தீபாவளி சமாளிப்புகள் ! :)

**krishnaamma** · **krishnaamma** Thu Oct 31, 2013 10:51 am

பால் பாயசம் செய்யும்போது திரியாமல் இருக்க ஒரு லிட்டர் பாயசத்திற்கு 1/4 டீஸ்பூன் சமையல் சோடா சேர்த்துக் கொதிக்கவிட்டால் பாயசம் திரியாமல் வரும்.

அதிரசம் செய்தபின் ரொம்பவும் கெட்டியாகிவிட்டதா? கவலையை விடுங்கள். இட்லி குக்கரில் வைத்து ஆவியில் லேசாக வேக வைத்து எடுக்க, மெத்தென்று மிருதுவாக ஆகிவிடும்.

மைசூர்பாகு, பர்பி கடினமாகி விட்டால், மிக்சியில் தூள் செய்து, சோமாஸ் செய்வதற்கு அதை பூரணமாகப் பயன்படுத்தலாம். அல்லது செய்யும்போதே ஒரு சிட்டிகை சோடா உப்பு போட்டு செய்தால் கடினமாக வராது புன்னகை

அதேபோல முந்தரி பர்பி அல்லது தேங்காய் பர்பி போன்றவை தளர வந்து விட்டால், கொஞ்சநேரம் fridge இல் வைத்து எடுக்கலாம். ரொம்ப 'கொள கொள' என்று இருந்தால்......மீண்டும் கொஞ்ச நேரம் அடுப்பில் வைத்து கிளறலாம் புன்னகை

சர்க்கரை பொங்கலுக்கு அல்லது சில இனிப்புகள் செய்யும்போது போட முந்திரி கொஞ்சமாக இருந்தால் முற்றிய தேங்காயைத் துண்டு செய்து நெய்யில் வறுத்துப் போடுங்கள். ரொம்ப நல்லா இருக்கும்.

குலோப்ஜாமூன் செய்யும்போது எப்பொழுதும் உருண்டையாகவோ, நீளமாகவோ உருட்டி செய்வோம். ஒரு மாறுதலுக்காக, பாதுஷா போல் தட்டையாக செய்யலாம் அல்லது அதில் தோல் நீக்கிய பாதாம் துண்டுகள், முந்திரி, பிஸ்தா, துண்டுகள் இவற்றைக் கலந்து வைத்து மாவால் மூடி, எப்போதும் போல எண்ணெய் அல்லது நெய்யில் பொரித்தெடுத்து பாகில் ஊற விடவும். சூப்பர் ஆக இருக்கும் புன்னகை