வைகை நதி ஏன் கடலில் போய் சேரவில்லை?

by **சாமி** Thu Mar 15, 2012 5:22 pm

First topic message reminder :

வைகை நதி கடலில் போய் சேராதது ஏன் என்று ஒரு விவாதம் நடந்தது குலோத்துங்க சோழன் அவையிலே. அவையில் ஒட்டக்கூத்தர் புலவர் பேரரசாக வீற்றிருக்கிறார். அருகில் வெண்பா வீறுடையவராக புகழேந்தி அமர்ந்திருக்கிறார். ஒட்டக்கூத்தர் சோழ நாட்டில் பிறந்தவர். புகழேந்தி களந்தையில் பிறந்தவர். பாண்டிய நாட்டின் பால் பற்றுடையவர். இருவரும் பெரும் புலவர்கள்.

ஒட்டக்கூத்தர் சொன்னார், “எங்க சோழ நாட்டு காவிரி மாதிரி உங்க பாண்டிய நாட்டு வைகை வருமா? வைகை கடலில் கலக்காத நதி”

அந்தந்த நாட்டுக்கு உரியவர்கட்கு அந்தந்த நாட்டின் மேல் பற்று தானாக இயல்பாக வந்து விடுகிறது. புகழேந்தி சொன்னார், “உங்க நதி சாதாரண நதி. எல்லாவற்றையும் போல அதுவும் கடலில் கலக்குது. எங்க வைகை நதி கடலில் கலக்கலே.ஏன் தெரியுமா? இந்தக் கடல் இருக்கே இது பாற்கடலுக்கு உறவு. பாற்கடல் சிவபெருமானுக்கு நஞ்சளித்தது. ஆலகாலம் அங்கே இருந்து தானே வந்தது? எம்பெருமானுக்கு நஞ்சை அளித்த பாவியாகிய இந்த கடலோடு நான் போய் சேர்வேனா? என்று சொல்லி சிவபத்தி மிக்க வைகை கடலில் கலக்கலே”.

இதை உள்ளடக்கி அவர் பாடிய அருமையான பாடல்
நாரியிட பாகருக்கு நஞ்சளித்த பாவியென்று
வாரியிடம் புகுதா வைகையே – மாறி
இடத்தும் புறத்தும் இருகரையும் பாய்ந்து
நடத்தும் தமிழ்ப் பாண்டிய நாடு.

அற்புதமான தற்குறிப்பேற்றக் கற்பனை. இந்தக் கற்பனை புகழேந்திக்கு எப்படித் தோன்றியது? இந்தக் கற்பனைக்கு வித்திட்டவர் தெய்வச் சேக்கிழார். ‘சுடர்நிலை மாளிகைப் புலியூர்’ என்ற சேக்கிழாரின் பாடலில் இருந்து புகழேந்தி எடுத்துக் கூறினார்.

மைசூருக்கு அருகே குடகு மலையில் சிறியதாக தொட்டி போல ஒரு இடத்தில் காவிரி ஆறு தொடங்குகிறது. இதை தலைக்காவிரி என்பர். இது வெளியே கிளம்பி பெரிதாகி விரிந்து சோழ நாட்டிற்கு வரும் போது அகண்ட காவிரி என்று பெயர் பெறும். கடலில் கலக்கின்ற இடத்தில் மிகக்குறுகி சிறிதளவே இருக்கும். சிறிதாய் ஆரம்பித்து, அகண்டு கடலில் கலக்கும்போது மீண்டும் குறுகி விடுவது ஏன்? சேக்கிழார் காரணம் சொல்கிறார்.

எம்பெருமானுக்கு நஞ்சளித்த பாவியாகிய கடலுக்குப் போய் என்னுடைய வளத்தையெல்லாம் ஏன் போய் கொட்டுவது என்று சோழ நாட்டுள் செல்லும்போது வளத்தை எல்லாம் வாரி வழங்கி கடலை அடையும் போது கடல் வயிறு நிறையாதபடி குறுகி அடைந்ததாம்.

(நன்றி: மு.பெ.ச அவர்கள் எழுதிய திருமந்திரச்சிந்தனைகள் புத்தகம்)

by இரா.பகவதி Fri Mar 16, 2012 10:47 am

அசுரன் அண்ணா மிக்க நன்றி அன்பு மலர்

, ஜலசந்தி என்றாள் என்ன நான் பள்ளிக்கூடதில் படித்து உள்ளேன் ஆனால் எனக்கு அப்போதே தெரியவில்லை

by இரா.பகவதி Fri Mar 16, 2012 10:49 am

மதுரையை சுத்தின கழுதை வெளியே போகாதுன்னு சொல்லுவாங்க பகவதி.

