குப்பைமேனி + பொன்னாங்கண்ணி

இந்தியாவின் வெப்பமான பகுதிகளில் வளரும் களைச் செடியாகும். குறுஞ்செடியாக வயல்களிலும், வரப்புகளிலும் வளரும். முழுத்தாவரமும் மருத்துவ பயன் கொண்டவை. மூச்சுக் குழல் மற்றும் ஆஸ்த்துமா நோய்க்கு மருந்தாகிறது. இலைகளின் சாறு தோல் வியாதிகளுக்கு மேல் பூச்சாகப் பயன்படுகிறது.

உடலிலுள்ள வேண்டாத ரோமங்களின் வளர்ச்சியைத் தடுக்கிறது. படுக்கைப் புண் மற்றும் நாள்பட்ட சொறி சிரங்குகளை ஆற்றுகிறது. முடக்கு வாதம், மூட்டுவலிக்கு மேல் மருந்தாகவும் தடவப்படுகிறது.

பொன்னாங்கண்ணி:

உடலுக்குப் பொன் போன்று கவர்ச்சியையும், பிரகாசத்தையும் தோற்றுவிக்கும் சக்தி படைத்த மூலிகை என்ற கருத்தில் வழங்கியது பின்னாளில் பொன்னாங்கண்ணியாகிவிட்டது. கண் தொடர்பான எந்தப் பிணிகளுக்கும் இந்தக் கீரை நல்ல மருந்துப்பொருள், உடற்சூட்டை சமனப்படுத்தி ஒரே நிலையில் வைக்கும் ஆற்றல் இக்கீரைக்கு உண்டு. பலவீனமான உடலைச் சீராக வளர்த்து வலிமையையும், வளமையையும் இது ஊட்டும்.

செழிப்பாய் வளர்ந்த பொன்னாங்கண்ணிக் கீரையை செம்மையாக வதக்கி, மிளகு, உப்பு கூட்டி புளியை நீக்கி முறைப்படி ஒரு மண்டலம் உட்கொணடால் உடலுக்கு அழகு, பொன்னிறம், நீண்ட ஆயுள், கண் குளிர்ச்சி இவற்றைத் தரும். தினம் இதைத் துவட்டிச் சாப்பிட உடல் ஒளிபெறும். உப்பில்லாமல் வேகவைத்து வெண்ணெயிட்டு நாற்பது நாளுண்ண கண்ணில் உண்டாகும் நோய் தீரும். இதன் தைலத்தைத் தலைமுழுகி வர கண் நோய்கள் தீரும்.

நோய் காரணமாக பலவீனமடைந்தவர்கள் டானிக் போன்று இக்கீரையை உண்டு வர உடலில் ரத்த உற்பத்தி பெருகி நல்ல பலம் சேரும். கண் தொடர்பான பிணிகளுக்கு பொன்னாங்கண்ணி தைலம் நல்ல மருந்தாகப் பயன்படுகிறது. சருமநோய்களையும் இந்தத் தைலம் அகற்றி உடலைப் பட்டுப் போன்று மென்மையாக ஆக்கும்.

குப்பைமேனி இலையை பொடித்து தக்க அளவாக குழந்தைகளுக்கு கொடுக்க மலப்புழுக்கள் வெளிப்படும். இலையையும், பூண்டையும் சேர்த்தும் கொடுக்கலாம். இலையையும், உப்பையும் கலந்து அரைத்துத் தடவ சொறி, சிரங்கு குணமாகும்.

சிறிது சுண்ணாம்புடன் இலையைக் கலந்து தடவ, நோயுடன் கூடிய மூட்டு வலி சரியாகும். இதையே காதுவலிக்கு காதைச் சுற்றிப் பூச காதுவலி நீங்கும்.

இலையுடன் உப்பு சேர்த்து சாறு பிழிந்து இரு மூக்கிலும் நசியமிட்டு, குளிர்ந்த நீரில் தலை முழுக வெளி நோய் நீங்கும்.

பயனுள்ள தகவல் அக்கா!

குப்பைமேனி பற்றி மேலும் அறிய: http://www.eegarai.net/t4774-topic

பொன்னாங்கண்ணி பற்றிய உங்களின் மேலும் ஒரு சிறந்த பதிவு!
http://www.eegarai.net/t31385-topic

சிவா wrote:பயனுள்ள தகவல் அக்கா!

குப்பைமேனி பற்றி மேலும் அறிய: http://www.eegarai.net/t4774-topic

பொன்னாங்கண்ணி பற்றிய உங்களின் மேலும் ஒரு சிறந்த பதிவு!
http://www.eegarai.net/t31385-topic

அதிலேயே இதை இணைத்து விடலாமா சிவா ? இதில் குப்பை மேனியும் இணைந்து இருந்ததால் தனி பதிவாக போட்டேன்

இணைக்க வேண்டாம் அக்கா, தனித்தனியாகவே இருக்கட்டும். இவற்றைப் படிப்பவர்கள் பழைய பதிவையும் படிக்க எளிதாக இருக்கும் என்றுதான் அதன் சுட்டியையும் இங்கு இணைத்தேன்.

சிவா wrote:இணைக்க வேண்டாம் அக்கா, தனித்தனியாகவே இருக்கட்டும். இவற்றைப் படிப்பவர்கள் பழைய பதிவையும் படிக்க எளிதாக இருக்கும் என்றுதான் அதன் சுட்டியையும் இங்கு இணைத்தேன்.

நன்றி சிவா