சீனா - தேச வரலாறு!

தலைநகர்: பெய்ஜிங்

பரப்பளவு: 96 லட்சத்து 40 ஆயிரத்து 821 சதுர கிலோமீட்டர்

மக்கள் தொகை: 132 கோடியே 18 லட்சத்து 51 ஆயிரத்து 888.

மொழி: மாண்டரின் (சீன மொழி)

நாணயம்: யுவான்

மதம்: புத்த மதம், டாவோயிஸம், முஸ்லிம்

எழுத்தறிவு: 90.9 சதவீதம்

அமைவிடம்: ஆசியா கண்டத்தில் உள்ள மிகப்பெரிய நாடு, சீனா. இதன் வடக்கே மங்கோலியா, ரஷ்யாவில் சைபீரியா, கோபி பாலைவனம் ஆகியவையும், தெற்கில் வியட்நாம், லாவோஸ் மியான்மர் போன்றவையும் உள்ளன. மேற்கில் இமயமலையும், இயற்கை எல்லையாக அமைந்துள்ளது. இதன் கிழக்கே 14 ஆயிரத்து 500 கிலோமீட்டர் நீளமுள்ள கடற்கரை அமைந்துள்ளது.

உலக அதிசயங்களுள் ஒன்றான சீனப்பெருஞ்சுவர் இங்குதான் உள்ளது.

சரித்திரம்: சுமார் 4 ஆயிரம் ஆண்டுகளாக ஸியா முதல் குயிங் வரை வழிவழியாக மன்னர் பரம்பரையினர் ஆட்சி செய்து வந்தனர். அது 1911-ல் முடிவிற்கு வந்து சீனா குடியரசு நாடானது. அதன்பின்னர், சீனக்குடியரசு உருவானது. 20-ம் நூற்றாண்டின் முதல் பகுதியில் நாட்டில் ஒற்றுமையின்றி உள்நாட்டுப் போர்கள் நடைபெற்றன. சீனக் கம்ïனிஸ்ட் கட்சி மற்றும் தேசிய கோமின்டாங் ஆகிய இருமுகாம்களாகப் பிரிந்து நின்றன.

நிலவிவந்த போராட்டம் 1949-ல் முடிவிற்கு வந்தது. அந்த நிலப்பரப்பின் பெரும்பகுதி சீனக் கம்ïனிஸ்ட் கட்சியின் ஆட்சி அதிகாரத்திற்குள் வந்தது. கோமின் டாங்கியின் ஆட்சி தைவான் பகுதியில் சுருங்கி விட்டது. 1.10.1949-ல் சீனமக்கள் குடியரசினை மாசேதுங் பிரகடனம் செய்தார்.

வேகமான பொருளாதார முன்னேற்றத்திற்காக முன்னோக்கிய பெரும் பாய்ச்சல் திட்டத்தை மாசேதுங் அறிமுகப்படுத்திச் செயல்படுத்தினார். அது தோல்வி அடைந்தது. எனவே அதிபர் பொறுப்பில் இருந்து 1959-ல் மாவோ விலகினார். தொடர்ந்து, லியோ ஷோசி அதிபர் ஆனார். என்றாலும், கட்சியில் மாவோவின் செல்வாக்கு அழுத்தமாகவே இருந்தது. பின்னர் லியோ ஷோசியும், டெங்சியோ பிங்கும் அதிகாரப் பொறுப்பேற்றனர்.

1966-ல் மாவோவும், அவரது சார்பாளர்களும், கலாசாரப் புரட்சியை அறிமுகப்படுத்தினர். சோவியத் ïனியனின் மேலாண்மை சீனாவைப் பாதிக்குமோ என்ற பயம், சீன மக்களிடம் ஒரு எழுச்சியை உண்டாக்கியது. மாவோவும், சூஎன்லாயும் மேலைநாடுகளுடன் நட்புறவு கொண்டனர்.

26.10.1971-ல் ஐ.நா.சபையில் இடம் பெற்றிருந்த தைவானை நீக்கி விட்டு, அதற்குப் பதிலாக சீனமக்கள் குடியரசு சேர்த்துக் கொள்ளப்பட்டது. ஐ.நா.பாதுகாப்பு குழுவில் நிரந்தர உறுப்பினராக இணைக்கப்பட்டது. 1976-ல் மாவோ காலமானார்.

டெங்சியோ பிங்கின் வழிகாட்டுதலில் பொருளாதாரச் சீர்திருத்தங்கள் வெற்றிகரமாக நிறைவேற்றப்பட்டன. விவசாயிகளுக்குப் போதிய சுதந்திரம் அளிக்கப்பட்டது. அதனால் உற்பத்தியில் கணிசமான முன்னேற்றம் காணப்பட்டது. படிப்படியாக கலப்பு பொருளாதாரம் ஏற்பட்டது.

4.12.1982-ல் தற்போதைய அரசியல் சட்டத்தை சீனா ஏற்றுக்கொண்டது. 1990-களில் அதிபர் ஜியாங் ஸெமின், பிரதமர் ஷூ ரோங்ஜி ஆகியோர் சிறப்பான பொருளாதார முன்னேற்றத்திற்கு இட்டுச் சென்றனர். பொருளாதார, முன்னேற்றம் 11.2 சதவீதத்தை எட்டியது.

சீனக் கம்ïனிஸ்ட் கட்சியைத் தவிர வேறுசில ஜனநாயகக் கட்சிகளும் உள்ளன. அவை மக்கள் அரசியல் ஆலோசனைக் கூட்டங்களிலும் தேசிய மக்கள் காங்கிரஸ் கூட்டங்களிலும் கலந்து கொள்கின்றன.

1.7.1997-ல் சீனாவின் சிறப்பு அதிகாரத்திற்குட்பட்ட பகுதியாக கொண்டு வரப்பட்டது. 156 ஆண்டுகளாக ஆண்டு வந்த இங்கிலாந்து ஹாங்காங்கை சீனாவிடம் ஒப்படைத்தது.

தென்சீனாவில் போர்ச்சுக்கீசியர் வசமிருந்த மக்காவ், 1976-ல் தன்னாட்சி பெற்றது. சீனாவிற்கும், போர்ச்சுக்கல்லுக்கும் இடையே ஒப்பந்தம் ஏற்பட்டது. அதன்படி, 20.12.1999-ல் மக்காவ் சீனாவுடன் இணைந்தது. என்றாலும், வியாபாரத்தின் காரணமாக அந்த நாட்டின் எல்லைக்கு சுதந்திரம் கொடுத்தது.

விளைபொருட்கள்: நெல், தேயிலை, புகையிலை, கரும்பு, சணல், சோயா, நிலக்கடலை.

தொழில்: பருத்தி ஆலை, மர வேலை நடைபெறுகிறது. மேலும், இரும்பு, தோல், மின்சாரம் தொடர்பான தொழிற்சாலைகள் அதிகளவில் உள்ளன.

கனிமவளம்: நிலக்கரி, மாங்கனீஸ், இரும்புத்தாது, தங்கம், தாமிரம், ஈயம், துத்தநாகம், டங்ஸ்டன், பாதரசம், ஆன்டிமனி, டின், பெட்ரோலியம். சீனாவில் சீனப்பட்டும், சீனவெடிகளும் புகழ்பெற்றவை.