என் அன்பு அம்மா..

by வித்யாசாகர் Sat Oct 03, 2009 2:46 pm

என் அன்பு அம்மா..

என் அம்மா..
எனை கருவாக்கிய -
முதல் தேவதை;

என் அம்மா..
எனை கர்பத்திலிருந்தே சுமக்க ஆரம்பித்த -
முதல் இதயம்;

என் அம்மா..
நான் முதன் முதலில் சுற்றித் திரிந்த -
என் கர்ப்ப கோவில்;

என் அம்மா..
என் மூடிய கண்களுக்குள் தெரிந்த -
முதல் உலகம்;

என் அம்மா..
என் பிறப்பிற்காய் சிரித்துக் கொண்டே சொட்டிய -
முதல் கண்ணீர்;

என் அம்மா..
என் உடம்பெல்லாம் பாலாகவும் கரைந்த -
முதல்ரத்தம்;

என் அம்மா..
என் நாவில் இனித்த -
முதல் வார்த்தை;

என் அம்மா..
என் உணர்வில் பதிந்த -
முதல் வார்த்தை;

என் அம்மா..
என் குரலுக்கான உயிர் இருப்பின் -
முதல் அடையாளம்;

என் அம்மா..
நான் அழைத்து பார்த்த -
முதல் பரவசம்;

என் அம்மா..
நான் தொட்டு தொட்டு பூரித்த -
உயிருள்ள கடவுள்;

என் அம்மா..
நான் நுகர்ந்து நுகர்ந்து பலம்கொண்ட -
முதல் பெண் வாசம்;

என் அம்மா..
என் பல் முளைக்கையில் பால் கொழுகட்டை செய்த -
முதல் கொண்டாட்டம்;

என் அம்மா..
நான் முட்டிபோட்டு தவழ்ந்து செல்கையில்
உடன் முட்டிப் போட்டு விளையாடிய - முதல் தோழி;

என் அம்மா..
நான் முயன்று முயன்று எழுந்து நிற்கையில்
கை தட்டி ஆரவாரம் செய்த - முதல் உற்சாகம்;

என் அம்மா..
நான் தலை சாய்க்க மடி தந்த -
முதல் சொர்க்கம்;

என் அம்மா..
நான் உலகம் பார்த்து வாயடைத்து நிற்கையில் -
வாவென இலகுவாய் விரல் பிடித்து உலகம் போதித்த - முதல் குரு;

என் அம்மா..
பிறர் இறப்பு கண்டு - நான் கரைந்து போகையில் -
மனிதன் இறக்கும் வரை படிக்கும் பாடமென புகட்டிய
முதல் புத்தகம்;

என் அம்மா..
உலகம் விட்டு இறந்து செல்கையில்
இது தான் வாழ்க்கையென கடைசியாய் உணர வைத்த -
முதல் மரணப் பாடம்;

என் அன்பு அம்மா
நான் கேட்காமலே பெற்றுக் கொண்ட -
முதல் அன்பு பரிசு!
-----------------------------------------------------------------------------------------------
வித்யாசாகர்

by பிரகாஸ் Sat Oct 03, 2009 2:47 pm

தாய் அன்புக்கு ஈடு இல்லை வையகத்தில்

by வித்யாசாகர் Tue Oct 06, 2009 1:38 am

இந்த கவிதையை பார்த்தீங்களா தோழர்களே..?

by மீனு Tue Oct 06, 2009 2:08 am

wowwwwwwwwwww...super............
அம்மா என்ற கவிதை ..படிக்கும் போதே இதயம் துடிப்பதை உணர்ந்தேன் ,, அம்மா என்றால் உடலே துடிக்குமே.. நம் தொப்புள் கொடி அறுப்பதே அம்மா என்ற பந்தம் ஓட்ட வைக்க தான் .. அருமை வித்யாசாகர் ..ரொம்ப அருமை.. அம்மா என்றால் அதற்க்கு பல அர்த்தம் உண்டு.. நம் பேசும் தெய்வம்..பார்க்கும் தெய்வம்... இப்படி சொல்லிட்டே போகலாம்..
என் அம்மா..
நான் தலை சாய்க்க மடி தந்த -
முதல் சொர்க்கம்;
அம்மா மடியே சொர்க்கம் தானே.. நமக்கெல்லாம் ..ஒரு சின்னதா அடிபட்டாலே தவித்து போகும் அம்மா ..அந்த அடியின் வலி அம்மா மடியிலே காணாம போகுமே.. ரொம்ப உணர்ச்சி வச பட வைத்து விட்டது வித்யாசாகர் ..நன்றிகள்..பாராட்டுக்கள்.. என் அன்பு அம்மா.. 677196

by யாழவன் Tue Oct 06, 2009 2:13 am

இப்ப அம்மாவை நேரில்ல பார்த்த மாதிரி இருக்கு அண்ணா.

by ரூபன் Tue Oct 06, 2009 2:15 am

என் மறைந்த அம்மாவை நேரிலே கவிதையில் காட்டிவிட்டிர்களே அண்ணா மிக்க நன்றிகள் என் அன்பு அம்மா.. 154550

by வித்யாசாகர் Tue Oct 06, 2009 2:19 am

நான் எழுதியதில் உயிருள்ள கவிதையிது.. இன்னும் அம்மாவிடம் காட்ட வில்லை..

by யமுனா Tue Oct 06, 2009 11:19 am

மிக அருமையான கவிதை அம்மா
இந்த கவிதையை படிக்கும் போது பெற்று எடுத்த அன்னையும் புகுந்த வீட்டு அன்னையும் இரண்டு கண்கள்.
எனக்கு இரண்டு அம்மாக்கள்.மிகவும் சந்தோசமாக இருக்கிறேன்
அம்மா என்பது என் முதல் கவிதை

உங்களின் எல்லா கவிதைகளும் மிகவும் அருமை
நன்றி

by யமுனா Tue Oct 06, 2009 11:26 am

உங்களின் கனவு தொட்டில் புத்தகத்தை படித்தேன்
its really super
இந்த கதையை படிக்கும் போதே அடுத்து என்ன வரும் என்ற ஆவல் அதிகமாக இருக்கிறது.
அதில் வரும் கவிதைகள் மிகவும் பிடித்திருக்கிறது.
இன்னும் மிகவும் பல புத்தகங்கள் வெளிஇட வாழ்த்துக்கள்

by **ராஜா** Tue Oct 06, 2009 11:33 am

வித்யாசாகர் wrote:என் அன்பு அம்மா..

என் அம்மா..
உலகம் விட்டு இறந்து செல்கையில்
இது தான் வாழ்க்கையென கடைசியாய் உணர வைத்த -
முதல் மரணப் பாடம்;

-----------------------------------------------------------------------------------------------
வித்யாசாகர்

05-10-2001, எந்த கவலையும் இல்லாமல் இருந்த எங்களின் வாழ்வில் இடிவிழுந்த நாள் ,

எட்டு வருடங்களுக்கு முன் இதே அக்டோபர் 5 ஆம் தேதி தான் எங்களின் தெய்வம் எங்களை விட்டு மறைந்த நாள். இன்று அதே நாளில் இந்த கவிதையை எனக்காக தான் சகோதரர் வித்யா படைத்திருப்பாரோ என்று என்ன தோன்றுகிறது.