ஆஸி.யில் பயங்கர மழை : வெள்ளத்தில் மூழ்கியது சிட்னி

by இரா.பகவதி Fri Mar 09, 2012 3:48 pm

சிட்னி: ஆஸ்திரேலியாவில் 5 ஆண்டுகளில் இல்லாத அளவுக்கு பயங்கர மழை பெய்துள்ளது. இதனால் சிட்னி நகரம் வெள்ளத்தில் தத்தளிக்கிறது.ஆஸ்திரேலியாவில் கடந்த 2007ம் ஆண்டு கன மழை பெய்தது. சூறாவளி காற்றில் மரங்கள் சாய்ந்தன. தகவல் தொடர்பு ஒயர்கள் அறுந்தன. பொதுமக்கள் கடுமையாக பாதிக்கப்பட்டனர். அதன்பின், நேற்று பயங்கர சூறாவளி காற்றுடன் மழை வெளுத்து வாங்கியது. இதில் நியூ சவுத் வேல்ஸ் பகுதி முழுவதும் வெள்ளத்தில் பாதிக்கப்பட்டுள்ளது. சிட்னி நகரில் எங்கு பார்த்தாலும் வெள்ளக்காடாக உள்ளது.

பெரிய பெரிய டிராக்டர்கள் எல்லாம் வெள்ளத்தில் மூழ்கி உள்ளன. சிட்னியில் மட்டும் 4.7 அங்குலம் அளவுக்கு மழை பதிவாகி உள்ளது என்று வானிலை ஆய்வு மைய அதிகாரிகள் கூறியுள்ளனர். கன மழை காரணமாக பஸ், ரயில் போக்குவரத்து முடங்கி உள்ளது. மின் தடை காரணமாக 2,000க்கும் அதிகமான வீடுகள் இருளில் மூழ்கி உள்ளன. மழை காரணமாக விமானங்களும் தாமதமாக இயக்கப்படுகின்றன.

சிட்னி துறைமுகத்தில் நிறுத்தி வைக்கப்பட்டிருந்த நூற்றுக்கணக்கான படகுகள் மூழ்கி உள்ளன. பல பகுதிகளில் உள்ள மக்கள் பாதுகாப்பான இடங்களுக்கு வெளியேற்றப்பட்டுள்ளனர். இதனால் மக்களின் இயல்பு வாழ்க்கை முற்றிலும் முடங்கி உள்ளது. கடும் மழை காரணமாக கோடிக்கணக்கில் ரூபாய் நஷ்டம் ஏற்பட்டுள்ளதாக அதிகாரிகள் தெரிவித்தனர். கடந்த ஆண்டு ஆஸ்திரேலியாவின் கிழக்கு பகுதியில் கனமழைக்கு 30 பேர் பலியானது குறிப்பிடத்தக்கது.

thinakaran

by யினியவன் Fri Mar 09, 2012 3:55 pm

இயற்கைக்கு மாறாக நாம் செயல்பட
நமக்கு மாறாக இயற்கை செயல்படுது.

வெள்ளத்தில் மூழ்குது சிட்னி
சட்னியில் மூழ்குது இட்லி - பசிக்குதே.

by இரா.பகவதி Fri Mar 09, 2012 4:04 pm

வெள்ளத்தில் மூழ்குது சிட்னி
சட்னியில் மூழ்குது இட்லி - பசிக்குதே.

குருவே வீட்டுல மதிய சாப்பாடு போடல போல தெரியுது

by **சிவா** Fri Mar 09, 2012 6:14 pm

சுருக்கமா சொல்லனும்னா, 'சிட்னி சட்னியாகிப் போச்சுன்னு சொல்லுங்க!

by **Manik** Fri Mar 09, 2012 6:59 pm

சிட்னி நகர் பாவம்..........

ஆஸ்ட்ரேலியா கிழக்குக் கடற்கரை பகுதிக்கு இது மான்சூன் காலம். typhoon என்று சொல்லப்படும் சூறாவளி காற்று பயங்கரமாக இருக்கும். The Great Australian Alps என்று சொல்லப்படும் மலைத்தொடருக்கு கீழ் உள்ள பகுதிகள் அதிக பாதிப்புக்கு உள்ளாகும். இது எப்போதும் நடப்பதுதான். இந்த முறை சற்று கூடுதல். அவ்வளவுதான்.

by Sponsored content

ஆஸி.யில் பயங்கர மழை : வெள்ளத்தில் மூழ்கியது சிட்னி

ஆஸி.யில் பயங்கர மழை : வெள்ளத்தில் மூழ்கியது சிட்னி

Re: ஆஸி.யில் பயங்கர மழை : வெள்ளத்தில் மூழ்கியது சிட்னி

Re: ஆஸி.யில் பயங்கர மழை : வெள்ளத்தில் மூழ்கியது சிட்னி

Re: ஆஸி.யில் பயங்கர மழை : வெள்ளத்தில் மூழ்கியது சிட்னி

Re: ஆஸி.யில் பயங்கர மழை : வெள்ளத்தில் மூழ்கியது சிட்னி

Re: ஆஸி.யில் பயங்கர மழை : வெள்ளத்தில் மூழ்கியது சிட்னி

Re: ஆஸி.யில் பயங்கர மழை : வெள்ளத்தில் மூழ்கியது சிட்னி