ராணுவ வீரருக்கு 6,060 ஆண்டு ஜெயில் தண்டனை

**சிவா** · **சிவா** Wed Mar 14, 2012 8:38 am

கவுதமாலா நாட்டில் 1960-ல் தொடங்கி சுமார் 36 ஆண்டுகள் உள்நாட்டு போர் நடந்தது. அப்போது லாஸ்டோஸ் இராஸ் என்ற இடத்தில் 1982-ம் ஆண்டு டிசம்பர் மாதத்தில் பச்சிளம் குழந்தைகள் உள்பட 201 பேர் சம்மட்டியால் தாக்கி கொடூரமாக படுகொலை செய்யப்பட்டு கிணற்றில் புதைக்கப்பட்டனர். இந்த காட்டுமிராண்டித்தமான நடவடிக்கையில் அமெரிக்காவில் லாஸ் ஏன்சல்ஸ் நகரைச் சேர்ந்த பெட்ரோ பிமென்டெல் (வயது 55) உள்பட 20 வீரர்கள் ஈடுபட்டதாக குற்றம்சாட்டப்பட்டது. தற்போது இவர்கள் ஓய்வு பெற்று விட்டனர்.

இது தொடர்பான விசாரணை கவுதமாலா நாட்டு கோர்ட்டில் நடைபெற்றது. இதனால் பிமென்டெல் அமெரிக்காவில் இருந்து வெளியேற்றப்பட்டு கவுதமாலாவுக்கு அனுப்பிவைக்கப்பட்டார். இவர் கோர்ட்டில் ஆஜராகி வாக்குமூலம் அளித்த போது, `படுகொலை சம்பவம் நடைபெற்ற போது நான் அங்கு இல்லை. ஒரு மாதத்திற்கு முன்னதாகவே வெளியேறி விட்டேன்' என்று கூறினார். ஆனால் நீதிபதிகள் அதை ஏற்கவில்லை.

இந்த வழக்கில் அவருக்கு 6,060 ஆண்டு ஜெயில் தண்டனை விதித்து தீர்ப்பு கூறப்பட்டது. அதாவது பிமென்டெலுக்கு ஒவ்வொரு கொலைக்கும் 30 ஆண்டுகள் (201 கொலை) வீதம் 6,030 ஆண்டுகளும், மனித உரிமையை மீறியதற்காக 30 ஆண்டு என மொத்தம் 6,060 ஆண்டுகள் சிறைத்தண்டனை விதிப்பதாக நீதிபதிகள் தீர்ப்பில் குறிப்பிட்டனர்.

இதே குற்றத்தில் ஈடுபட்ட 4 வீரர்களுக்கு 6,060 ஆண்டு ஜெயில் தண்டனையை கடந்த ஆகஸ்டு மாதம் கோர்ட்டு விதித்தது என்பது குறிப்பிடத்தக்கது. ஆனால் அந்த நாட்டின் சட்டப்படி கொலை வழக்கில் ஒருவருக்கு அதிகபட்சமாக 50 ஆண்டுகள் சிறை தண்டனையே விதிக்க முடியும் என கூறப்படுகிறது.

தினதந்தி

மகா பிரபு · மகா பிரபு Wed Mar 14, 2012 9:01 am

அப்படி பாத்தா ராஜபக்சேவுக்கு எத்தனை ஆண்டுகள்

குறைந்தது முப்பது லட்சம் ஆண்டுகள்.

உதயசுதா · உதயசுதா Wed Mar 14, 2012 12:35 pm

அட என்னாப்பா காமெடியா இருக்கு. அவன் இன்னும் 50 வருஷம் தான் இருப்பான்.அவனுக்கு 6060 ஆண்டு தண்டனையா? இவனை இவன் எப்படி கொலை செய்தானோ அதே மாதிரி கொலை செய்தால் கூட ஏற்று கொள்ளலாம்.

ஹர்ஷித் · ஹர்ஷித் Wed Mar 14, 2012 12:59 pm

உதயசுதா wrote:அட என்னாப்பா காமெடியா இருக்கு. அவன் இன்னும் 50 வருஷம் தான் இருப்பான்.அவனுக்கு 6060 ஆண்டு தண்டனையா? இவனை இவன் எப்படி கொலை செய்தானோ அதே மாதிரி கொலை செய்தால் கூட ஏற்று கொள்ளலாம்.

அதி · அதி Wed Mar 14, 2012 1:02 pm

அர்த்தமற்றதாக இருக்கிறதே...அத்தனை ஆண்டுகள் வாழ மாட்டான் என்பதும் தெரிந்தும் இந்த தண்டனை எதற்காக

**பிரசன்னா** · **பிரசன்னா** Wed Mar 14, 2012 1:21 pm

சாகும் வரை சிறை தண்டனை...

அந்த நாட்டில் மரணதண்டனை சட்டத்தில் இல்லை என்று நினைக்கிறேன்

நேரு · நேரு Wed Mar 14, 2012 1:55 pm

ஈழத்தில் மக்களை கொன்று குவிக்க காரணமான பொன்சேகாஊக்கு ராஜப்க்சேவாள் ஜெயில் தண்டனை ஆனால் தூண்டியவனுக்கு (இந்தியா )உட்பட எந்த தண்டனை கொடுதலும் தகும் ............