கார் மோதி விபத்தில் இறந்த மாணவி குடும்பத்திற்கு ரூ8.22 லட்சம் இழப்பீடு

by இரா.பகவதி Sat Mar 17, 2012 11:29 pm

மதுரை: கல்லூரி நாள் விழாவின்போது கார் மோதி இறந்த மாணவி குடும்பத்திற்கு ரூ.8.22 லட்சம் இழப்பீடு வழங்க மதுரை கோர்ட் உத்தரவிட்டது.
மதுரை பொதிகைநகரைச் சேர்ந்த முனியாண்டி, ஜோதி மகள் சந்தனமாலா(22). திண்டுக்கல் பிஎஸ்என்ஏ கல்லூரியில் எம்சிஏ இறுதியாண்டு படித்து வந்தார். கடந்த 23.3.10 அன்று கல்லூரி நாள் விழா அன்று கல்லூரிக்குச் சென்று பரிசுகளுடன் ஊர்திரும்புவதற்காக பஸ் ஸ்டாப்பில் நின்றுகொண்டிருந்தார்.
அப்போது அவ்வழியே வந்த கார் மாணவி சந்தனமாலா மீது மோதியது. இதில் அவர் உயிரிழந்தார். விபத்து இழப்பீடு கோரி அவரது பெற்றோர் மதுரை முதலாவது கூடுதல் செஷன்ஸ் கோர்ட்டில் வழக்குத் தொடர்ந்தனர். வழக்கை விசாரித்த நீதிபதி ராஜசேகரன், மதுரையைச் சேர்ந்த ரிலையன்ஸ் ஜெனரல் இன்சூரன்ஸ் நிறுவனம் ரூ.8.22 லட்சம் இழப்பீடு வழங்க உத்தரவிட்டார்.

தினமணி

by அதி Sat Mar 17, 2012 11:32 pm

விபத்தைத் தவிர்த்திருந்தால் உயிர் மிஞ்சியிருக்குமே

by யினியவன் Sat Mar 17, 2012 11:34 pm

எத்தனை கனவுகள் இம் மாணவியின் இழப்பால் பெற்றோருக்கு?
இழப்பீடு இதற்கு கொடுக்க முடியுமா?
கவனக் குறைவு, அலட்சியம் தரும்
இழப்புகள் நாட்டில் அன்றாடம்
எத்தனை எத்தனை?