Latest topics

சர்வதேச திரைப்பட விழாவில் ஈழத் தமிழர்களின் முதற்படம்

ஈகரை தமிழ் களஞ்சியம் :: செய்திக் களஞ்சியம் :: வீடியோ மற்றும் புகைப்படங்கள்

Page 1 of 1

சர்வதேச திரைப்பட விழாவில் ஈழத் தமிழர்களின் முதற்படம்

Post by ஈழமகன் Sat Oct 03, 2009 3:05 pm

வன்கூவரில் நடைபெறுகின்ற சர்வதேச திரைப்பட விழாவின் கனடிய படங்கள் வரிசையில் ஈழத்தமிழரின் தமிழ்ப் படமான '1999' படமே முதன்முதலில் திரையிடப்பட்டு ஆரம்பிக்கப்படவுள்ளது. இப்படமானது யாழ்ப்பாணத்தைல் பிறந்த கனடா வாழ் ஈழத்தமிழரான எம்.லெனின் சிவம் (32) என்பவரால் தயாரிக்கப்பட்டுள்ளது. கனடா நாட்டில் தமது வாழ்க்கையை அமைத்துக் கொள்ள வன்முறைகளால் பாதிக்கப்பட்டு வந்துள்ள ஈழத்தமிழர்கள் எவ்வாறான சிரமங்களுக்கு முகம் கொடுக்கிறார்கள் என்பதை இப்படம் சித்தரிக்கின்றது. இப்படமே அவரின் முதற்படம் என்பதும் குறிப்பிடத்தக்கது. 1991 இல் கனடா நாட்டுக்குக் குடிபெயர்ந்த இவர் முன்னர் சில வெற்றிகரமான தமிழ் குறும்படங்களைத் தயாரித்துள்ளார். இவரின் தந்தையார் இலங்கையில் இருந்த காலத்தில் திரைக்கதை எழுத்து, இயக்கம், மற்றும் நடிகராக இருந்துள்ளமையும் சுட்டிக்காட்டத்தக்கது.

லெனின் சிவம் இதற்கு முன்னர் தயாரித்த இனியவர்கள், உறுதி, பக்கத்துவீடு போன்ற தமிழ் குறும்படங்களும் கனடா ரொரன்ரோவிலுள்ள தமிழர்கள் முகம்கொடுத்துவரும் சவால்களை எடுத்துக் காட்டுவதாகவே அமைந்தன. தற்போது வெளியாகியுள்ள 1999 படத்தில் பணியாற்றியுள்ள சுமார் 50 பேரும் சேவை நோக்குடனேயே பணியாற்றியுள்ளனர். எனவே மிகக்குறைந்த செலவில் இப்படம் தயாரிக்கப்பட்டுள்ளது. அதில் நடித்த 20 நடிகர்களுக்கு இதுவே முதலாவது படமாகும்.

ஈழமகன்: நிர்வாகக் குழு; பதிவுகள் : 1523
இணைந்தது : 27/04/2009