நண்பர்களே எனக்காக கொஞ்சம் பிரார்த்தனை செய்யுங்கள் ....

by சாந்தன் Fri Mar 09, 2012 11:04 am

First topic message reminder :

கடந்த இரண்டு வாரமாக உடல்நிலை பாதிக்கபட்டுள்ளது... என்னவென்று சொல்லமுடியாத மன அமைதியின்மை ...
எப்போதும் இல்லாமல் பேச்சில் ஒரு நெகட்டிவ் தாட் ... அதிக கோபம் ... ஏன் என்று தெரியவில்லை ...
எனக்காக கொஞ்சம் பிரார்த்தியுங்கள் நண்பர்களே ...
தியானம் பற்றிய விளக்க உரை மற்றும் காணொளி இருந்தால் கொடுக்கவும் ...
நன்றி

by **சிவா** Fri Mar 09, 2012 6:06 pm

மன அமைதிக்கு மனம் விட்டுப் பேசுவதே சிறந்த வழி!

தனிமையைத் தவிர்த்து, இனிமையானவர்களுடன் மனம் விட்டுப் பேசுங்கள்! அனைத்தும் சரியாகும்!

வடிவேலு ஜோக்குகள் தொடர்ந்து ஒரு அரை மணி நேரம் பாருங்கள். நல்ல விளைவுகளை உணர்வீர்கள். நான் சொல்வது முற்றிலும் உண்மை. முயற்ச்சி செய்து பாருங்கள். நான் அதிக வேலை காரணமாக மன பாரத்துடன் வீடு வருவேன். சிரிப்பொலி, ஆதித்யா போன்ற சேனல்கள் பார்ப்பேன். விரைவில் மனம் ரிலாக்ஸ் ஆகிவிடும். புன்னகை

முயலுங்கள். நீங்களே எனக்கு தனிமடல் அனுப்புவீர்கள் பாருங்களேன். மகிழ்ச்சி

by nandhtiha Fri Mar 09, 2012 7:51 pm

அன்புச் சகோதரருக்கு
வணக்கம்
எனக்கு நேர்ந்த இன்னல்கள் பல. நான் பல மஹான்களைச்சந்தித்தேன், ஆனால் கடைசியில் ஒரு எளிய மனிதர் பொறுமையாக என் இன்னல்களைக் கேள்விப் பட்டுப் பிராணாயாமத்தால் மனத் துயரங்களை நீக்கிக் கொள்ளலாம் என்றார்,
அவர் கூறிய யோக சூத்திரம்
ப்ரச்சர்த்தன விதாரணாப்யாம் வா ப்ராணஸ்ய
அவர் அந்தணர் அல்லர்,
இதன் பொருள் ரேசக பூரக கும்பகங்களால் மனம் ஒரு நிலைப் படும். என்று விளக்கமாக எடுத்துரைத்தார், அதனை விரிவாக எழுத வேண்டும். சுருக்கமாகக் கூறுகிறேன், மூச்சை உள்ளிழுக்கும் போது ஹம் என்று மனதுக்குள் நினைக்க வேண்டும், மூச்சை உள்ளிருத்தும் போது நமசிவாய என்று மானசிகமாக எண்ண வேண்டும் மூச்சை வெளி விடும் போது ஸ: என்று கூற வேண்டும், மீண்டும் வெளியில் மூச்சை நிறுத்திப் பஞ்சாட்சரத்தை நினைக்க வேண்டும்
தாங்கள் இந்த மந்திரத்தைத் தான் சொல்ல வேண்டும் என்பதில்லை, நீங்கள் ஆத்திகராயிருந்தால் உங்கள் இஷ்ட தெய்வத்தை நினைத்துக் கொள்ளலாம் இல்லாவிட்டால் உங்கள் தாய் தந்தையரை நினைத்துக் கொள்ளலாம்,
நான் அடைந்த பலன் அளவிட முடியாதது
இதனைத் தள்ளுவதும் கொள்ளுவதும் தங்கள் விருப்பம்
என்றும் மாறா அன்புடன்
நந்திதா

by அன்பு தளபதி Fri Mar 09, 2012 8:05 pm

இதர்க்காண மந்திர ஒளிநாடா என்னிடம் ஊள்ளது அக்கா ஆனால் அதில் ஸோ என முதலில் ஹாம் என பின் வரும் இதன் அர்த்தம் நானே அது என ஒருவர் சொன்னார், 108 முறை தொடர்ச்சியாக மூச்சு பயிற்ச்சி செய்ய எளிதாக இருக்கும்

by nandhtiha Fri Mar 09, 2012 8:22 pm

அன்புள்ள இளவலுக்கு
வணக்கம்
ஸோ அஹம் என்று சிலர் கூறுவார்கள், அதனை மறுத்துச் சில தர்க்கவாதிகள் சில வாதங்களை முன் வைத்திருக்கின்றனர், ஹம் ஸ: என்பது விவாதத்திற்கு அப்பாற்பட்டதாக இருக்கிறது, ஹம்சம் என்றால் அன்னம்
முற்றும் துறந்த துறவிகளுக்கு பரம ஹம்ஸ: என்ற அடை மொழி இதனால் தான் வந்தது, வேண்டுமானால் தனி மடலில் தங்களுக்கு அனுப்புகிறேன்,
அன்னத்தின் தனித் தன்மை பற்றி விளக்க வேண்டும்
என்றும் மாறா அன்புடன்
நந்திதா

by அன்பு தளபதி Fri Mar 09, 2012 8:29 pm

நிச்சயமாக எதிர்பார்க்கிறேன் அக்கா

by மகா பிரபு Fri Mar 09, 2012 8:38 pm

கடவுள் என்றும் உங்களுக்கு அருள் புரிவார்.

by சாந்தன் Mon Mar 12, 2012 9:05 am

எனக்காக பிரார்த்தனை செய்த ஆலோசனை வழங்கிய அனைத்து அன்பு உள்ளங்களுக்கும் மிக்க நன்றி ...

by அசுரன் Mon Mar 12, 2012 9:22 am

நண்பர் மானிக் உங்களுக்கு அனுப்பிய ரசவாதம் மிக அருமை, எனக்கும் பயனுள்ளதாக இருந்தது சாந்தன். நீங்கள் செய்யவேன்டியது எல்லாம் அதுவே எங்கு உங்கள் நிம்மதி தொலைந்ததோ அங்கே தான் அதை தேடி கண்டடைய வேன்டும். அநேகமாக நீங்க சரியாகியிருப்பீங்கன்னு நம்புகிறேன். புன்னகை

by உதயசுதா Mon Mar 12, 2012 11:02 am

அடடா இத நான் பார்க்கவே இல்லையே.இந்த சூழ்நிலை எல்லாருக்கும் வருவதுதான். நானும் கொஞ்ச நாள் முன்னாடி இந்த மாதிரி இருந்து மீண்டு வந்து இருக்கேன். சுந்தர்ராஜ் ஐயா சொன்ன மாதிரி காமெடி நிகழ்ச்சிகளை பாருங்க.

உங்களுக்கான பிரார்த்தனைகள் என்றும் உண்டு