மடிக்கணணி அடிக்கடி சூடாவதற்கு என்ன செய்யலாம்?

**ராஜ்அருண்** · **ராஜ்அருண்** Wed Mar 21, 2012 9:59 am

First topic message reminder :

கடந்த சில ஆண்டுகளாக மடிக்கணணிகளில் ஏற்படும் வெப்பம் குறித்த கவலை இவற்றைப் பயன்படுத்துவோரிடையே அதிகரித்து வருகிறது.

மடிக்கணணியின் பயன்பாடு அதிகரிப்பினால் இந்த கவலைக்கான காரணங்களையும், தீர்வுகளையும் பலரும் கண்டறிந்து வருகின்றனர்.

சில இடங்களில் மடிக்கணணிகள் கூடுதல் வெப்பத்தினால் தீ பிடித்த தகவல்களும் மக்களை அதிர்ச்சி அடையச் செய்தன. டெல், சோனி, ஏசர் போன்ற நிறுவனங்கள் தாங்கள் விற்பனை செய்த மடிக்கணணிகளில் உள்ள பேட்டரிகள் அதிக வெப்பத்தை விரைவில் அடைந்ததனால், அவற்றை வாங்கிக் கொண்டு புதிய பேட்டரிகளைத் தந்த நிகழ்வுகளும் ஏற்பட்டன.

மோசமான பேட்டரிகளைத் தவிர்த்து மடிக்கணணிகள் வெப்பம் அதிகமாக வெளிப்படுத்துவதற்கு வேறு சில காரணங்களும் உள்ளன. நாம் பயன்படுத்தும் அனைத்து எலக்ட்ரானிக் பொருட்களுமே அவை இயங்கத் தொடங்கியவுடன் வெப்பத்தை வெளியிடுகின்றன.

ஒரு டிவிடி பிளேயர் இயங்கிய சில நிமிடங்கள் கழித்து, அதில் கைகளை வைத்துப் பார்த்தால், இந்த வெப்பத்தின் தன்மையை அறியலாம்.
டெஸ்க்டொப் கணணிகளைக் காட்டிலும், மடிக்கணணிகள் இடம் மிகக் குறைவு. இதனால் அதில் வைக்கப்பட்டுள்ள வெப்பத்தை வெளிப்படுத்தும் எலக்ட்ரானிக் பொருட்கள் சிறிய இடத்தில் நெருக்கமாக வைக்கப்பட வேண்டிய சூழ்நிலையில் அமைகின்றன. நெருக்கமாக இருப்பதனால் இவற்றிலிருந்து வெளிப்படும் வெப்பம் வெளியேற மிகக் குறைந்த இடமே கிடைக்கிறது.

அடுத்த பிரச்னை இயக்க திறன். மடிக்கணணிகளில் அதிக வேகத்தில் இயங்கும் கூடுதல் திறன் கொண்ட எலக்ட்ரானிக் பொருட்கள் பொருத்தப்படுகின்றன. பதியப்படும் இயங்குதளங்களும் அவை வேகமாக இயங்க, இந்த எலக்ட்ரானிக் பொருட்களை கூடுதலாக இயக்குகின்றன. இதனால் அதிக வெப்பம் உருவாகிறது.

மடிக்கணணிகள் தயாரிக்கும் நிறுவனங்களுக்கும் இது தெரியும். அதனால் தான், வெப்பத்தினை வெளியேற்றும் வகையில் சிறிய விசிறிகள், ஹீட் ஸிங்க் எனப்படும் தகடுகளைப் பயன்படுத்துகின்றனர்.

ஆனால் இவற்றால் முழுமையாக வெப்பத்தினை வெளியேற்ற முடியவில்லை. விசிறிகள் காலப் போக்கில் வேகம் குறைந்து இயங்குவதால், வெப்பம் வெளியாவதில் பிரச்னை ஏற்படுகிறது.

