அக்காவும் அப்படித்தான்...

by **ரா.ரா3275** Wed Mar 14, 2012 11:33 pm

அக்கா-
இரண்டு வயது மட்டுமே மூத்தவள்
இறக்கும் வரை
இந்த 'இரண்டு' மட்டுமே இடைவெளி
உனக்கும் எனக்கும்

நீயும் நானும் போட்ட
சண்டைகள் முதல்
அவ்வளவாய் இல்லை ஞாபகப் படிமங்கள்
அழுத்தமாய்ப் படிந்ததாய்
இன்றுவரை
இருவரும் குடும்பங்களாய்த் தனித்தனியாய்
ஆன பின்னும்

'இப்படி இரு...அப்படி இரு'
என்று
அறிவுரைத்ததில்லை இருவரும் பரஸ்பரம்

இன்றுவரை இரண்டே இரண்டு மட்டும்
நிரந்தரப் படிமமாய் மனதில்

உன் பெண்ணழைப்பு இரவன்று
உள்வீட்டுக் கதவிடுக்கருகில்
கண்மழையில் நனைந்தது என் வேட்டி நுனி

கதகதக்கும் என் கண்களைப் பார்த்த
மரகதம் அக்கா சொன்னார் :
அக்கா போறாளேன்னு
ஆறும் கடலும் அணைய ஒடைக்குது
அவன் கண்ணுல

அதற்குப் பிறகு
இப்போதும் கூட
எப்போதாவது போன் செய்து
"அப்புறம் என்னடா"
என்பாய்
"சொல்லு" என்பேன்
"சும்மாதாண்டா ஒண்ணுமில்ல"
என்று வைத்துவிடுவாய்

"இதுக்கு ஒரு ஃபோனா?...
எங்க அம்மா மாதிரியேடா..."
நண்பன் கேட்டுச் சிரிப்பான்
கிண்டல் துருத்த

நானும் சிரிப்பேன்
கண்களில் சிறுமழையுடன்

ம்கும்...
அவனுக்குத் தெரியும் நிறைய அம்மாக்கள்
இப்படித்தான் என்பது
ஆனால் எனக்கு
அக்காவும் அம்மாவே...

அக்காவும் அப்படித்தான்... Z

by அதி Wed Mar 14, 2012 11:38 pm

இப்படிக்கூட கவிதை எழுதலாம் என்று தெரிந்துக்கொண்டேன் ரா.ரா. அழகாய் உணர்ச்சிகளைப் பிழிந்திருக்கிறீர்கள் கவிதையில்.வரிகள் குறைவாக இருந்தாலும் படிக்க நிறைவாய் இருந்தது. சூப்பருங்க

by யினியவன் Wed Mar 14, 2012 11:41 pm

அக்காவென்றைழைக்கவா அம்மாவென்றழைக்கவா

எனும் அளவிற்கு அக்கா மேல் கொண்ட பாசம் கவிதையில்

அதே ஆறும் கடலும் போல் அனைய உடச்சிட்டு கொட்டுது ராரா.

அருமை - சூப்பருங்க

by **ரா.ரா3275** Thu Mar 15, 2012 12:30 am

அதிபொண்ணு wrote:இப்படிக்கூட கவிதை எழுதலாம் என்று தெரிந்துக்கொண்டேன் ரா.ரா. அழகாய் உணர்ச்சிகளைப் பிழிந்திருக்கிறீர்கள் கவிதையில்.வரிகள் குறைவாக இருந்தாலும் படிக்க நிறைவாய் இருந்தது.

நன்றிகள் அதிபொண்ணு அவர்களே...

by **ரா.ரா3275** Thu Mar 15, 2012 12:31 am

கொலவெறி wrote:அக்காவென்றைழைக்கவா அம்மாவென்றழைக்கவா

எனும் அளவிற்கு அக்கா மேல் கொண்ட பாசம் கவிதையில்

அதே ஆறும் கடலும் போல் அனைய உடச்சிட்டு கொட்டுது ராரா.

அருமை -

by **ரா.ரா3275** Thu Mar 15, 2012 10:50 am

அக்காவென்றைழைக்கவா அம்மாவென்றழைக்கவா

கேள்வியே இல்லை..அம்மாதான்...

by ஹர்ஷித் Thu Mar 15, 2012 11:06 am

ரா.ரா3275 wrote:
உன் பெண்ணழைப்பு இரவன்று
உள்வீட்டுக் கதவிடுக்கருகில்
கண்மழையில் நனைந்தது என் வேட்டி நுனி

அக்கா என்றொரு உறவு எனக்கில்லை என்றாலும் உணர்ந்தேன் உறவின் பெருமையை உங்களின் வரிகளில்.. அருமையிருக்கு

by **ரா.ரா3275** Thu Mar 15, 2012 3:36 pm

ஜேன் செல்வகுமார் wrote:
ரா.ரா3275 wrote:
உன் பெண்ணழைப்பு இரவன்று
உள்வீட்டுக் கதவிடுக்கருகில்
கண்மழையில் நனைந்தது என் வேட்டி நுனி

அக்கா என்றொரு உறவு எனக்கில்லை என்றாலும் உணர்ந்தேன் உறவின் பெருமையை உங்களின் வரிகளில்..

நன்றி...