மூன்று நாள் வலி

Guest · Guest Sat Jan 24, 2009 10:30 am

உடலில் ஏற்படுத்தும் நோவுகள், உள்ளத்தில் ஏற்படுத்தும் சோர்வுகள் தீண்ட தகாதவர்களாக்கி திண்ணையிலேயே உட்கார வைக்கும் சமூக கட்டுப்பாடு என்னும் சவுக்கடிகள், இது வெல்லாம் போதாதென்று, மாதவிடாய் நேரத்தில் மக ளிரின் சருமத்தில் தோன்றி காலமெல்லாம் கவலைப்பட வைக்கும் ஊறல், அரிப்பு, செம்மேகம், கருமேகம் மற்றும் வெள்ளைப்படுதல் போன்ற நோய்கள் வேறு.

மாதவிடாயை மையமாக கொண்டு பெண்கள் வாழ்விலே பெரும்புயலாய் சுழன்று அடிக்கும் இந்த சூறாவளிகள் அவர்கள் வாழ்க்கைப் பாதையையே மாற்றி வருத்தமே வாழ் வாய் ஆக்கிவிடக் கூடியவை.

முக அழகை கெடுக்கும் முகப்பருக்கள், கண்ணில் தோன்றும் கருவளையம், உடல் உறவில் திருப்தியின்மை, அதனால் உண்டாகும் நிரந்தர பரிதவிப்பு, மன உளைச்சல், குழந்தையின்மை, இடுப்பு, தொடை, முதுகு ஆகிய பகுதிகளில் உண்டாகும் அதிகமான சூடு, தாங்க முடியாத எரிச்சல், பசியின்மை இவை யெல்லாம் மாதவிடாய் கோளாறுகள் மகளிருக்கென்ற அள்ளித்தரும் விசேஷ பரிசுகள்.

Guest · Guest Sat Jan 24, 2009 10:31 am

இவைகளை தடுக்க தவிர்க்க என்ன செய்யலாம் என்று பார்ப்போம்.

பெரிதுவாக எல்லாப் பெண்களுக்கும் மாதவிடாய் என்பது 28 நாட்களுக்கு ஒரு முறை வரவேண்டும். அதாவது பெண்கள் கணக்கிலே பிப்ரவரி மாதம்தான் சரியான மாதம் என்று வைத்துக் கொள்ளலாம். வழக்கமாக மூன்று முதல் ஐந்து நாட்கள் மாதவிடாய் நீடிக்கும். ஆனால் 24 நாட்களுக்கு குறைவான நாட்களில் மாதவிடாய் தொடர்ந்து வருவதோ, 45 நாட்களுக்கும் அதிகமான நாட்களுக்கு ஒரு முறை விடுவதோ, வீரிய தாது சரிவிகித மின்மையின் அடையாளமாகும். இதுவே அனைத்து பிரச்சினைகளுக்கும் அடிப்படை காரணமாக அமைந்து விடுகிறது.

மாதவிடாய் ஒரு மாதம் தவறிப் போகிறது அல்லது தள்ளிப் போகிறது என்றாலே பெண்கள் உஷாராகிவிட வேண்டும். கல்யாணமாகி அப்போதுதான் கர்ப்பமான பெண்களை இங்கே சொல்ல வில்லை. அவர்களுக்கு இது சந்தோஷத்தை தரும் சமாச்சாரம்தான். ஆனால் மற்றவர்களுக்கோ நமது மருத்துவ ஆலோசனை.

Guest · Guest Sat Jan 24, 2009 10:32 am

மாதவிடாய் அழற்சி சரியாக:

பார்லி நீரை தினமும் பருகலாம். கண்டங்கத்திரிவேர், நெருஞ்சி, பூவரசம் பட்டை, சுரைக்கொடி, ஆகியவற்றை வதக்கி அதில் ஒரு பலம் அதாவது 35 கிராம் எடுத்து ஒரு படி நீரில் கொதிக்க வைக்க வேண்டும். கொதிக்கும் நீர் எட்டில் ஒரு பங்காக வற்றிய பின்னர் அதை காலை, மாலை அருந்தி வருவது உடல் உஷ்ணத்தை தணிக்கும். முள்ளங்கி, வாழைத்தண்டு, பூசணி, தர்பூசணி போன்ற குளிர்ச்சி தரும் உணவு வகைகளை உண்டு வருவது காரம் அறவே நீக்கிவிடுவது அவசியம்.

