''கற்கும் பாரதம்'' திட்டம் தொடருமா?

தமிழக அரசிடம் முடிவு
''கற்கும் பாரதம்'' திட்டம் தொடருமா?



புதுவை : மத்திய அரசின் ‘கற்கும் பாரதம்‘ திட்டம் மூலமாக கல்வியறிவு இல்லாதவர்களுக்கு எழுத்தறிவு போதிக்கப்படுகிறது. தமிழ்நாடு எழுத்தறிவு முனைப்பு ஆணையம் பள்ளி சாரா மற்றும் வயது வந்தோர் கல்வி இயக்கம் சார்பாக இந்த திட்டம் செயல்படுத்தப்படுகிறது. இதன் மூலம் 14 வயது முதல் 70 வயது வரையிலான கல்வியறிவு இல்லாத ஆண், பெண்களுக்கு கல்வி போதிக்கப்படுகிறது. மேலும், அந்தந்த ஊராட்சிகளில் உள்ள தொடக்க மற்றும் நடுநிலைப் பள்ளிகளில் இயங்கும் வயது வந்தோர் கல்வி மையத்தில் பதிவு செய்து எளிமையான தேர்வின் மூலம் அரசு கல்வி சான்றிதழ் அளிக்கப்படுகிறது.

இந்த திட்டம் மூலமாக அவர்கள் தொடர்ந்து பயின்று ஆறு மாதங்களுக்கு ஒரு முறை நடைபெறும் 3, 5, 8 ஆகிய தேர்வுகளை எழுதி தேர்ச்சி பெற்றால் திட்டத்தில் சேர்ந்த இரண்டு ஆண்டுகளிலேயே எஸ்எஸ்எல்சி தேர்வை எழுதலாம். மேலும், இந்த சான்றிதழ் மூலம் ஓட்டுநர் உரிமம் உள்ளிட்டவை பெறவும் தகுதி உடையவர்களாகின்றனர். தொழிற்கல்விக்கும் அடிப்படையாக அமையும்.

ஒரு கிராம ஊராட்சிக்கு தலா 2 பயிற்றுநர்கள் வீதம் நியமிக்கப்பட்டு கல்வி கற்பிக்கப்படுகிறது. வட்டாரத்திற்கு ஒரு ஒருங்கிணைப் பாளர் மற்றும் மேற்பார்வை யாளர் உள்ளனர்.
இந்த திட்டத்தில் சேருவதற்கான அடிப்படை எழுத்தறிவு தேர்வு வருகிற 18ம் தேதி நடைபெறுகிறது. இதில் விழுப்புரத்தில் உள்ள கல்வியறிவு இல்லாதவர்களில் 60 சதவீதம் பேர் கலந்து கொண்டு தேர்வு எழுதுகின்றனர். இத்தகைய சூழ்நிலையில், 2 ஆண்டு கால திட்டமான இந்த ‘கற்கும் பாரதம் திட்டம்‘ இந்த மாதத்துடன் முடிவுற இருக்கின்றது.

அதை தொடர்ந்து நடத்துவது என்பது தமிழக அரசின் கையில் தான் உள்ளது. கல்வியறிவற்ற மக்களுக்காக முதியோர் கல்வி, அறி வொளி இயக்கம், வளர்கல்வி என்ற பெயர்களில் மத்திய அரசு கொண்டு வந்த திட்டங்களின் தொடர்ச்சியே, ‘கற்கும் பார தம்‘ திட்டமாகும். இதை முழுமையாக செயல் படுத்துவது மாநில அரசுகளின் பணி.
எனவே, தமிழகத்தில் உள்ள அனைத்து மாவட்டங்களிலும் இந்த திட்டத்தை விரிவுபடுத்தி கல்லாதவர்கள் இல்லாத தமிழகமாக மாற்றுவது தொடர்பான அறிவிப்பு வரும் பட்ஜெட்டில் தமிழக அரசு வெளியிடும் என எதிர்பார்க்கப்படுகிறது. அதே நேரத்தில் கற்கும் பாரதம் திட்டத்தில் பயிற்றுனர்களாக பணியாற்றி வரும் 7 மாவட்டங்களைச் சேர்ந்த 10 ஆயிரம் பேரின் எதிர்காலமும் இதில் அடங்கி உள்ளது.

thinakaran

இந்த திட்டம் நடைமுறையில் தொடர்ந்து இருந்தால் நல்லது.

இந்த திட்டம் நடைமுறையில் தொடர்ந்து இருந்தால் நல்லது.

ஏற்கனவே சர்வ சிக்ஷ்யா அபியான் எனும் திட்டம் என்ன செய்து கொண்டு இருக்கிறது என்று தெரியவில்லை , மேலும் திட்டங்கள் படுவதும் அதற்கு நிதி ஒதுக்குவதும் செவ்வனே நடை பெறுவது வழக்கம் தான் அதி ஆனால் அதனை சரியாக நிர்வாக்கிக எந்த அரசாங்கதலும் முடியவில்லையே