சுழன்று அடிக்கிறதே இதய பந்து-அதி

by அதி Sat Mar 17, 2012 5:19 pm

நீயின்றி வெற்றிடமாய் இருக்கும்
இதயத்தை எனக்கே பிடிப்பதில்லை!
நாணம் தவிர்த்து உன் கண் பார்த்து
நானாக காதல் சொல்லும்
தைரியமும் எனக்கில்லை!
கரம் பிடித்தால் தான்
துணை நிற்பாயா?
காதல் சொல்ல நீயாகவே
முன் வர மாட்டாயா?

சொல்வாய்.....சொல்லிவிடுவாய் என்றெண்ணி
தினந்தினம் உள்ளுக்குள் ஏமாந்தேன்!
இதயக்கனவு இன்றாவது நிறைவேறுமா
என எதிர்ப்பார்த்தே நான் வீணானேன்!
உனைப் பிரியும் முன்பே உயிர் பிரியாதோ என
நான் ஏங்கி தவித்ததில் உண்டான வலி மறக்க,
இறுதியாய் காதல் சொல்லி இதமாக
மனதுக்கு மருந்திட்டாய் ஒரு மழை நாளில்!

மகிழ்ச்சி தாளாமல் என் நெஞ்சம் விம்ம
அதற்கும் போட்டியாய்
வெடித்து சிதறியது மேகக்கூட்டம்!
சிந்தும் மழைத் துளிகளுக்கு
முகம் காட்டி நான் நின்ற நேரம்,
பக்கம் வந்த உன் முரட்டு கைகள்
மென்மையாய் என் தோள் தழுவ,
கண்ணுக்கும் வலிக்குமோ என அங்கே
மெதுவாய் உன் இதழ் உரசி போனபோது,
பிரபஞ்சத்தில் மட்டுமா?
என்னுள்ளும் மாறியது வானிலை!

உன் கருவிழி பூக்கள் அசைந்தாடி பார்க்கையில்
சுற்றுவது பூமி மட்டுமா?
சுழன்று அடிக்கிறதே என் இதய பந்தும்!
மார்பினில் சாய்த்து காதோரம் நீ சொன்ன வார்த்தை
ஐயோ
மறுபடியும் உணர்கிறேன் மனதுக்குள் மழைச்சாரல்!

by dhilipdsp Sat Mar 17, 2012 5:23 pm

மகிழ்ச்சி தாளாமல் என் நெஞ்சம் விம்ம
அதற்கும் போட்டியாய்
வெடித்து சிதறியது மேகக்கூட்டம்!
சிந்தும் மழைத் துளிகளுக்கு
முகம் காட்டி நான் நின்ற நேரம்,
பக்கம் வந்த உன் முரட்டு கைகள்
மென்மையாய் என் தோள் தழுவ,
கண்ணுக்கும் வலிக்குமோ என அங்கே
மெதுவாய் உன் இதழ் உரசி போனபோது,
பிரபஞ்சத்தில் மட்டுமா?
என்னுள்ளும் மாறியது வானிலை!
அருமை அருமை சூப்பருங்க

by யினியவன் Sat Mar 17, 2012 5:24 pm

சுழன்று அடிக்கும் இதயப் பந்தின் நினைவுகள் எங்களையும்
தாக்கி விட்டது அதி அந்த மனதிற்குள் மழைச்சாரல் போலவே.

அருமையான உணர்வுகளின் வெளிப்பாடு - மிக நன்று அதி.

by **கே. பாலா** Sat Mar 17, 2012 5:24 pm

அடா.....ட.....என்ன கவிதை சார் இது !
சூப்பர் அதிபொண்ணு
தொடர்ந்து எழுதுங்கள் மகிழ்ச்சி

by உதயசுதா Sat Mar 17, 2012 5:26 pm

உண்மைதான் அதி.இந்த காதல் படுத்தும் பாடு.அதுவும் சொல்லிவிட்டால் கூட அத்தனை துயரம் இல்லை.சொல்லாமல் தவிக்கும்போது படும் துயரம் மிகவும் கஷ்டமானது. கவிதையா முழுசா படிச்சப்பா ஏதோ சொல்ல தெரியாத ஒரு உணர்வு எனை ஆட்கொண்டது.வாழ்த்துகள் அதி.

by அதி Sat Mar 17, 2012 6:07 pm

dhilipdsp wrote:
அருமை அருமை

நன்றி திலீபன் புன்னகை

by **rameshnaga** Sat Mar 17, 2012 6:09 pm

very good! அதி பொண்ணு. வாழ்த்துக்கள்.

by அதி Sat Mar 17, 2012 6:36 pm

கொலவெறி wrote:சுழன்று அடிக்கும் இதயப் பந்தின் நினைவுகள் எங்களையும்
தாக்கி விட்டது அதி அந்த மனதிற்குள் மழைச்சாரல் போலவே.
அருமையான உணர்வுகளின் வெளிப்பாடு - மிக நன்று அதி.

நன்றி அருவாள் அண்ணா புன்னகை

by அதி Sat Mar 17, 2012 6:38 pm

கே. பாலா wrote:அடா.....ட.....என்ன கவிதை சார் இது !
சூப்பர் அதிபொண்ணு
தொடர்ந்து எழுதுங்கள்

நன்றி பாலா சார் புன்னகை

by அதி Sat Mar 17, 2012 6:39 pm

உதயசுதா wrote:உண்மைதான் அதி.இந்த காதல் படுத்தும் பாடு.அதுவும் சொல்லிவிட்டால் கூட அத்தனை துயரம் இல்லை.சொல்லாமல் தவிக்கும்போது படும் துயரம் மிகவும் கஷ்டமானது. கவிதையா முழுசா படிச்சப்பா ஏதோ சொல்ல தெரியாத ஒரு உணர்வு எனை ஆட்கொண்டது.வாழ்த்துகள் அதி.

மிக்க நன்றி சுதாக்கா புன்னகை