"பறந்து கொண்டிருக்கும் ஒரு கனவு"

by **rameshnaga** Mon Mar 19, 2012 7:13 pm

எனக்கு சிறகுகள் இருந்தது...
வானம் இல்லை.
உனக்கோ....வானம் இருந்தது...
சிறகுகள் இல்லை.,
பறக்க இயலாத நம் இருவரிடமும்
பறந்து கொண்டே இருக்கிறது...
ஒரு பறக்கும் கனவு மட்டும்.
************************************************************
உன் இமைகளிலிருந்து வழியும்
ஒரு கடிதத்தைப் படித்துக் கொண்டிருக்கிறேன்.,
அதிலிருந்து பறந்து வரும்
ஒரு பட்டாம் பூச்சி.,
தன் சிறகுகளை எனக்குத் தருகிறது....
இப்போது நீயே சொல்லேன்!
நான் உன்னைச் சுற்றவா?.....
ஊரைச் சுற்றவா?
***********************************************************************
சூரியனின் கடைசி வெயில்...
பிறகு வெளிப்படும் ....
இரவின் நிழலில்...
நீங்களும் உணரலாம்....
எரிந்த சூரியனின் வலியை .
**************************************************************************

by அதி Mon Mar 19, 2012 8:46 pm

மூன்றுமே முத்துக்கள் அண்ணா

by **rameshnaga** Mon Mar 19, 2012 8:47 pm

ரொம்பவும் நன்றி! அதி பொண்ணு.

by றினா Mon Mar 19, 2012 9:37 pm

உன் இமை
பட்டாம் பூச்சி.,
தன் சிறகுகளை தருகிறது....
நான் உன்னைச் சுற்றவா?.....
ஊரைச் சுற்றவா?

நல்ல கற்பனை
வாழ்த்துக்கள்.

by **ரா.ரா3275** Mon Mar 19, 2012 9:52 pm

///பறக்க இயலாத நம் இருவரிடமும்
பறந்து கொண்டே இருக்கிறது...
ஒரு பறக்கும் கனவு மட்டும்.///

அற்புதமானக் கற்பனை...உள்ளடக்கம்... சூப்பருங்க

உங்கள் கவித்திறன் உயரேப் பறக்கிறது... மகிழ்ச்சி

by யினியவன் Mon Mar 19, 2012 9:58 pm

பறக்கும் கனவுகள் மிக நன்று நாகா.

நீயே வானமாக எனக்கு
நானே சிறகாக உனக்கு
நினைவாக்கலாம் வா நம் கனவை
_______________
பட்டாம் பூச்சியின் சிறகு கொண்டு
ஊரை சுற்றலாமே உற்ற உறவாக்கி அவளை
_______________
வலியை சூரியனும் உணர்வதாலே தான்
மீண்டும் மீண்டு வளைய வருகிறானோ?

by **ரா.ரா3275** Mon Mar 19, 2012 10:03 pm

கொலவெறி wrote:பறக்கும் கனவுகள் மிக நன்று நாகா.

நீயே வானமாக எனக்கு
நானே சிறகாக உனக்கு
நினைவாக்கலாம் வா நம் கனவை
_______________
பட்டாம் பூச்சியின் சிறகு கொண்டு
ஊரை சுற்றலாமே உற்ற உறவாக்கி அவளை
_______________
வலியை சூரியனும் உணர்வதாலே தான்
மீண்டும் மீண்டு வளைய வருகிறானோ?

நண்பரே...நீங்கள் அற்புதமாக எழுதி அசத்துகிறீர்கள்...
செழுமையானத் தமிழ் உங்கள் எழுத்தில் சிரித்துப் பூக்கிறது...
வாழ்த்துகள்...இனியவனின் இன்பத்தமிழ் என்றும் வாழ்க...