பொதுவாக மடிக்கணணியில் வன்தட்டில் பிரச்னை ஏற்பட இந்த வெப்பம் அடிப்படை காரணமாக உள்ளது. எனவே இந்த வெப்பத்தினை வெளியேற்றுவதிலும், அதனை குளிரவைப்பதிலும் கவனம் செலுத்தினால் பல பிரச்னைகள் ஏற்படுவதனை முன்கூட்டியே தடுக்கலாம்.

விசிறிகள் சோதனை: மடிக்கணணியில் வெப்பம் உருவாகிறது என்று தெரிந்தால் உடனே திறந்து இயக்கத்தின் போது அதில் பொருத்தப்பட்டிருக்கும் அனைத்து விசிறிகளும் சரியாக அதன் அதிக பட்ச வேகத்தில் இயங்குகின்றனவா எனச் சோதிக்க வேண்டும். பெரும்பாலும் இவற்றை நாம் திறந்து பார்க்க இயலாது.

காற்று துளைகளின் சுத்தம்: வெப்பம் வெளியேறுவதற்காக அமைக்கப்பட்டிருக் கும் காற்று துளைகளை அடிக்கடி கவனிக்க வேண்டும். இவற்றில் தூசு படிந்து அடைத்துக் கொண்டிருந்தால், வெப்பம் விரைவாக வெளியேற்றப்பட மாட்டாது. எனவே சுத்தம் செய்வது அவசியம்.

பயாஸ் சோதனை: நம் பயாஸ் செட்டிங்ஸ் மாற்றி அமைப்பதன் மூலம் வெப்பம் உருவாவதனை அறியலாம். இந்த அமைப்பு எப்படி இருக்க வேண்டும் அல்லது எப்படி இதனை மாற்றலாம் என்பதற்கு உங்கள் மடிக்கணணி தயரித்த நிறுவனத்தின் இணைய தளம் சென்று பார்க்கவும். சில நிறுவனங்கள் இந்த பயாஸ் அமைப்பினையும் அப்டேட் செய்து புரோகிராம்களை வெளியிட்டி ருப்பார்கள்.

பொதுவான சில பழக்கவழக்கங்களையும் நாம் மேற்கொண்டால் வெப்பம் உருவாவதனைத் தடுக்கலாம்.

வெப்பமான, சூரிய ஒளிபடும் இடத்தில் வைத்து மடிக்கணணியை இயக்கக்கூடாது. அதே போல மூடப்பட்ட கார், சிறிய அறை ஆகியவற்றில் இயக்கக் கூடாது. ரேடியேட்டர்கள், வெப்பம் வெளியேறும் இடங்கள் அருகே கணணியை வைத்திருக்கக்கூடாது.

இதை மடிக்கணணி என அழைத்தாலும் நம் தொடைகளின் மீது வைத்து இயக்குவது கூடாது. இதனால் வெப்பம் வெளியேறும் வழிகள் தடைபடும். நம் உடலையும் இந்த வெப்பம் தாக்கும். மெத்தைகள், துணிவிரிப்புகள் ஆகியவற்றின் மீது இவற்றை வைத்து இயக்குவதும் தவறு.

மடிக்கணணியில் வெப்பம் உருவாவதனைத் தடுக்க முடியாது. எனவே வெப்பம் எளிதில் விரைவாக வெளியேற்றப்படும் வழிகளை நாம் நம் பழக்கத்தின் மூலம் தடுக்காமல் இயங்க வேண்டும்.

மேலும் கூடுதல் துணை சாதனங்களைப் பயன்படுத்துவதன் மூலம் வெப்பத்தினை வெளியேற்றுவதனை விரைவுபடுத்தலாம். இந்த வழிகளை மேற்கொண்டால் வெப்பமானது கணணியின் மற்ற பாகங்களைத் தாக்குவதனைத் தடுக்கலாம்.

யினியவன் · யினியவன் Wed Mar 21, 2012 6:32 pm

தலைப்பு: மடிக்கணணி அடிக்கடி சூடாவதற்கு என்ன செய்யலாம்?

