மாவட்டத் தலைநகர் ஆகுமா மயிலாடுதுறை?

‘ஆயிரம் ஆனாலும் மாயூரம் ஆகாது’ என்ற பழம் பெரும் பெருமையைப் பெற்றது மயிலாடுதுறை.

மாயூரம், மாயவரம் என்றெல்லாம் அழைக்கப்படும் மயிலாடுதுறை ஒன்றிணைந்த தஞ்சை மாவட்டத்தில் குறிப்பிடத்தக்க பெரிய நகரம். ‘மாயூரம்’ வேதநாயகம் பிள்ளை, ‘கல்கி’ கிருஷ்ண்மூர்த்தி, டி. ராஜேந்தர், தி.மு.க. பொருளாளர் அன்பழகன், ‘அன்பாலயா’ பிரபாகரன் என்று பல்துறை பிரபலங்கள் வாழ்ந்த ஊர் இது.

எம்.ஜி.ஆர். ஆட்சிக்காலத்தில் ‘மயிலாடுதுறை’ என்று பெயர் மாற்றம் செய்யப்பட்ட போதே, ’மயிலாடுதுறையைத் தலைநகர் ஆக்கி புதிய மாவட்டம் உருவாக்க வேண்டும்’ என்ற கோரிக்கை எழுப்பப்பட்டது. ஒன்றிணைந்த தஞ்சை மாவட்டம் மிகப் பெரியது. எனவே கடைக்கோடி வேதாரணியத்திலிருந்தோ, நாகையிலிருந்தோ மக்கள் மாவட்டத் தலைநகர் தஞ்சைக்கு வர வேண்டும் என்றால் பல மணி நேரங்கள் ஆகும் என்பதும் காரணம். துரதிர்ஷ்டவசமாக எம்.ஜி.ஆர். மறைந்தார். அதன் பிறகும் இதே கோரிக்கை பல முறை எழுப்பப்பட்டது.

1991-ம் ஆண்டு ஜெயலலிதா தலைமையில் அ.தி.மு.க. அரசு ஆட்சியைப் பிடித்த போது தஞ்சை மாவட்டம் இரண்டாகப் பிரிக்கப்பட்டது. ஆனால் நாகப்பட்டினத்துக்கு தான் மாவட்ட தலைநகர் அந்தஸ்த்து கிடைத்தது. மாவட்ட ஆட்சியர் அலுவலகத்துக்கு ஒழுங்கான இடம் கூட இல்லாத நிலையில் நாகப்பட்டினம் காயிதே மில்லத் மாவட்டம் உருவாக்கப்பட்டு மயிலாடுதுறை அதில் இணைக்கப்பட்டது.

பிறகு வந்த தி.மு.க. அரசின் போது மீண்டும் ஒரு முறை ஒன்றிணைந்த தஞ்சை மாவட்டம் மூன்றாகப் பிரிக்கப்பட்டது. தஞ்சை, நாகை, திருவாரூர் என மூன்று மாவட்டங்களானது.

தி.மு.க. தலைவர் மு.கருணாநிதி பிறந்த ஊர் என்பதினால் திருவாரூருக்கு மாவட்டத் தலைநகர் அந்தஸ்து கிடைத்தது.

ஆக, இரண்டு பெரிய கட்சிகளுமே மயிலாடுதுறையை மாற்றாந்தாய் மனப்பான்மையோடு தான் பார்த்து வருகின்றன.

எம்.ஜி.ஆர். ஆட்சிக் காலத்தில் திமுக கோட்டையாக விளங்கியது மயிலாடுதுறை. பிறகு எம்.பி. ஆகட்டும், எம்.எல்.ஏ. ஆகட்டும் தோழமைக் கட்சிகளுக்கே கிடைக்கின்றன. காங்கிரஸ், பாஜக, தேமுதிக என எம்.பி., எம்.எல்.ஏ.க்கள் கிடைக்கிறார்கள். இதுவும் மாற்றாந்தாய் மனப்பான்மைக்கு ஒரு காரணமாக இருக்கலாம்.

பேருந்து நிலையம் வேண்டும் என்ற இருபதாண்டு கோரிக்கையும் இது வரை சீண்டுவாரில்லை. மீட்டர் கேஜ் ரயில் பாதை அகலப் பாதையாக மாற்றியும் பல மாதங்கள் ரயில் விடாமல் தாமதம் செய்தார்கள். அப்போது பாரதிய ஜனதாக் கட்சியின் தேசிய செயற்குழு உறுப்பினர் வக்கீல் ராஜேந்திரன் வழக்குத் தொடர்ந்து ‘உடனடியாக ரயில் போக்குவரத்தைத் துவங்குங்கள்’ என்று உத்தரவு பெற்றார். அந்தக் கோபத்தினாலோ என்னவோ, இன்று வரை மயிலாடுதுறையிலிருந்து சென்னைக்குச் செல்லும் பகல் நேர ரயில் வண்டியில் ஸ்லீப்பர் கோச் டிக்கெட் தொகை கொடுத்து தான் மக்கள் பயணம் செய்ய வேண்டிய துர்பாக்கிய நிலை. பழி வாங்குகிறதாம் ரயில்வே!

மாநில அரசிடமும் பலமுறை அனைத்து கோரிக்கைகளையும் வைத்தும் கண்டு கொள்ளவே இல்லை.

இப்போது அதே பாரதிய ஜனதா வழக்கறிஞர் ராஜேந்திரன், “மயிலாடுதுறையை மாவட்டத் தலைநகராக ஆக்க வேண்டும்” என்ற கோரிக்கையை உயர் நீதிமன்றத்தில் பொது நல வழக்காகத் தொடர்ந்துள்ளார். இன்றைக்கு இது விசாரணைக்கு ஏற்றுக் கொள்ளப்பட்டிருக்கிறது.

கண்டிப்பாக நல்லதொரு தீர்ப்பு வரும் என்று நம்புகிறார்கள் மயிலாடுதுறைவாசிகள்.

எங்க ஊருக்காக குரல் கொடுத்த உங்களுக்கு

அய்யா அது எனக்கும் ஊருயா

valluvanraja wrote:அய்யா அது எனக்கும் ஊருயா

அப்படியா வணக்கம் நலமா

வணக்கம் நலம் நலமறிய ஆவல்

valluvanraja wrote:வணக்கம் நலம் நலமறிய ஆவல்

நலம் மயிலாடுதுறையில் எந்த பகுதி

5 நெ. புதுதெரு .பெரியகோவில் நீங்கள்

valluvanraja wrote:5 நெ. புதுதெரு .பெரியகோவில் நீங்கள்

நானும் அதே தெருதான்

அப்படியா ரொம்ப மகிழ்சி

valluvanraja wrote:அப்படியா ரொம்ப மகிழ்சி

எனக்கும் மகிழ்ச்சி நம்ம ஊர் காரர் இப்போ தெருக்காரர் ஆகியாச்சு சரி நண்பரே நாளை சந்திப்போம்