கழுதையே போவாதப்ப நம்ம வைகை நதியா போயிடும் - அதான் இருந்திருச்சு அங்கேயே.

நீங்க இப்போ எந்த கழுதைய சொல்ல வரிங்க சிரி சிரி

by அசுரன் Fri Mar 16, 2012 10:52 am

இரா.பகவதி wrote:அசுரன் அண்ணா மிக்க நன்றி , ஜலசந்தி என்றாள் என்ன நான் பள்ளிக்கூடதில் படித்து உள்ளேன் ஆனால் எனக்கு அப்போதே தெரியவில்லை

பாக்கு நீரிணை தமிழகத்தையும் இலங்கையையும் பிரிக்கிறது. மன்னார் வளைகுடாவிலிருந்து மேட்டுப்பாங்கான ஆடம் பாலம் பிரிக்கிறது. இதன் குறுகிய பகுதி 53கி.மீ (33 மைல்) அகலம் உடையது. டச்சு ஆளுனராக இருந்த பாக் என்பவரின் பெயர் இதற்கு இடப்பட்டுள்ளது.
இப்பகுதியில் பெரிய கப்பல்கள் செல்வதற்குப் போதிய ஆழமின்மையின் காரணமாக இந்தியாவின் கிழக்கு கடற்கரைப் பகுதியில் இருந்து மேற்கு கடற்கரைப் பகுதிகளுக்குச் செல்லும் கப்பல்கள் இலங்கையைச் சுற்றிக்கொண்டு செல்கின்றன.

[You must be registered and logged in to see this image.]

மன்னார் வளைகுடா (Gulf of Mannar) என்பது இந்தியப் பெருங்கடலில் இலட்சத்தீவுக் கடலின் பகுதியில் அமைந்துள்ள ஒரு குடா ஆகும். இது இந்தியாவின் தென்கிழக்கு முனைக்கும், இலங்கையின் மேற்குக் கரைக்கும் இடையில் 160 இற்கும் 200 கிலோமீட்டர் (100 முதல் 125 மைல்) இற்கும் இடைப்பட்ட அகல இடத்தில் அமைந்துள்ளது. தாழ் தீவுகளையும் கற்பாறைகளையும் கொண்ட இராமர் பாலம் மன்னார் வளைகுடாவை பாக்குநீரிணை இந்தியாவுக்கும் இலங்கைக்கும் இடையில் அமைந்துள்ள பாக்குநீரிணையில் இருந்து பிரிக்கிறது. தென்னிந்தியாவில் உள்ள தாமிரபரணி ஆறு மற்றும் இலங்கையில் உள்ள மல்வத்து ஆறு (மல்வத்து ஓயா) ஆகியவை வளைகுடாவில் வீழ்கிறது.

நன்றி விக்கிபீடியா

by அசுரன் Fri Mar 16, 2012 10:54 am

இரு நிலங்களுக்கு நடுவே பாயும் கடலை இப்படி அழைப்பார்கள்

by இரா.பகவதி Fri Mar 16, 2012 11:00 am

இரு நிலங்களுக்கு நடுவே பாயும் கடலை இப்படி அழைப்பார்கள்

நன்றி அண்ணா விளக்கமா கூறியமைக்கு, ஜாலி

by அசுரன் Fri Mar 16, 2012 11:20 am

இரா.பகவதி wrote:
இரு நிலங்களுக்கு நடுவே பாயும் கடலை இப்படி அழைப்பார்கள்
நன்றி அண்ணா விளக்கமா கூறியமைக்கு,

அப்பாடா உங்களுக்கு புரிஞ்சதே எனக்கு பெரிய மகிழ்ச்சி புன்னகை

by இரா.பகவதி Fri Mar 16, 2012 11:24 am

அப்பாடா உங்களுக்கு புரிஞ்சதே எனக்கு பெரிய மகிழ்ச்சி

அக்ச்சுசயல்லா எனக்கு இன்னும் நிறைய டவுட் இன்னைக்கு நீங்க ரொம்ப டயர்ட் ஆயிறுபிங்க அதனால் நாளைக்கு வச்சிக்கிறேன் , விடாது என் கேள்விகணை

by அசுரன் Fri Mar 16, 2012 11:29 am

இரா.பகவதி wrote:
அப்பாடா உங்களுக்கு புரிஞ்சதே எனக்கு பெரிய மகிழ்ச்சி
அக்ச்சுசயல்லா எனக்கு இன்னும் நிறைய டவுட் இன்னைக்கு நீங்க ரொம்ப டயர்ட் ஆயிறுபிங்க அதனால் நாளைக்கு வச்சிக்கிறேன் , விடாது என் கேள்விகணை

ஆஹா அவரா நீங்க! அய்யோ, நான் இல்லை