இதே வேளையில் மாதவிடாய் கோளாறால் ஏற்படும் நோய்களையும் தெரிந்து கொள்ளுங்கள்.

ஊறல்: (தினவு): உடலில் தோலுக்குக் கீழ் அட்டை பல்லி ஊர்வதுபோல் உணர்வு ஏற்படும்.

அரிப்பு: விரல் நகங்கள் முறியும் வரை சொறிந்தாலும் தீராது. இரத்தம் வடிந்த வேதனைதான் மிஞ்சும்.

செம்மேகம்: நெற்றியில், முகத்தில் மற்றும் உடலின் பல பாகங்களில் வட்ட வடிவில் தோன்றும் மினு மினுப்புடன் காணப்படும்.

கருமேகம்: முகத்தில் சிறு சிறு கொப்புளங்களாக தோன்றும். உதடு, நெற்றி, புருவத்தில் எளிதில் பரவும். நீர் கோர்த்து வடியும். கொப்புளம் நீர் வடிந்து மறைந்த பின் அந்த இடங்கள் கருப்பு வட்டங்களாய் மாறி நிரந்தரமாக தங்கிவிடும். கைகளையும் முதலில் பாதி கருப்பாக்கி பின்பு மீதியையும் கருப்பாக்கி விடும். இந்நோய்க்கு மாதவிடாய் கோளாறு களுடன் வெயிலின் வெப்பமும் மற்றும் மருந்தின் விஷத்தன்மைகளும் காரணமாக அமையலாம்.

வெள்ளைப்படுதல்: உடல் உறவுகள் கொண்ட இரண்டு நாட்களில் குறியில் நமைச்சல், கடுப்பு மற்றும் எரிச்சல் உண்டாகும். நூல் போல சீழ் வடியும் அல்லது- வெண்டைக்காய் கழுவிய நீர் போல வடியும். குறியின் நுனி சிவந்து காணப்படும், அரிப்பு உண்டாகும், புண் ஏற்பட்டு இரத்தப்போக்கு ஏற்படும். சீழ் மிகுதியாகி கடினப்பட்டு மஞ்சள் நிறமாக மாறும். சூடு காரணமாக மலச்சிக்கல், பசியின்மை ஏற்படும். முதுகு, இடுப்பு, தொடை பகுதிகளில் தாங்க முடியாத உயிர் போகும் வலி காணப்படும்.

நோய் முற்றிய நிலையில்: சீழ் வறண்டு, நீர்குலை பெரிதும் புண்பட்டு நீர் அடிக்கடி தாங்க முடியாதவாறு இறங்கும். சீழ் மிகுந்து சதையை அழுகச் செய்து நீர் குலை அடைத்துக் கொள்வதால் யோனிக் குழாய் அருகில் பவுத்திரம் உண்டாகி அதன் வழி நீர் இறங்க நேரிடும். மலடு, சீழ்வாதம், கண்நோய் போன்றவைக்கு வழி வகுக்கும். இவற்றுக்கெல்லாம் சித்த மருத்துவத்தில் மருந்து இருக்கிறது.

Guest · Guest Wed Jul 01, 2009 9:32 pm

மிகவும் அ௫மையான தகவல் மகிழ்ச்சி

Sponsored content · Sponsored content

மூன்று நாள் வலி

மூன்று நாள் வலி

Re: மூன்று நாள் வலி

Re: மூன்று நாள் வலி

Re: மூன்று நாள் வலி

Re: மூன்று நாள் வலி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக