தமிழ் மொழி, இனத்துக்கு கருணாநிதி செய்தது என்ன? ராமதாஸ்

சென்னை: தமிழ் இன, மொழிக்கு கருணாநிதி செய்தது என்ன? அப்படிச் செய்திருந்தால், அவருடன் நேரடியாக விவாதிக்க, தான் தயாராக இருப்பதாக, பா.ம.க., நிறுவனர் ராமதாஸ் சவால் விட்டுள்ளார்.

பா.ம.க., சார்பில், சென்னையில் நேற்று நடந்த "திராவிட மாயை' கருத்தரங்கில் அவர் பேசியதாவது: திராவிடம் என்ற மாயையை உருவாக்கி, மக்களை ஏமாற்றி, ஆட்சிக்கு வந்த திராவிடக் கட்சிகள், திராவிடம் என்ற பெயரில் தமிழகத்தின் உரிமைகளை, பிற மாநிலங்களிடம் அடகு வைத்துவிட்டன. ஆற்று நீர் உரிமைகள் தீர்க்க முடியாத அளவுக்கு தீவிரம் அடைந்ததற்கு, திராவிடக் கட்சிகளே காரணம். திராவிடம் என்ற மாயையால் தமிழகம் சீரழிந்தது பற்றி, மக்களிடையே விழிப்புணர்வு ஏற்படுத்தவே "திராவிட மாயை' கருத்தரங்கை நடத்துகிறோம். திராவிடம் என்ற சொல்லை கட்சிப் பெயரில் கொண்டுள்ள தி.மு.க., தமிழகத்தை பல ஆண்டுகள் ஆட்சி செய்து விட்டது. அதன் தலைவர் கருணாநிதி, தமிழுக்காகவும், தமிழ் இனத்துக்காகவும் வாழ்ந்து கொண்டிருப்பதாகக் கூறுகிறார். தமிழ் மொழிக்கும், இனத்துக்கும் அவர் செய்தது என்ன? சாதியை ஒழிக்க என்ன செய்தார். ஒரு தெரு அல்லது ஒரு சிற்றூரில் சாதியை ஒழித்துள்ளாரா? கடவுள் இல்லை என்பதில், அவரின் தற்போதைய நிலை என்ன?

காங்கிரஸ் எதிர்ப்பு என்ற ஒற்றைக் கொள்கையைக் கொண்டு ஆட்சிக்கு வந்தார், இப்போது அக்கொள்கையின் நிலை என்ன? பெண்ணுரிமைக்காக அவர் செய்தது என்ன? அவருடைய "டிவி'க்கள் பெண்ணுரிமைக்குத் தரும் முக்கியத்துவம் என்ன? பார்ப்பனர் எதிர்ப்பிலேயே இப்போதும் இருக்கிறாரா? தமிழும், தமிழ் இனமும் தான் ஆதியில் தோன்றியது என்றால், திராவிட முன்னேற்றக் கழகம் என்பதை, தமிழர் முன்னேற்றக் கழகம் என மாற்ற வேண்டியது தானே? தமிழைச் செம்மொழியாக உயர்த்தியதாகக் கூறும் கருணாநிதி, செம்மொழிக்காக என்ன நிதி ஒதுக்கீட்டை மத்திய அரசிடமிருந்து பெற்றுத் தந்துள்ளார். தேவிகுளத்தையும், பீர்மேட்டையும் தமிழகத்துடன் சேர்க்க வேண்டும் என, இப்போது தான் தோன்றியதா? ஆங்கிலம், தமிழ் என இரு மொழிக் கொள்கை கொண்ட கருணாநிதிக்கு, தமிழ் என்ற ஒரு மொழிக் கொள்கை எப்போது வரும். சாராயம், திரைப்பட மோகம் என தமிழ் இனத்தை அடிமையாக்கியதைத் தவிர, தமிழ் இனத்துக்கு உருப்படியாகக் கருணாநிதி செய்தது என்ன? அப்படிச் செய்திருந்தால், அது குறித்து அவருடன் நேரடியாக விவாதிக்கத் தயாராக உள்ளேன். இவ்வாறு ராமதாஸ் பேசினார்.

