இலங்கை - வங்கதேசம் இன்று மோதல்

by மகா பிரபு Tue Mar 20, 2012 6:22 am

First topic message reminder :

ஆசியக் கோப்பையின் கடைசி லீக் ஆட்டத்தில் இலங்கை - வங்கதேசம் அணிகள் மிர்பூரில் செவ்வாய்க்கிழமை மோதுகின்றன.

இப்போட்டியில் இலங்கை வெற்றி பெற்றால்தான் இந்தியா, இறுதி ஆட்டத்துக்கு தகுதி பெறும் என்பதால் இந்திய ரசிகர்கள் இடையே இப்போட்டி குறித்த எதிர்பார்ப்பு அதிகரித்துள்ளது. மாறாக வங்கதேசம் இப்போட்டியில் வென்றால் அந்த அணி இறுதிப் போட்டிக்கு செல்லும். இந்திய அணி போட்டியில் இருந்து வெளியேறிவிடும்.

டாக்காவில் நடைபெற்று வரும் ஆசியக் கோப்பை கிரிக்கெட் போட்டி பரபரப்பான கட்டத்தை எட்டியுள்ளது. இலங்கை, பாகிஸ்தான் ஆகிய பலம் வாய்ந்த அணிகளை வெற்ற இந்திய அணியால் வங்கதேசத்தை வெல்ல முடியவில்லை. இதனால் இந்திய அணியின் இறுதி சுற்று வாய்ப்பு கேள்விக் குறியாகியுள்ளது. பாகிஸ்தான் அணி இலங்கை, வங்கதேசம் ஆகிய அணிகளை வென்றுள்ளது. இலங்கைக்கு எதிரான போட்டியில் போனஸ் புள்ளி கிடைத்ததால் மொத்தம் 9 புள்ளிகளுடன் இறுதிச் சுற்றுக்கு தகுதி பெற்று விட்டது.

இப்போதைய நிலையில் இந்திய அணி இரு வெற்றிகளுடன் 8 புள்ளிகள் பெற்று இரண்டாவது இடத்தில் உள்ளது. வங்கதேசம் இந்திய அணியை வென்றதால் 4 புள்ளிகளுடன் 3-வது இடத்தில் இருக்கிறது. இலங்கை அணி இந்தியா, பாகிஸ்தானுக்கு எதிரான ஆட்டங்களில் தோல்வியடைந்ததால் ஒரு புள்ளி கூட பெறாமல் கடைசி இடத்தில் உள்ளது. இறுதி லீக் ஆட்டத்தில் இலங்கை அணி வெற்றி பெற்றாலும் அவர்களால் இறுதிச் சுற்றுக்கு வர முடியாது. அதே நேரத்தில் வங்கதேசம் வென்றால் 8 புள்ளிகளுடன் இந்தியாவுடன் சமநிலையில் இருக்கும். எனினும் லீக் ஆட்டத்தில் இந்தியாவை வங்கதேசம் வென்றுள்ளதால், இறுதிச் சுற்றுக்கு சென்றுவிடும்.

இலங்கை அணியுடன் ஒப்பிடும் போது வங்கதேசம் பலம் குறைந்த அணிதான். எனினும் சொந்த மண்ணில் விளையாடுவது அந்த அணிக்கு பலம் சேர்க்கும். இறுதிப் போட்டிக்கு தகுதி பெற வேண்டும் என்ற நோக்கில் வங்கதேச வீரர்கள் உத்வேகத்துடன் களம் இறங்குவார்கள். அதே நேரத்தில் இலங்கை அணி ஏற்கெனவே பங்கேற்ற இரு போட்டிகளிலும் தோல்வியடைந்து விட்டதால், ஆறுதல் வெற்றியுடன் நாடு திரும்பும் நோக்கில் களம் இறங்கும். இந்திய நேரப்படி பிற்பகல் 1.30 மணிக்கு போட்டி தொடங்குகிறது. நியோ கிரிக்கெட் சேனலில் நேரடியாக ஒளிபரப்பாகிறது.

தினமணி

by **அருண்** Tue Mar 20, 2012 2:29 pm

வை.பாலாஜி wrote:
போட்டி பிக்ஸ் செய்யபட்டுவிட்டது , ஆசிய கோப்பை சாம்பியன் பாகிஸ்தான் ...

அப்படிதான் தெரியுது! ஜி! இந்தியாவை ஃபைனலுக்கு விடக்கூடாது எண்ணம் இலங்கைக்கு இருந்தாலுக்ம் இருக்கும் \..!

by பாலாஜி Tue Mar 20, 2012 2:31 pm

அருண் wrote:
வை.பாலாஜி wrote:
போட்டி பிக்ஸ் செய்யபட்டுவிட்டது , ஆசிய கோப்பை சாம்பியன் பாகிஸ்தான் ...

அப்படிதான் தெரியுது! ஜி! இந்தியாவை ஃபைனலுக்கு விடக்கூடாது எண்ணம் இலங்கைக்கு இருந்தாலுக்ம் இருக்கும் \..!

அதிகமான சமயங்களில் இலங்கையை நம்பியே நம்முடைய பைனல் வாய்ப்பு இருப்பது மிக கேவலம் .. என்ன கொடுமை சார் இது