ஆவின் ''கோல்டு'' பால் தண்ணீர் போல் இருப்பதாக பொதுமக்கள் குற்றச்சாட்டு

விலை உயர்வுக்கு பிறகும்
ஆவின் ''கோல்டு'' பால் தண்ணீர் போல் இருப்பதாக பொதுமக்கள் குற்றச்சாட்டு


சேலம் : ஆவின் கோல்டு பால், தண்ணீர் போல இருப்பதாக நுகர்வோரிடம் இருந்து தொடர்ந்து புகார்கள் வந்ததை அடுத்து, பாலின் கொழுப்புச்சத்து மற்றும் இதர சத்துக்களின் அளவை அதிகரிக்க ஆவின் நிர்வாகம் முடிவு செய்துள்ளது. சேலம் ஆவின் மூலம் சேலம், நாமக்கல் மாவட்டங்களில் தினமும் 1.65 லட்சம் லிட்டர் பால், நுகர்வோருக்கு நேரடியாக விற்பனை செய்யப்படுகிறது. 4.5%கொழுப்புச்சத்து, 8.5 சதவீதம் இதர சத்துக்கள் கொண்ட ஆவின் ''எஸ்டிடி'', 5 சதவீதம் கொழுப்பு, 9 சதவீதம் இதரச்சத்துக்கள் கொண்ட ஆவின் ''கோல்டு'', 3 சதவீதம் கொழுப்பு, 8.5 சதவீதம் இதரச்சத்துக்கள் கொண்ட ''டோன்ட்'' ஆகிய 3 வகைகளில் பால் விற்பனை செய்யப்படுகிறது.

ஓட்டல், டீக்கடைகள் போன்ற வர்த்தக ரீதியில் பெரும் வரவேற்பை பெற்ற ஆவின் கோல்டு பால், ஓராண்டு இடைவெளிக்கு பின் கடந்த மாதம் 21ம் தேதி முதல் மீண்டும் சந்தையில் அறிமுகப்படுத்தப்பட்டது. லிட்டர் ரூ.36க்கு விற்பனை செய்யப்படுகிறது. ஆவின் கோல்டு பாலில் உள்ள கொழுப்பு மற்றும் இதர சத்துக்கள் கொண்ட தனியார் பாலின் விலை, கோல்டு பாலை காட்டிலும் லிட்டருக்கு ரூ.5 வரை குறைவாக உள்ளது. இதனால் ஆவின் கோல்டு பாலுக்கு சந்தையில் வரவேற்பு பெரிய அளவில் இல்லை.

நுகர்வோர் மத்தியில் கோல்டு பால், தண்ணீர் போல இருப்பதாகவும் புகார்கள் எழுந்துள்ளன. இதையடுத்து, கோல்டு பாலின் கொழுப்பு மற்றும் இதர சத்துக்களை தலா 0.2 சதவீதம் உயர்த்த ஆவின் நிர்வாகம் முடிவு செய்துள்ளது. இதுகுறித்து சேலம் ஆவின் அதிகாரிகள் கூறியதாவது:

ஓராண்டுக்கு முன் ஆவின் கோல்டு பால் லிட்டர் ரூ.26ஆக இருந்தது. விலை உயர்வுக்கு பின் இந்த பால் விலை ரூ.36ஆக நிர்ணயிக்கப்பட்டது. தற்போது நாள்தோறும் சராசரியாக 3500 முதல் 5,000 லிட்டர் கோல்டு பால் விற்பனை செய்யப்படுகிறது. விலை அதிகமாக இருப்பதாக நுகர்வோர் கருதுவதால், கோல்டு பாலின் கொழுப்பு சத்து அளவை 5.2 சதவீதமாகவும், இதர சத்துக்களை 9.2 சதவீதமாகவும் உயர்த்த முடிவு செய்யப்பட்டுள்ளது. இவ்வாறு அதிகாரிகள் கூறினர்.

தினகரன்

ஆமா....முன்னல்லாம் நல்லா இருக்கும் இப்போ ........

கொழுப்பு கலந்த வியாபாரத்திலேயே கொழுப்ப குறைச்ச கொழுப்ப என்னன்னு சொல்றது?