பூனை சாப்பிட்ட பின்னர் முகம் துடைப்பது ஏன்?

by **சிவா** Thu Mar 08, 2012 5:57 pm

பல ஆண்டுகளுக்கு முன்னர், ஒரு சிட்டுக் குருவி, நெற்கதிர்களுடன் கூடிய வயலுக்குப் பறந்து சென்று, அங்குள்ள தானியங்களைப் பொறுக்கித் தின்னத் தொடங்கியது.

அந்த சமயம் அதன் அருகில் படுத்திருந்த பூனை, சிட்டுக்குருவி தானியம் பொறுக்கும்போது ஏற்படுத்திய சப்தத்தைக் கேட்டு விழித்து எழுந்தது. அது சிட்டுக் குருவியைக் கண்டதும், ஒரே தாவு தாவி அதைத் பிடித்தது. ஆனால், சிட்டுக் குருவியின் வால் மட்டும் பூனையின் வாயில் சிக்கியது.

பூனை சிட்டுக் குருவியை விழுங்க முயன்ற போது, ""ஐயா உயர்குலத்தோர் சாப்பிடுவதற்கு முன்னர், தங்கள் முகம், வாய் முதலியவற்றைச் சுத்தம் செய்து கொண்டு பின்னரே சாப்பிடுவார்கள்,'' என்று சிட்டுக்குருவி கூறியது.

அதன் வார்த்தையை கேட்ட பூனை, உடனே சிட்டுக்குருவியைக் கீழே போட்டு விட்டு, தனது முகத்தையும், வாயையும் கழுவத் தொடங்கியது. கீழே விழுந்த சிட்டுக் குருவி, தனது இறக்கைக ளை விரித்து, உடனே பறந்து சென்று விட்டது.

சிட்டுக்குருவி தன்னை ஏமாற்றிவிட்டது என்று உணர்ந்த பூனை, இது மாதிரியான நிகழ்ச்சி இனி என்றும் நடைபெறக் கூடாது என்று தீர்மானம் செய்து கொண்டது. தன்னுடைய பிள்ளைகளுக்கு சாப்பிட்ட பின்னர் முகம் துடைக்கும் பழக்கத்தை சொல்லிக் கொடுத்தது.

அன்றைய தினத்திலிருந்து பூனைகள் தங்கள் சாப்பாட்டிற்குப் பின்னர் தங்கள் முகத்தைச் சுத்தப்படுத்திக் கொள்ளத் தொடங்கி விட்டன.

சிறுவர் மலர்

by பாலாஜி Thu Mar 08, 2012 5:58 pm

நல்ல கதை , தாங்க்ஸ் அங்கிள் ..

by **சிவா** Thu Mar 08, 2012 6:06 pm

வை.பாலாஜி wrote:நல்ல கதை , தாங்க்ஸ் அங்கிள் ..

வயதான காலத்திலும் இவைகளை நீங்கள் படிக்கிறீர்களா? என்ன கொடுமை சார் இது

by **மாணிக்கம் நடேசன்** Thu Mar 08, 2012 6:08 pm

யாரும் டவள் கொடுக்கல அதான்.

by sinthiyarasu Thu Mar 08, 2012 7:56 pm

நீண்ட நாட்களுக்குப் பின் ஒரு சிறுவர் கதையைப் படித்தது மகிழ்ச்சி

பகிர்வுக்கு நன்றி.

நல்ல கதை...இவ்வளவு நாட்களாக இந்த சிறுவர்கள் பக்கத்துக்கு நான் வரவே இல்லை. நன்றி சிவா. மகிழ்ச்சி

by **Manik** Fri Mar 09, 2012 8:15 am

என்னமா ஏமாத்துறாங்க............ ஏமாத்துற குணமும் ஏமாறும் குணமும் விலங்குகளிடம் கூட உண்டு என்பதை இப்போது தான் அறிகிறேன்.......... நன்றி அண்ணா பகிர்ந்தமைக்கு சூப்பருங்க