அரசு செயலாளருக்கு அனுப்பிய பேக்ஸ் கடிதம் வெளியானதால் பரபரப்பு

by இரா.பகவதி Sun Mar 11, 2012 12:42 am

First topic message reminder :

பகுதி நேர ஆசிரியர் பணி நியமனத்தில் அதிமுகவினர் தலையீடு
அரசு செயலாளருக்கு அனுப்பிய பேக்ஸ் கடிதம் வெளியானதால் பரபரப்பு

அரசு செயலாளருக்கு அனுப்பிய பேக்ஸ் கடிதம் வெளியானதால் பரபரப்பு - Page 2 Tamil-Daily-News-Paper_46532404423

நாகர்கோவில் : அதிமுகவினரால் பரிந்துரைக்கப்பட்டவர்களுக்கு பகுதி நேர ஆசிரியர் பணியிடம் வழங்கப்பட்டுள்ளது என்பதை நிரூபிக்கும் வகையில் அரசு துறை செயலாளருக்கு அனுப்பி வைக்கப்பட்ட பேக்ஸ் நகல் வெளியாகி பரபரப்பை ஏற்படுத்தியுள்ளது. தமிழகத்தில் அனைவருக்கும் கல்வி இயக்ககம் சார்பில் சிறப்பாசிரியர்களை நியமிக்கவும், பகுதிநேர பணியாக அவற்றை நிரப்பவும் நடவடிக்கை எடுக்கப்பட்டது. உடற்கல்வி, ஓவியம், தையல், இசை, கம்ப்யூட்டர் உள்ளிட்ட சிறப்பாசிரியர் பிரிவுகளில் ஆசிரியர் பட்டய பயிற்சி முடித்தவர்கள் இந்த பணிக்கு விண்ணப்பிக்கலாம் என்று தெரிவிக்கப்பட்டிருந்தது. குமரி மாவட்டத்தில் மொத்தம் 283 பணியிடங்களுக்கு ஆட்கள் தேர்வு செய்யப்பட இருப்பதாக அறிவிக்கப்பட்டிருந்தது.

ஓவியம் 89, உடற்கல்வி 95 மற்றும் தொழிற்கல்வி பிரிவில் 99 பேரும் தேர்வு செய்யப்பட ஒவ்வொரு ஒன்றியத்திலும் உள்ள வட்டார வள மையங்களில் விண்ணப்பங்கள் விநியோகம் செய்யப்பட்டது. தொடர்ந்து நேர்முக தேர்வும் நடைபெற்றது. இந்நிலையில், திடீரென்று குமரி மாவட்டத்தில் 283 பேருக்கும் நியமன கடிதங்கள் கடந்த 2ம் தேதி ரகசியமாக அனுப்பி வைக்கப்பட்டுள்ளது. 7 நாட்களுக்குள் பணியில் சேரவேண்டும் என்றும் உத்தரவிடப்பட்டிருந்ததால் பலரும் பணியில் சேர்ந்துவிட்டனர்.

அதிமுகவினரால் பரிந்துரைக்கப்பட்டவர்களுக்கே பகுதிநேர ஆசிரியர் பணியிடங்கள் வழங்கப்பட்டுள்ளது என்ற குற்றச்சாட்டு எழுந்தது. இதற்கிடையே அரசு செயலாளருக்கு பரிந்துரை செய்யப்பட்ட பெயர்கள் அடங்கிய பேக்ஸ் தகவலுடன், அதில் பரிந்துரை செய்த அதிமுக முக்கிய புள்ளிகள் பலரது பெயரும் இடம் பெற்றுள்ள விபரமும் வெளியாகி பரபரப்பை ஏற்படுத்தியுள்ளது.

இதில் எம்எல்ஏக்கள், அரசு அதிகாரிகள், முன்னாள் அமைச்சர், நகர பொறுப்பாளர்கள், கான்ட்ராக்டர், அதிமுகவை தவிர இதர கட்சிகளை சேர்ந்த எம்எல்ஏ பெயரும் இடம்பெற்றுள்ளது. இந்த பட்டியலில் இடம்பெற்ற பகுதி நேர ஆசிரியர் பலருக்கும் வேலை கிடைத்துள்ளதாக கூறப்படுகிறது. அவர்களில் சிலரை தொடர்பு கொண்டபோது அவர்களுக்கு வேலை கிடைத்தது உறுதி செய்யப்பட்டுள்ளது.

பட்டியலில் வரிசை எண், பெயர், ஜாதி, கோடு எண், துறை என்று கம்ப்யூட்டரில் டைப் செய்யப்பட்டு, அருகே பரிந்துரைக்கப்பட்டவர்களின் பெயர்கள் உள்ளன. சென்னையில் உள்ள அரசு செயலாளர் ஒருவரது எண்ணுக்கு இந்த பட்டியல் பேக்ஸ் செய்யப்பட்டுள்ளது.

தினகரன்