ரூ.67 லட்சம் மோசடி இயக்குனர்கள் 2 பேர் கைது

by இரா.பகவதி Sun Mar 11, 2012 1:33 pm

சென்னை : திரைப்படம் இயக்கித் தருவதாக ரூ.67 லட்சம் பெற்றுக் கொண்டு மோசடி செய்த இயக்குனர்கள் பி.வி.பிரசாத், கிச்சா ஆகியோர் கைது செய்யப்பட்டுள்ளனர்.
தேனாம்பேட்டை முத்தையா தெருவை சேர்ந்தவர் நடிகர் தமிழ் குமரன். காதலில் விழுந்தேன் பட இயக்குனர் பி.வி.பிர சாத்தை தொடர்பு கொண்டு, தான் இயக்க திட்டமிட்ட படத்தை இயக்கும்படி கேட்டுக் கொண் டார். 2008ம் ஆண்டு முன் பணம் கொடுக்கப்பட்டது. ஆனால், பல்வேறு காரணங்களால் ஒப்பந்தம் போடும் பணி தள்ளிப்போனது.

இந்த நிலையில், தனக்கும் தமிழ்க் குமரனுக்கும் இடையே கருத்து வேறுபாடு ஏற்பட்டதாக கூறி படத்தை இயக்குனர் கிச்சாவை வைத்து தயாரிக்க வைத்தார் பி.வி.பிரசாத். வெளிவர உள்ள படத்திற்கான சென்னை உரிமையை தமிழ் குமரனுக்கு வழங்கப்பட்டது. பணத் தட்டுப்பாடு காரணமாக 2010ம் ஆண்டு தனியார் நிறுவனம் ஒன்றில் இருந்து கடன் பெற்றனர்.

அப்போது, தமிழ் குமரனுக்கு கொடுக்கப்பட்ட விநியோக உரிமை மறைக்கப்பட்டது. தனியார் நிறுவனத்தில் பணம் பெற்றும் படத்தை முடிக்க முடியாத காரணத்தால் மீண்டும் தமிழ் குமரனிடம் சேட்டிலேட் உரிமம் உள்பட அனைத்து உரிமை ¬யும் தருவதாக உறுதி அளிக்கப்பட்டது. அதேபோன்று மற்றொரு தனியார் நிறுவனத்திற்கும் சேட்டிலேட் உரிமம் அளிக்கப் பட்டது.

இதனை அறிந்த தமிழ்க்குமரன் பிரசாத்திடம் கேட் டார். அவர் கிச்சாவிடம் பெற்றுக் கொள்ளும்படி கூறினார். அதிர்ச்சி அடைந்த தமிழ்க்குமரன் சென்னை போலீஸ் கமிஷனர் திரிபாதியிடம் புகார் அளித்தார். உரிய நடவடிக்கை எடுக்க மத்திய குற்றப்பிரிவு போலீசாருக்கு கமிஷனர் திரிபாதி உத்தரவிட்டார். அதன்படி, இன்ஸ்பெக்டர் முத்துக்குமார் வழக்குப் பதிவு செய்து கிச்சா, பிரசாத் இருவர் மீதும் மோசடி வழக்கு பதிவு செய்தார். நேற்று மதியம் இருவரையும் விசாரணைக்காக சென்னை போலீஸ் கமிஷனர் அலுவலகத்திற்கு வரவழைத்தார்.

அவர்களிடம் நடத்திய விசாரணையில் ரூ.67 லட்சம் மோசடி செய்தது உறுதியானது. இதைத் தொடர்ந்து இருவரும் கைது செய்யப்பட்டனர். இருவரையும் 22ம் தேதிவரை நீதிமன்ற காவலில் வைக்க நீதிபதி உத்தரவிட்டார். அதைத் தொடர்ந்து கிச்சா, பிரசாத் இருவரும் புழல் சிறையில் அடைக்கப்பட்டனர்

thinakaran