ஒபாமா நிர்வாகத்தில் மேலும் 2 இந்தியர்கள்

இரா.பகவதி · இரா.பகவதி Sun Mar 11, 2012 2:43 am

முக்கிய பொறுப்புகளில் நியமனம்
ஒபாமா நிர்வாகத்தில் மேலும் 2 இந்தியர்கள்

வாஷிங்டன்: அமெரிக்காவின் வெள்ளை மாளிகையில் மேலும் 2 இந்தியர்களுக்கு முக்கிய பதவிகளை வழங்கி உள்ளார் அந்நாட்டு அதிபர் பாரக் ஒபாமா. ஒபாமா அதிபரானது முதலே அமெரிக்கவாழ் இந்தியர்களுக்கு முக்கிய பதவிகளை வழங்கி வருகிறார். பவுலா கங்கோபாத்யாயாவை புகழ்பெற்ற தேசிய அருங்காட்சியகம் மற்றும் நூலக சேவை வாரிய உறுப்பினராகவும், சன்னி ராமசாமியை தேசிய உணவு மற்றும் வேளாண் மை நிறுவனத்தின் இயக்குனராகவும் நியமித்துள்ளார். பவுலா இப்போது ஹென்றி போர்டு அருங்காட்சியகத்தில் தலைமை கல்வி அதிகாரியாக உள்ளார். இதற்கு முன்பு கல்வித் துறையில் பல்வேறு முக்கிய பொறுப்புகளை வகித்துள்ளார். ராமசாமி, ஓரேகான் ஸ்டேட் யுனிவர்சிட்டியின் வேளாண்மை அறிவியல் கல்லூரி முதல்வர் மற்றும் ஓரேகான் வேளாண்மை பரிசோதனை நிலையத்தின் இயக்குராக உள்ளார். இதுகுறித்து ஒபாமா கூறுகையில், பவுலா மற்றும் ராமசாமியை முக்கிய பொறுப்புகளில் நியமிப்பதில் பெருமை கொள்கிறேன். இவர்களுடன் இணைந்து பணியாற்றுவதற்கு மிகவும் ஆர்வமாக உள்ளேன். இவர்களின் திறமையும், அனுபவமும் அவரவர் சம்பந்தப்பட்ட நிறுவனத்தின் வளர்ச்சிக்கும் மிகவும் உறுதுணையாக இருக்கும் என்றார்.

thinakaran