பா‌கி‌ஸ்தானை வெ‌ன்றது இ‌ந்‌தியா - கோலி 183 ர‌ன் கு‌வி‌ப்பு

ஆசிய கோப்பை கிரிக்கெட்டில் நேற்று நடந்த முக்கிய ஆ‌ட்ட‌த்த‌ி‌ல் பாகிஸ்தா‌ன் அ‌ணியை 6 ‌வி‌க்கெ‌ட் ‌வி‌த்‌தியாச‌த்‌தி‌ல் இ‌ந்‌தியா ‌வீ‌ழ்‌த்‌தியதோடு, 330 ரன்களை சேசிங் செய்து சாதனை படைத்தது. விராட் கோலி அபாரமாக ‌விளையாடி 183 ரன்கள் குவித்தா‌ர்.

டாஸ் வ‌ெ‌ன்ற பாகிஸ்தான் முதலில் பேட் செய்ய தீர்மானித்தது. தொட‌க்க ‌வீர‌ர்க‌ள் முகமது ஹபீசும், நசிர் ஜம்ஷெட்டும் அபாரமாக ‌விளையாடி சத‌ம் எடு‌த்தன‌ர்.

32.4 ஓவர்களில் பாகிஸ்தான் விக்கெட் இழப்பின்றி 200 ரன்களை கடந்தது. இந்தியாவுக்கு எதிராக பாகிஸ்தானின் தொடக்க ஜோடி ஒன்று 200 ரன்களுக்கு மேல் எடுத்தது இதுவே முதல் முறையாகும்.

அணியின் ஸ்கோர் 224 ரன்களாக உயர்ந்த போது, நசிர் ஜம்ஷெட் (112) அஸ்வினின் பந்து வீச்சில் கேட்ச் ஆனார். அடுத்த ஓவரில் முகமது ஹபீசும் (105) வெளியேறினார். இறுதி கட்டத்தில் ïனிஸ்கானின் அதிரடியான அரைசதத்தால் பாகிஸ்தான் 300 ரன்களை எளிதில் தாண்டியது.

உமர்அக்மல் 28 ரன்களிலும், அப்ரிடி 9 ரன்களிலும், யூனிஸ்கான் 52 ரன்களிலும், ஹம்மத் அசாம் 4 ரன்னிலும் அவுட் ஆனார்கள். இதில் அப்ரிடி ஒரு ரன் எடுத்த போது, ஒரு நாள் போட்டியில் 7 ஆயிரம் ரன்களை கடந்த 6-வது பாகிஸ்தான் வீரர் என்ற சிறப்பை பெற்றார்.

நிர்ணயிக்கப்பட்ட 50 ஓவர்களில் பாகிஸ்தான் அணி 8 விக்கெட் இழப்புக்கு 329 ரன்கள் குவித்தது. இந்தியாவுக்கு எதிராக அந்த அணியின் 2-வது அதிகபட்ச ஸ்கோர் இதுவாகும்.

330 ரன்கள் எடுத்தால் வெற்றி என்ற இமாலய இலக்கை நோக்கி ஆடிய இ‌ந்‌திய அ‌ணி 47.5 ஓவ‌ரி‌ல் 6 ‌வி‌க்கெ‌ட் ‌வி‌த்‌தியாச‌த்த‌ி‌ல் பா‌‌கி‌ஸ்தா‌னை ‌வீ‌ழ்‌த்‌தியது.

முதல் ஓவரிலேயே கம்பீர் (0) எல்.பி.டபிள்யூ. ஆனார். 100-வது சதம் அடித்ததன் மூலம் நெருக்கடியில் இருந்து விடுபட்ட ச‌ச்‌சி‌ன் தனது இயல்பான ஆட்டத்தை வெளிப்படுத்தினார். சூப்பராக ஆடிய அவர் 52 ரன்களில் ஸ்லிப்பில் கேட்ச் ஆனார். இதன் பிறகு கோலியுடன், ரோகித் ஷர்மா கூட்டணி அமைத்தார்.

இருவரும் பாகிஸ்தான் பந்து வீச்சை துவம்சம் செய்தனர். அபாரமாக ஆடிய விராட் கோலி தனது 11-வது சதத்தை நிறைவு செய்தார். பாகிஸ்தானுக்கு எதிராக அவரது முதலாவது சதமாகும்.

அணியின் எண்ணிக்கை 305 ரன்களை எட்டிய போது ரோகித் ஷர்மா 68 ரன்களில் அவுட் ஆனார். அடுத்த இரு ஓவர்களில் விராட் கோலி 183 ரன்கள் குவித்த நிலையில் கேட்ச் ஆனார். இ‌தி‌ல் 22 பவுண்டரி, ஒரு சிக்சர் அட‌க்க‌ம். இதைத் தொடர்ந்து தோ‌னி - சுரேஷ் ரெய்னா ஜோடி 13 பந்துகள் மீதம் வைத்து வெற்றி பெற வை‌த்தன‌ர்.

ஒரு நாள் போட்டி வரலாற்றில் இந்தியாவின் அதிகபட்ச சேசிங் இதுவாகும். விராட் கோலி ஆட்டநாயகன் விருது பெற்றார்.

இந்த வெற்றியின் மூலம் இறுதிப்போட்டி வாய்ப்பை இந்தியா தொடர்ந்து தக்க வைத்துக் கொண்டது. நாளை நடக்கும் இலங்கை-வங்கதேசம் இடையிலான ஆட்டத்தின் முடிவை பொறுத்து இந்தியாவின் இறுதி வாய்ப்பு தெரியும்.

http://tamil.webdunia.com

நல்ல ஒரு வெற்றி.

ஆனால் இந்த போட்டியில் எந்த ஒரு பவுலரும் தன்னுடைய திறமையால் விக்கெட் எடுக்க வில்லையே, அந்த அளவிற்கு ஆடுகளம் மட்டையாளர்களுக்கு சாதகமாக இருந்தது.

நேற்று ஆட்டத்தை பார்ப்பதற்கு நன்றாக இருந்தது கோலி சிறப்பாக ஆடினார்..!