இது எனக்கு கேள்வி மாதிரி தெரியுது ராஜ்.

பதில்: ரொம்ப அவசரமா அத சூடாக்கனும்ன்னா - கையில இருக்கற காப்பிய அது மேல ஊத்திடுங்க.

balakarthik · balakarthik Wed Mar 21, 2012 6:35 pm

கொலவெறி wrote:தலைப்பு: மடிக்கணணி அடிக்கடி சூடாவதற்கு என்ன செய்யலாம்?

இது எனக்கு கேள்வி மாதிரி தெரியுது ராஜ்.

பதில்: ரொம்ப அவசரமா அத சூடாக்கனும்ன்னா - கையில இருக்கற காப்பிய அது மேல ஊத்திடுங்க.

அப்படினா என்னோட முதல் கேள்வி அந்த காபில சக்கரை போடலாமா வேணாமா
2. கையில இருக்குறத்தத்தான் கோட்டனுமா டெபிளா இருக்குறதா எட்டி உட்டா பரவா இல்லயா

யினியவன் · யினியவன் Wed Mar 21, 2012 6:42 pm

கொட்டினப்புரம் பிபி எகிறும் முட்டாள்தனத்த நெனச்சு - அதுனால சக்கர வேண்டாம் - பிபி அதிகமாயிடும்.

வாங்குன காசுக்கு மட்டும்தான் கொல - லேப்டாப்ப தான் பினிஷ் பண்ணனும் - அதுக்கு ஏன் டேபில டேமேஜ் பண்ணனும் - நம்ம எபர்ட் வேஸ்ட் ஆவக் கூடாது. நோ ப்ரீ சர்வீஸ் டு த நேஷன்.

**ராஜா** · **ராஜா** Wed Mar 21, 2012 6:45 pm

கொலவெறி wrote:கொட்டினப்புரம் பிபி எகிறும் முட்டாள்தனத்த நெனச்சு - அதுனால சக்கர வேண்டாம் - பிபி அதிகமாயிடும்.

வாங்குன காசுக்கு மட்டும்தான் கொல - லேப்டாப்ப தான் பினிஷ் பண்ணனும் - அதுக்கு ஏன் டேபில டேமேஜ் பண்ணனும் - நம்ம எபர்ட் வேஸ்ட் ஆவக் கூடாது. நோ ப்ரீ சர்வீஸ் டு த நேஷன்.

பண்ணுறது கயவாளி தனம் , இதுல ப்ரொஃபஷனல் எதிக்ஸ் வேற என்ன கொடுமை சார் இது

balakarthik · balakarthik Wed Mar 21, 2012 6:50 pm

ராஜா wrote:பண்ணுறது கயவாளி தனம் , இதுல ப்ரொஃபஷனல் எதிக்ஸ் வேற

எதுலுமே ஒரு பிரோஃபஷ்நலிசம் இருக்கணுமூல அப்பொத்தான கஷ்டமருக்கு சாட்டிஸ்பாக்சன் கிடைக்கும்

Sponsored content · Sponsored content

மடிக்கணணி அடிக்கடி சூடாவதற்கு என்ன செய்யலாம்?

மடிக்கணணி அடிக்கடி சூடாவதற்கு என்ன செய்யலாம்?

Re: மடிக்கணணி அடிக்கடி சூடாவதற்கு என்ன செய்யலாம்?

Re: மடிக்கணணி அடிக்கடி சூடாவதற்கு என்ன செய்யலாம்?

Re: மடிக்கணணி அடிக்கடி சூடாவதற்கு என்ன செய்யலாம்?

Re: மடிக்கணணி அடிக்கடி சூடாவதற்கு என்ன செய்யலாம்?

Re: மடிக்கணணி அடிக்கடி சூடாவதற்கு என்ன செய்யலாம்?

Re: மடிக்கணணி அடிக்கடி சூடாவதற்கு என்ன செய்யலாம்?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக