திண்டுக்கல் லாட்ஜில் கேரள பயங்கரவாதி போலீசாரால் சுட்டுக்கொலை

திண்டுக்கல் லாட்ஜில் பதுங்கி இருந்த கேரள வாலிபர் நேற்று மதியம் போலீசாரால் சுட்டுக்கொல்லப்பட்டார். இவர் மதுரை தி.மு.க. ஒன்றிய செயலாளர் கடத்தல் வழக்கில் சம்பந்தப்பட்டவர் ஆவார்.

அவருடன் தங்கியிருந்த மேலும் 3 பேரை போலீசார் சுற்றி வளைத்து கைது செய்தனர்.

பயங்கரவாத கும்பல் பதுங்கல்

திண்டுக்கல் பஸ் நிலைய பகுதியில் உள்ள ஒரு லாட்ஜில் நேற்று மதியம் ஒரு பயங்கரவாத கும்பல் துப்பாக்கிகளுடன் பதுங்கி இருப்பதாக போலீசாருக்கு தகவல் கிடைத்தது. இதையடுத்து போலீஸ் படையினர் 25-க்கும் மேற்பட்டோர் அங்கு துப்பாக்கிகளுடன் குவிந்தனர்.

அவர்கள் முதலில் லாட்ஜில் பயங்கரவாத கும்பல் எந்த அறைகளில் தங்கியிருக்கிறார்கள் என்பதை விசாரித்தனர். அப்போது அந்த கும்பல் 2 அறைகளில் தங்கியிருப்பது தெரியவந்தது. அதையடுத்து போலீசார் அந்த இரு அறைகளையும் சுற்றி வளைத்தனர்.

சுட்டுக்கொலை

உடனே இன்ஸ்பெக்டர் ஜெயச்சந்திரன் ஒரு அறையின் கதவை தட்டினார். அப்போது கதவை திறந்த பயங்கரவாத கும்பல் அங்கு போலீசார் நிற்பதை பார்த்து அதிர்ச்சியடைந்து போய் கதவை அடைக்க முயற்சித்தது. அந்த சமயம் இன்ஸ்பெக்டர் ஜெயச்சந்திரன் கதவை திறந்து சென்று அறையில் இருந்த 3 பேரை பிடிக்க முயன்றார்.

அந்த 3 பேரும் திடீரென இன்ஸ்பெக்டரை பாய்ந்து பிடித்து அவரது கழுத்தை நெரிக்க முயற்சித்தனர். இதைப் பார்த்ததும் அறையின் வெளியே துப்பாக்கிகளுடன் நின்றிருந்த போலீசார் பயங்கரவாத கும்பலை நோக்கி ஒரு ரவுண்டு சுட்டனர். இதில் பயங்கரவாத கும்பலை சேர்ந்த ஒருவனின் இடது கை பகுதியில் குண்டு பாய்ந்தது. அவன் ரத்த வெள்ளத்தில் சுருண்டு விழுந்தான். அவன் ஆஸ்பத்திரிக்கு கொண்டு செல்லும் வழியில் இறந்தான்.

3 பேர் கைது

அறையில் இருந்த மற்ற 2 பேரையும் போலீசார் துப்பாக்கி முனையில் கைது செய்தனர். இதற்கிடையே அருகில் இன்னொரு அறையில் இருந்த 2 பேரில் ஒருவன் போலீசாரை அரிவாளை காட்டி மிரட்டியபடி தப்பிச்சென்றுவிட்டான். மற்றொருவன் போலீஸ் பிடியில் சிக்கினான்.

போலீசாரால் சுட்டுக்கொல்லப்பட்டவனின் பெயர் சினோஜி (வயது 30). இவன் கேரள மாநிலம் பரளம் என்ற இடத்தை சேர்ந்தவன். இவன் கூலிப்படையாக செயல்பட்டவன் என்று விசாரணையில் தெரியவந்து உள்ளது.

கைதானவர்களில் ஒருவன் பெயர் மதுரை வரிச்சியூர் செல்வம் என்றும் மற்றொருவன் பெயர் பிஜ× என்றும், அவன் கேரளாவை சேர்ந்தவன் என்றும் தெரியவந்து உள்ளது. கைதான இன்னொருவனின் பெயரும், தப்பி ஓடியவனின் விபரங்களும் தெரியவில்லை.

கடத்தல் கும்பலை சேர்ந்தவர்கள்

போலீசாரால் சுற்றி வளைத்து கைது செய்யப்பட்ட இந்த கும்பல் கடத்தல் வழக்குகளில் சம்பந்தப்பட்டவர்கள் ஆவார்கள். ராமநாதபுரம் மாவட்டம் புகளூர் ஒன்றிய தி.மு.க. செயலாளர் கதிரவனை சில மாதங்களுக்கு முன்பு கடத்திச்சென்று மிரட்டி ரூ.11/2 லட்சம் பணம் மற்றும் நகைகளை பறித்து உள்ளனர்.

இந்த வழக்கு தொடர்பாக ராமநாதபுரம் மாவட்ட போலீசார் வரிச்சியூர் செல்வம் உள்ளிட்ட 5 பேர் மீது வழக்குப்பதிவு அவர்களை தேடி வந்தனர். இந்த நிலையில்தான் அவர்கள் 5 பேரும் திண்டுக்கல் லாட்ஜில் பதுங்கியிருந்தது பற்றி போலீசாருக்கு தகவல் கிடைத்து உள்ளது.

அதையடுத்து போலீசார் லாட்ஜில் துப்பாக்கி முனையில் அவர்களை கைது செய்து உள்ளனர். மக்கள் நடமாட்டம் மிகுந்த திண்டுக்கல் பஸ் நிலைய பகுதியில் போலீசார் பயங்கரவாதியை சுட்டுக்கொன்ற சம்பவம் பெரும் பரபரப்பை ஏற்படுத்தி உள்ளது.

தினதந்தி

சுடுறது இப்பல்லாம் சினிமா ஷூட்டிங் மாதிரி ஆயிப்போச்சு.

எங்கேப்பா மனித உரிமை கழகம் , சீக்கிரம் வாங்க நமக்கு பொழுது போக இன்னொரு வேலை வந்துடுச்சு

ஏற்கனவே நடந்த என்கவுன்ட்டர்கே விடை தெரியல அதற்குள் இனொன்றா

முன்பெல்லாம் குண்டுவெடிப்பு என்றாள் ஈரான் ஈராக் என்று இருந்தது பின் அப்படியே பாகிஸ்தான் டெல்லி மும்பை என்ன வந்து கடைசியில் திண்டுக்களுக்கே வந்துவிட்டது

கேசவன் wrote:முன்பெல்லாம் குண்டுவெடிப்பு என்றாள் ஈரான் ஈராக் என்று இருந்தது பின் அப்படியே பாகிஸ்தான் டெல்லி மும்பை என்ன வந்து கடைசியில் திண்டுக்களுக்கே வந்துவிட்டது

ஆம் கேசவன், முன்பு நம் தமிழகம் அமைதியான மாநிலம் என்ற பெயருடன் இருந்தது