2016ல் வன்னியர் ஆட்சி மலர்வதை எந்த கொம்பனாலும் தடுக்க முடியாது': ராமதாஸ்

by **சிவா** Tue 06 Mar 2012, 12:40

First topic message reminder :

செஞ்சி: ""தமிழகத்தில் வரும் 2016ல் வன்னியர் ஆட்சி மலரும்; அதை எந்த கொம்பனாலும் தடுக்க முடியாது,'' என, பா.ம.க., நிறுவனர் ராமதாஸ் கூறினார்.

விழுப்புரம் மாவட்டம் செஞ்சியில் நடந்த திருமண விழாவில் அவர் பேசியதாவது:

வன்னியர்கள் தி.மு.க., - அ.தி.மு.க., பின்னால் இருக்க கூடாது. இந்த கட்சிகளை வேர் அறுக்க வேண்டும். 2016ல், வன்னியர் ஆட்சியை ஏற்படுத்த வேண்டும். ஓட்டுப் போடும் ஜென்மங்களாக நம்மை வைத்திருந்தது போதும். நாம் வாழ குலக்கொடியை உயர்த்தி பிடிப்போம். அதுவரை உறக்கம் இல்லை; ஓய்வு இல்லை. 15, 18 வயதுடைய எல்லோரும் மாமல்லபுரம் வர வேண்டும். பா.ம.க.,வில் சேர்ந்து மாம்பழம் சின்னத்திற்கு ஓட்டு போட வேண்டும்.எங்களுக்கு வேறு யாரும் தலைவர்கள் கிடையாது. எங்கள் சமுதாயத்தை சேர்ந்தவர்கள் தான் தலைவர்களாக இருக்க முடியும். திராவிட கட்சிகள் இலவசத்தையும், சினிமாவையும், சாராயக் கடையையும் தான் தந்தனர். கழகங்களின் மாய்மாலம் இனி மேலும் செல்லாது.

நான்கு ஆட்டு குட்டியை கொடுத்து வளர்த்து கொள்ள சொன்னால், அது வளர்ந்து உடனே நகைக் கடையும், துணிக் கடையும், ஓட்டலும் நடத்தும் அளவிற்கு உயர்ந்து விடுவர் என ஏமாற்றுகின்றனர்.1980களில் வன்னியர்கள் கண்ணை மூடிக்கொண்டு வந்ததை போல், இப்போது தி.மு.க., - அ.தி.மு.க.,வை விட்டு, என் பின்னால் வர வேண்டிய நேரம் வந்து விட்டது.எல்லோரும் ஓடி வாருங்கள்; 2016ல் கழகங்களை மூட்டை கட்டி போடப் போகிறோம். அவர்களை வீட்டுக்கு அனுப்ப போகிறோம். புதிய அத்தியாயம், புதிய அரசியல், புதிய பாதை, புதிய நம்பிக்கையை வன்னியர்களுக்கு மட்டும் அல்லாமல் தமிழக மக்களுக்கும் சொல்கிறோம். மானம், ரோஷம், சூடு, சொரணை அதிகம் உள்ளவர்கள் யார்? நீங்களே பதில் சொல்லுங்கள். இவர்கள் எல்லாம் மற்ற கட்சியிலா இருக்க வேண்டும்.

ஒருங்கிணைந்த தென் ஆற்காடு மாவட்டமாக இருந்த போது நெல்லிக்குப்பம் கிருஷ்ணமூர்த்தியும், உங்கள் ஊர்காரரும் (செஞ்சியார்) சந்து பொந்து, மூளை முடுக்கெல்லாம் சென்று தி.மு.க.,வை வளர்த்தனர்.இப்போது விழுப்புரத்தில் ஒருவன் கேட்கிறான் (பொன்முடியை மறைமுகமாக குறிப்பிட்டு) உங்கள் ஊர்காரரை யார் என்று? அவர் யார் என்பதை நீங்கள் தான் ஞபாகப்படுத்த வேண்டும்.அடுத்தவர்களின் கொடியை பிடித்ததால் கோழைகளாக மாற்றப்பட்டோம். இப்போது நம்மை வெளிக்காட்ட வேண்டிய நேரம் வந்து விட்டது. இதுவரை தமிழகத்தில் 30 முதல்வர்கள் இருந்தனர். 10 நாள் கூட ஒரு வன்னியர் முதல்வராக இருந்ததில்லை.

இதுவரை வன்னியர்களுக்கு கழகங்களில் என்ன பதவியை கொடுத்தனர்; ஒன்றிய செயலர், சேர்மன், கவுன்சிலர், கிளை செயலர் பதவியைத் தவிர எதையும் கொடுக்கவில்லை. இதையெல்லாம் நான் வயிற்றெரிச்சலில் சொல்லவில்லை. 2016ல் வன்னியர் ஆட்சி மலரும்; அதை எந்த கொம்பனாலும் தடுக்க முடியாது. இதை நோக்கி நம் பயணம் தொடரட்டும். இவ்வாறு ராமதாஸ் பேசினார்.

தினமலர்

கொலவெறி wrote:
இரா.பகவதி wrote:கொலவெறி அண்ணா அது என்ன கேசு
இவரு ஜாதிக் கட்சி ஆரம்பிச்ச புதுசுல
விழுப்புரம், பண்ருட்டி இந்த ஏரியால சாலை ஓரம்
இருந்த ஆயிரக் கணக்கான மரங்களை வெட்டி வீழ்த்தினார்
வன்னியர்களுக்கு எதிரான அரசின் கொள்கைகளை எதிர்த்து.

அப்ப இவனுகளுக்கெல்லாம் ''மரம் வெட்டிகள்'' என்றுதான் பேர் சோகம்

by **பிளேடு பக்கிரி** Tue 06 Mar 2012, 17:09

கொஞ்ச நாளா எங்க தலையை காணலைன்னு நான் கவலை பட்டுட்டு இருந்தேன்.. திரும்ப வந்திட்டாருப்பா.. இனி காமெடிக்கு பஞ்சமே இருக்காது
சிரி சிரி

by kavimuki Tue 06 Mar 2012, 18:25

மலரும் அது உண்மைதான் / ஆனால் அவருடைய கனவில்.....

உழக்கூட தெரியாதவன் கலா அக்கா மகளைதான் கட்டுவேணு அடம்பிடுச்ச மாதிரி இருக்கு சிரி

by **ராஜா** Tue 06 Mar 2012, 18:29

kavimuki wrote:உழக்கூட தெரியாதவன் கலா அக்கா மகளைதான் கட்டுவேணு அடம்பிடுச்ச மாதிரி இருக்கு

என்ன இது ? இந்த பழமொழிக்கு விளக்கம் கொடுங்களேன் , நாங்களும் தெரிந்துகொள்கிறோம்

by **சிவா** Tue 06 Mar 2012, 18:36

ராