மீண்டும் உண்ணாவிரதப் போராட்டத்தில் குதித்த ஹசாரே

இரா.பகவதி · இரா.பகவதி Wed Mar 14, 2012 1:51 pm

புதுடெல்லி: சமூக சேவகர் அன்னா ஹசாரே மீண்டும் உண்ணாவிரதப் போராட்டத்தை நடத்துகிறார். கடந்த டிசம்பர் மாதம், மும்பையில் அவர் உண்ணாவிரதம் மேற்கொண்டபோது ஹசாரேவின் உடல்நிலை பாதிக்கப்பட்டது. இதையடுத்து, அந்த உண்ணாவிரதம் பாதியில் நிறுத்தப்பட்டது. அதன்பிறகு தற்போது முதன்முறையாக ஹசாரே உண்ணாவிரதம் மேற்கொள்கிறார். வரும் ஞாயிற்றுக்கிழமை டெல்லி ஜந்தர் மந்தர் பகுதியில், அவர் ஒரு நாள் அடையாள உண்ணாவிரதம் மேற்கொள்கிறார்.

மேலும், மத்தியப் பிரதேசத்தில் ஐ.பி.எஸ். அதிகாரி நரேந்திர குமாரை டிராக்டர் ஏற்றி கொன்ற சட்டவிரோத சுரங்க கொள்ளையர்கள் மீது உரிய நடவடிக்கை எடுக்கக் கோரியும் ஊழலை அம்பலப்படுத்துபவர்களை பாதுகாக்கும் வகையில் வலுவான சட்டம் கொண்டுவரக் கோரியும் ஹசாரே உண்ணாவிரதம் இருப்பதாக அறிவிக்கப்பட்டுள்ளது. மேலும், இந்த உண்ணாவிரதத்தில் கலந்துகொள்ளுமாறு சுரங்க கொள்ளையர்களால் கொல்லப்பட்ட ஐ.பி.எஸ். அதிகாரியின் குடும்பத்தினருக்கும் ஹசாரே குழு அழைப்பு விடுத்துள்ளது குறிப்பிடத்தக்கது.

தினகரன்