இந்தியர்களை தாக்குவதா? உம்மன் சாண்டி கண்டனம்

திருவனந்தபுரம்:இத்தாலியில் உள்ள இந்தியர்களின் ஓட்டல்கள் மற்றும் உணவகங்கள் மீது, விஷமிகள் சிலர் தாக்குதல் நடத்துவதற்கு, அந்நாட்டு அமைச்சரிடம் கேரள முதல்வர் உம்மன் சாண்டி கடும் கண்டனம் மற்றும் ஆட்சேபம் தெரிவித்தார்.கேரள கடல் பகுதியில் மீன் பிடித்துக் கொண்டிருந்த மீனவர்கள் மீது, இத்தாலியைச் சேர்ந்த, "என்ரிகா லக்சி' என்ற கப்பலின் பாதுகாவலர்கள் துப்பாக்கிச் சூடு நடத்தியதில், இரு மீனவர்கள் கொல்லப்பட்டனர். இதையடுத்து, இத்தாலிய கப்பலின் பாதுகாவலர்கள் இருவர் கைது செய்யப்பட்டு சிறையில் அடைக்கப்பட்டுள்ளனர்.

இந்நிலையில், கேரள முதல்வர் உம்மன் சாண்டியை, மாநில தலைமைச் செயலகத்தில், இத்தாலி துணை வெளியுறவு அமைச்சர் ஸ்டீபன் டீ மிஸ்துரா நேற்று சந்தித்துப் பேசினார்.

இந்தச் சந்திப்பிற்குப் பின், நிருபர்களிடம் பேசிய மிஸ்துரா, ""மீனவர்கள் படுகொலைக்கு காரணமான, இத்தாலிய கப்பலின் பாதுகாவலர்களை, திருவனந்தபுரம் மத்திய சிறையில் இருந்து மற்றொரு இடத்திற்கு மாற்ற வேண்டும். அவர்கள் கோர்ட்டால் தண்டிக்கப்படவில்லை என்பதால், இதைச் செய்ய வேண்டும் என, முதல்வர் உம்மன் சாண்டியிடம் கேட்டுக் கொண்டேன்,'' என்றார்.

அதேநேரத்தில், இத்தாலி அமைச்சரைச் சந்தித்த பின், நிருபர்களிடம் பேசிய கேரள முதல்வர் உம்மன் சாண்டி, ""இந்திய மீனவர்கள் சுட்டுக் கொல்லப்பட்ட வழக்கில், இத்தாலிய கப்பலின் பாதுகாவலர்கள் இருவர் கைது செய்யப்பட்டு, சிறையில் அடைக்கப்பட்டுள்ளனர்.

இதற்கு எதிர்ப்புத் தெரிவித்து, இத்தாலியில் உள்ள உணவகங்கள் மற்றும் ஓட்டல்கள் மீது, சிலர் தாக்குதல் நடத்தியுள்ளனர். அவர்கள் மீது இத்தாலி அரசு கடும் நடவடிக்கை எடுக்க வேண்டும் என, அமைச்சர் மிஸ்துராவை கேட்டுக் கொண்டேன். இந்தியர்கள் மீதான தாக்குதலுக்கு கடும் கண்டனமும் தெரிவித்தேன். இத்தாலிய கப்பலின் பாதுகாவலர்கள் விஷயத்தில், கேரள அரசு சட்ட விரோதமாக எதையும் செய்யவில்லை,'' என்றார்.

தினதந்தி

இந்தியர்களை தாக்குவதா ?! உம்மன் சாண்டி கண்டனம்

அதானே ! அது எப்படி இத்தாலிகாரனுங்க இந்தியர்களை தாக்கலாம்??.

வேணுமின்னா இலங்கை ராணுவம் இந்திய மீனவர்களை சுட்டுக்கொள்வது போல சுட்டு கொன்னுக்குங்க ஆனா தாக்குற வேலையெல்லாம் வச்சுக்க கூடாது.