தினமலர்

அவரே திக்கித் திணறி அறிக்கை விட்டுட்டு காலத்த ஓட்டிட்டு இருக்காரு. இதில வேற தீக்குளிக்க போறேன்னு சொல்லிட்டு அதில இருந்து எப்படி தப்பிக்கிறது - அம்மா நூலகத்த மாத்திட்டான்னு யோசிச்சிட்டு இருக்காரு. இப்ப போயி அவர விவாதத்துக்கு கூப்பிடறது ஞாயமா?

அண்ணே இப்ப இருக்கற அரசியல் வாதிகளில் யாருன்னே என்ன பண்ணி இருக்கீங்க?

விவாதம் பண்ணியே ஆவனூன்னா - விசுவோட அரட்டை அரங்கத்துக்கு அப்ளை பண்ணுங்க - அதுவும் அம்மா ஒகே சொன்னா அங்க போயி உங்க திறமைய காட்டுங்க - தலைப்பு வேணா "ஆண்டுகள் மாறுதோ இல்லியோ பாமகா கட்சி மாறும் காட்சி எப்பூடி" ன்னு வெக்க சொல்லுங்க - நீங்க நல்லா ஷைன் பண்ணுவீங்க விவாதத்துல.

கொலவெறி wrote:அவரே திக்கித் திணறி அறிக்கை விட்டுட்டு காலத்த ஓட்டிட்டு இருக்காரு. இதில வேற தீக்குளிக்க போறேன்னு சொல்லிட்டு அதில இருந்து எப்படி தப்பிக்கிறது - அம்மா நூலகத்த மாத்திட்டான்னு யோசிச்சிட்டு இருக்காரு. இப்ப போயி அவர விவாதத்துக்கு கூப்பிடறது ஞாயமா?

அண்ணே இப்ப இருக்கற அரசியல் வாதிகளில் யாருன்னே என்ன பண்ணி இருக்கீங்க?

விவாதம் பண்ணியே ஆவனூன்னா - விசுவோட அரட்டை அரங்கத்துக்கு அப்ளை பண்ணுங்க - அதுவும் அம்மா ஒகே சொன்னா அங்க போயி உங்க திறமைய காட்டுங்க - தலைப்பு வேணா "ஆண்டுகள் மாறுதோ இல்லியோ பாமகா கட்சி மாறும் காட்சி எப்பூடி" ன்னு வெக்க சொல்லுங்க - நீங்க நல்லா ஷைன் பண்ணுவீங்க விவாதத்துல.

சரியான கேள்விகள் . இது போல நேரடி விவாதத்திற்கு ராமதாசும் தயாராக இருக்க வேண்டும்

சாதிக் கட்சியை வைத்துக்கொண்டு இவர் மற்றவரிடம் நீதி கேட்பதில் என்ன ஞாயம் இருக்கிறது?
கருணாநிதி குடும்பத்திற்காக கட்சியையே அடகு வைத்துவிட்டார் என்பது முற்றிலும் உண்மை. ஆயினும் வன்னியர்களுக்கே ஒன்றும் செய்யாத இந்த இராமதாஸ் மொத்த தமிழர்களுக்கும் என்ன செய்யப் போகிறாராம்?

கட்சியாவது கொள்கையாவது .. 10 மந்திரி பதவி கிடைக்கும் என்றால் கட்சி கொள்கைகளை மறந்து விட்டு கூட்டணி வைக்க தயாராகும் சுயநலவாதிகள் தான் இருக்கிறார்கள் ....யாரும் யாருக்கும் ஒன்றும் செய்யவில்லை ...எல்லாரும் அவரவர்களுக்கு மட்டுமே செய்து கொண்டு இருக்கிறார்கள்