கூடங்குளம் அணு உலை கடந்து வந்த பாதை

கூடங்குளம் அணு மின்நிலையம் அமைப்பதற்கான ஒப்பந்தம் உருவாகியது முதல் அது கடந்து வந்த பாதை வரை குறித்த தகவல்கள் கீழே தொகுத்து தரப்பட்டு உள்ளன.

* 1988: இந்திய பிரதமர் ராஜீவ்காந்தி, ரஷிய பிரதமர் கோர்பச்சேவ் இடையே அணுமின் நிலையம் அமைப்பது பற்றி ஒப்பந்தம் கையெழுத்தானது.

* 1996: கிடப்பில் கிடந்த இந்திய-ரஷிய ஒப்பந்தம் மீண்டும் புதுப்பிக்கப்பட்டது.

* 1998: அணுமின் நிலையம் அமைப்பதற்காக கூடங்குளத்தில் இடம் தேர்வு செய்யப்பட்டது. இந்த திட்டத்துக்கான கட்டுமான பணிகளை இந்தியா செய்வது என்றும், தொழில்நுட்ப உபகரணங்களை ரஷியா வழங்குவது என்றும் முடிவு செய்யப்பட்டது.

* 2001: அப்போதைய பிரதமர் வாஜ்பாய்-ரஷிய அதிபர் புதின் ஆகியோர் இடையே ஏற்பட்ட ஒப்பந்தத்தின்படி கூடங்குளம் அணுமின் நிலைய திட்டத்தை ரூ.13,500 கோடி செலவில் நிறைவேற்ற முடிவெடுக்கப்பட்டது.

* 2002: அணு உலைக்கான காங்கிரீட் தளம் கூடங்குளத்தில் அமைக்கப்பட்டது.

* 2011: கூடங்குளத்தில் முதல் அணு உலைக்கான பணிகள் முடிக்கப்பட்டு சோதனை ஓட்டம் நடந்தது.

* 11.9.2011: கூடங்குளம் அணுமின் நிலையத்தால் வாழ்வாதார பாதிப்பு உள்ளிட்ட காரணங்களை கூறி அப்பகுதி மக்கள் அச்சம் அடைந்து, அணுமின் நிலையத்தை மூடக்கோரி கூடங்குளம் அருகே உள்ள இடிந்தகரை கிராமத்தில் முதல் கட்ட உண்ணாவிரதத்தை தொடங்கினர்.

* 19.9.2011: மக்களின் அச்சம் தீர்க்கப்படும் வரை கூடங்குளம் அணுமின் நிலைய பணிகளை தொடர வேண்டாம் என்று வலியுறுத்தி பிரதமர் மன்மோகன்சிங்குக்கு, முதல்-அமைச்சர் ஜெயலலிதா கடிதம் எழுதினார்.

* 22.9.2011: முதல்-அமைச்சர் ஜெயலலிதா தலைமையில் நடந்த தமிழக அமைச்சரவை கூட்டத்தில் கூடங்குளம் பகுதி மக்களின் அச்சம் தீர்க்கப்படும் வரை அணுமின் நிலைய பணிகளை நிறுத்தி வைக்குமாறு, பிரதமரையும், மத்திய அரசையும் கேட்டுக் கொண்டு தீர்மானம் நிறைவேற்றப்பட்டது.

* 9.10.2011: போராட்டக்குழுவினர் 72 மணி நேர 2-வது கட்ட உண்ணாவிரதத்தை இடிந்தகரை தேவாலய வளாகத்தில் தொடங்கினர்.

* 18.10.2011: போராட்டக் குழுவின் 3-வது கட்ட தொடர் உண்ணாவிரதம் தொடங்கியது.

* 20.10.2011: கூடங்குளம் பகுதி மக்களின் அச்சத்தை போக்க குமரி மாவட்டம தக்கலை நூருல் இஸ்லாம் பல்கலைக்கழக துணை வேந்தர் முத்துநாயகம் தலைமையில் 15 பேர் கொண்ட வல்லுனர் குழுவை மத்திய அரசு அமைத்தது.

* 6.11.2011: முன்னாள் ஜனாதிபதியும், மூத்த விஞ்ஞானியுமான அப்துல்கலாம் கூடங்குளத்துக்கு வந்து அணுமின் நிலையத்தை முழுமையாக ஆய்வு செய்து, "கூடங்குளம் அணு உலை பாதுகாப்பாக உள்ளது'' என்று அறிவித்தார்.

* 8.11.2011: மத்திய அரசு நிபுணர் குழுவினரும், போராட்டக் குழு பிரதிநிதிகளும் நெல்லை கலெக்டர் அலுவலகத்தில் பேச்சுவார்த்தை நடத்தினர்.

* 4.2.2012: மத்திய குழு பேச்சுவார்த்தையில் முடிவு எட்டப்படாததால் கூடங்குளம் போராட்டம் தொடர்ந்தது.

* 9.2.2012: அண்ணா பல்கலைக்கழக பேராசிரியர் இனியன் தலைமையில் 4 பேர் கொண்ட தமிழக நிபுணர் குழு அமைக்கப்பட்டது.

* 19.2.2012: தமிழக நிபுணர்குழு அணு மின்நிலையத்தை ஆய்வு செய்து, `அணு உலை பாதுகாப்பானது' என்று அறிவித்தது.

* 28.2.2012: கூடங்குளம் அணுமின் நிலையத்தை ஆய்வு செய்த தமிழக நிபுணர் குழுவினர், ``அணு உலை பாதுகாப்பானது'' என்று முதல்-அமைச்சர் ஜெயலலிதாவிடம் அறிக்கை சமர்ப்பித்தது.

* 19.3.2012: தமிழக குழு அளித்த அறிக்கையின்படி தமிழக அமைச்சரவை கூட்டத்தில் கூடங்குளம் அணுமின் நிலையத்தை திறப்பது என்று முடிவு செய்யப்பட்டது.

23 வருடங்களாகவே இந்த பிரச்சனை இருந்து இப்போது தான் வெடித்திருக்கிறதா