்க குறிக்கோளே.

இந்த மாதிரி உணர்ச்சிவசப் பட்டு குறிக்கோள எதுக்காகவும் மாத்திக்காதீங்க தலீவா.