குடிபோதையில் சாய்ந்த தலைமையாசிரியர்: வராண்டாவில் அலங்கோலமாக கிடந்த அவலம்

**சிவா** · **சிவா** Mon 19 Mar 2012 - 0:10

ஓசூர்: ஓசூர் காமராஜ் காலனி துவக்கப் பள்ளியில் நடந்த, குறுவளமைய பயிற்சி வகுப்புக்கு, போதையில் வந்த தலைமையாசிரியர், ஒரு கட்டத்தில் போதை தலைக்கு ஏறி, வகுப்பறைக்கு வெளியில் மயங்கி விழுந்தார். இது கல்வித் துறை அதிகாரிகள் மத்தியில், பெரும் அதிர்ச்சியை ஏற்படுத்தியது.

ஓசூர் ஒன்றிய அரசு துவக்கப் பள்ளி, நடுநிலைப் பள்ளி ஆசிரியர்களுக்கான குறுவள மைய பயிற்சி வகுப்பு, வட்டார வள மையம் சார்பில், ஓசூர் காமராஜ் காலனி, நகராட்சி துவக்க மற்றும் நடுநிலைப் பள்ளி குறுவள மையத்தில் நடந்தது. இந்த பயிற்சி வகுப்புக்கு ஏராளமான அரசு பள்ளியை சேர்ந்த ஆண், பெண் ஆசிரியர்கள் வந்திருந்தனர். வகுப்பு காலை, 9.30 மணிக்கு துவங்கியது. பயிற்சியை வட்டார வளமைய ஒருங்கிணைப்பாளர், பயிற்றுனர்கள் நடத்தினர். அப்போது, தாமதமாக குடிபோதையில் தள்ளாடியபடி வந்த, ஓசூர், கொல்லப்பள்ளி தமிழ் துவக்கப் பள்ளியை சேர்ந்த தலைமையாசிரியர் செழியன், பயிற்சி வகுப்பு நடந்த மையத்தில் நுழைய முயன்றார். கீழே விழுந்து எழுந்து, அரை நிர்வாணத்துடன் மையத்தில் நுழைந்ததால், பெண் ஆசிரியர்கள் முகம் சுழித்து அதிர்ச்சியடைந்தனர். உடனே, மைய ஒருங்கிணைப்பாளர், அவரை பயிற்சியில் பங்கேற்க வேண்டாம் என்றும், வெளியே அமர்ந்து ஓய்வெடுக்கும்படி வலியுறுத்தியுள்ளனர். ஆனால், அவர் தான் பயிற்சியில் பங்கேற்பேன் என அடம்பிடித்தார். இதனால், ஆண் ஆசிரியர்கள் அவரை குண்டு கட்டாக தூக்கி, வகுப்பறை வராண்டாவில் உட்கார வைத்தனர்.

போதை தலைக்கு ஏறியதால், தெருக்குடிமகன் போல், பள்ளி வளாகத்தில் காலில் அணிந்திருந்த ஷூ, மொபைல் போன் ஒரு புறம் கிடக்க, தன்னை மறந்து விழுந்தார். இதுகுறித்து, வட்டார வளமைய ஒருங்கிணைப்பாளர் மற்றும் உதவிதொடக்கக் கல்வி அலுவலர் ஆகியோரிடம் புகார் அளிக்கப்பட்டது. இதுகுறித்து, உதவி தொடக்கக் கல்வி அலுவலர் பத்மபாரதியிடம் கேட்டபோது, குடிபோதையில் வந்த ஆசிரியரை சஸ்பெண்ட் செய்ய, மாவட்ட கல்வித் துறைக்கு பரிந்துரை செய்துள்ளதாகக் கூறினார்.

தினமலர்

அசுரன் · அசுரன் Mon 19 Mar 2012 - 0:13

குடி குடியை கெடுக்கும். அவரு குடியும் கெட்டு அந்த பள்ளியின் கவுரவமும் கெடுகிறதே

இரா.பகவதி · இரா.பகவதி Mon 19 Mar 2012 - 1:07

வாத்தியரே இப்படி என்றாள் அவரிடம் படிக்கும் மாணவனின் நிலை என்ன கொடுமை சார் இது

அசுரன் · அசுரன் Mon 19 Mar 2012 - 1:08

இரா.பகவதி wrote:வாத்தியரே இப்படி என்றாள் அவரிடம் படிக்கும் மாணவனின் நிலை

தெளிவாக இருக்கும்போது தெளிவாக தான் இருந்திருப்பார் பகவதி..... இந்த பழக்கம் தான் அவரின் பெயருக்கு களங்கத்தை ஏற்படுத்துகிறது. இன்று நாட்டில் குடிக்காதவர்கள் மிகக்குறைவே சோகம்

யினியவன் · யினியவன் Mon 19 Mar 2012 - 1:46

இது அங்கு பயிலும் மாணவர்களுக்கு ஒரு நல்ல பாடமே - செயல் முறை விளக்கப் பாடம்.

தம்பிகளா படிச்சு நல்ல பதவி இருந்தா மட்டும் போதாதுடா - நல்ல பழக்க வழக்கங்கள் இருந்தால் தான் மானம் மருவாதீன்னு மத்த ஆசிரியர்கள் மாணவர்களுக்கு எடுத்துச் சொல்லும் தருணம் இது.

பேகன் · பேகன் Mon 19 Mar 2012 - 11:55

பள்ளிக்கூடம் சாமியார் மடம் போல ஆகிவிட்டது ..குடி பாலியல் கொடுமை ...

ஹர்ஷித் · ஹர்ஷித் Mon 19 Mar 2012 - 11:59

அசுரன் wrote:
இரா.பகவதி wrote:வாத்தியரே இப்படி என்றாள் அவரிடம் படிக்கும் மாணவனின் நிலை
தெளிவாக இருக்கும்போது தெளிவாக தான் இருந்திருப்பார் பகவதி..... இந்த பழக்கம் தான் அவரின் பெயருக்கு களங்கத்தை ஏற்படுத்துகிறது. இன்று நாட்டில் குடிக்காதவர்கள் மிகக்குறைவே

உதயசுதா · உதயசுதா Mon 19 Mar 2012 - 12:01

இவனுக்கு எல்லாம் ஆசிரிய பணி.முதலில் இவனை வேலைய விட்டு தூக்கிட்டு தகுதி வாய்ந்த ஒருவருக்கு அந்த வேலைய தர வேண்டும்

**ராஜா** · **ராஜா** Mon 19 Mar 2012 - 12:52

தெருவிற்கு நாலு டாஸ்மாக் கதையை திறந்துவைத்துவிட்டு இதையெல்லாம் பார்த்தால் வேலைக்கு ஆகாது.
ஆண்களுக்கு நிகராக பெண்களும் போட்டி போட்டுக்கொண்டு குடிக்கும் காலம் இது

**ரா.ரா3275** · **ரா.ரா3275** Mon 19 Mar 2012 - 12:55

ராஜா wrote:தெருவிற்கு நாலு டாஸ்மாக் கதையை திறந்துவைத்துவிட்டு இதையெல்லாம் பார்த்தால் வேலைக்கு ஆகாது.
ஆண்களுக்கு நிகராக பெண்களும் போட்டி போட்டுக்கொண்டு குடிக்கும் காலம் இது