தொப்பைச் சுரைக்குடுக்கை

**ரா.ரா3275** · **ரா.ரா3275** Tue 13 Mar 2012 - 20:36

First topic message reminder :

தொப்பைச் சுரைக்குடுக்கை - Page 5 Images?q=tbn:ANd9GcQhyO7bAE8p-oVSIvKO71nhQfexWHcstidfIYI5_Mq-trlNrfHn69H2Lw

திருவிழாக் கடைகள்
புதுச்சட்டைப் போட்டதுபோல்
எங்கள் ஊருக்கே
வரிசையாக நேர்த்திக் குறையாமல்

சட்டென்று என்றில்லாமல்
ஜனத்திரளில்
நசுங்கிப் பிதுங்கி
பலூன் கடைமுன் நின்றேன்
அப்பாவின் கைப்பிடி அறுந்துவிடாமல்

சப்பையான சுரைக்காய்கள்
வெவ்வேறு வண்ணங்களில்
வேர்க்காமல் நெருக்கியபடி
பிளாஸ்டிக் பைகளில்

வயிறு பருத்தச் சுரைக்குடுகைகள்
காற்றில் அலைந்தபடி

அலையாமல்
கயிற்றுக்குக் கட்டுப்பட்டு

கடைக்கார மாமா
கொத்தாய் அள்ளிக்காட்டிய சுரைக்காய்களில்
பிடித்த சுரைக்காய் பிடித்த வண்ணத்தில்
கைகளுக்கு வந்தது
அப்பாவின் சில்லறை கைமாற

இந்தச் சப்பைச் சுரைக்காயிலிருந்து
வயிறு பருத்த சுரைக்குடுக்கை
செய்யும் மின்னல்கள்
தடதடத்து மனசில் பளிச்சித்தன

மீண்டும் நசுங்கிப் பிதுங்கி
வீட்டுக்கு வந்துவிட்டேன்
அப்பாவின் கைப்பிடி அறுத்து
சப்பைச் சுரைக்காயை கையில் இறுக்கி

திண்ணையில் உட்கார்ந்து
என் குடலில் இருந்துக் காற்றைக் குடித்து
தொப்பைச் சுரைக்குடுக்கையானது
சப்பைச் சுரைக்காய் கழுத்தில் இறுக்கிய நூலால்

அப்படியே பறக்க
அண்ணாந்து துரத்த ஆனந்தத்தில்
செங்கா நாயக்கர் வீட்டு
மெத்தையைத் தாண்ட
எட்டி எட்டிப் பிடிக்க
உயர்ந்த கைகளுக்கும் மேலே மேலே
மேலே மேலே மேலே...
.
கைகளைப் பார்த்தேன் மறைந்தபின்
கயிற்றை இழந்த என் பிஞ்சு விரல்கள்
ஜிவுஜிவுத்த ரத்தச் சிவப்பில்!

(முற்றிக் காய்ந்த சுரைக்காயைச் சுரைக்குடுக்கை என்று அழைப்பர்.கிணற்றில் நீச்சல் அடிக்கும்போது இதை இடுப்பில் கட்டிக் கொண்டு குதித்தால் முழுகாமல் மிதக்கலாம்...கிராமங்களில் நீச்சல் பயில இதைப் பயன்படுத்துவர்)

**ரா.ரா3275** · **ரா.ரா3275** Thu 15 Mar 2012 - 0:38

ஜாஹீதாபானு wrote:
ரா.ரா3275 wrote:
ஜாஹீதாபானு wrote:
நாங்களெல்லாம் சுரைக்குடுக்கை இல்லாமலே நீச்சலடிப்போம்

இதுதாங்க நீங்க...தரைநீச்சலடிக்க சுரைக்குடுக்கை எதுக்குங்க?...

ஹேய் ...யாரப்பார்த்து தரை நீச்சலடிப்பெனு சொல்லுரிங்க