புதினா

பல ஆண்டுகள் பயிர் செய்யக்கூடிய ‘மெந்தா’ என்ற இனத்தைச் சேர்ந்தது. பெப்பர்மின்ட் தைலமும் பச்சைக் கற்பூரமும் இச்செடிகளிலிருந்து கிடைக்கின்றன. வாசனை தரும் மூலிகைச் செடியாகும். இதன் இலைகளும் தண்டும் வாசனை மிக்கவை.

புட்டுப் போன்ற மிருதுத் தன்மையடைய புதினா செடி ஆண்டு முழுவதும் வளர்வது.

இலைகளின் சாறு குளிர்ச்சி தரக்கூடியது. பருக்கள் மற்றும் வடுக்களுக்கு மருந்தாகவும், தோலின் வனப்பை ஊக்கப்படுத்தும் டானிக்காகவும், எண்ணெய் சருமத்திற்கு புத்துணர்ச்சி கொடுக்கக் கூடியதாகவும் இருக்கின்றது.

இந்தியாவின் எல்லா பாகங்களிலும், எல்லா காலங்களிலும் பயிரிடப்படுகிறது. புதினாச் செடி பூக்கும் பருவ காலங்களில் அந்த எண்ணெய்ச் சத்து கொண்டதாயிருக்கும். அதன் பிறகு எண்ணெய் அளவு குறைந்து விடும். இலைகளும் பூக்களின் மேல் பகுதிகளும் அதிக எண்ணெய் கொடுக்கும். எண்ணெயைக் குளிரவைத்தால் ஐம்பது சதவிகிதம் பச்சைக் கற்பூரம் படிக வடிவிலும் எஞ்சியவை பெப்பர்மின்ட் தைலமாகவும் பயன்படுகிறது. தைலம் புளிப்புச் சத்து கொண்டது.

பல்வேறு வகை உணவிற்கும் மணத்தையும், சுவையையும் கூட்டுகிறது. இலைகளின் சாறு பானவகைகளிலும் பயன்படுத்தப்படுகிறது. புதினா இலைகள் பல்வேறு நிலைகளில் வயிற்றுக் கோளாறுகளுக்கு மருந்தாகவும், இருமல், தலைவலி மருந்துகள், பற்பசை என அனைத்திலும் பயன்படுத்தப்படுகின்றன.

வியர்வை சுரப்பிகளினின்று வியர்வையை வெளியேற்றும். வியர்வையைப் பெருக்கும். செரியாமை போன்ற பல நோய்களுக்கும் மருந்தாகப் பயன்படுகிறது. இரத்தத்தை சுத்திகரிக்கக் கூடிய தன்மை இதன் சாறுக்கு உண்டு. சருமத்தில் கிருமிகளையும், அழுக்கையும் அகற்றக் கூடியது.

குளியல் தைலங்களிலும், பொடுகை அகற்றி கேசத்தின் வேர்க்கால்களில் ஊடுருவி கேச வளர்ச்சியைத் தூண்டுகின்றது.

ஆஸ்துமா, சளித்தொல்லை போன்ற சிகிச்சைக்கு இலைகளும், எண்ணெயும் பயன்படுகிறது. ருதுவுண்டாக்குதல், காமாலை நோய் சிகிச்சை, பித்த வாந்தியைத் தடுக்கும் குணம் அதன் இலைகளுக்கு உண்டு.

சீழ்த்தடுப்புக்கும், உணர்ச்சி தூண்டலுக்கும், அஜீரணம் மற்றும் காய்ச்சல் தணிப்புக்கும் பயன்படுகிறது. பொடியாக்கப்பட்ட இலைகள் தலைவலிக்கும் மற்ற காயங்களுக்கும் உபபோயகப்படுத்தப்படுகின்றன. வீட்டு மருந்தாக தினசரி உணவிலே அனைவராலும் சேர்த்துக் கொள்ளப்படுகிறது.

எண்ணெய், சரும டானிக்காக சருமத்திற்கு புத்துணர்ச்சியை அளிக்கிறது. புதினா விதையை வாயில் போட்டு கூசுகிற பற்களினால் கடித்து, காலை, மாலை என இருவேளை மெல்ல, பற்கூச்சம் நீங்கும்.

எத்தனை பழய பதிவு...ஆனால் ஒரு பதில் கூட இல்லை.... யாருக்கும் புதினா பிடிக்காதா????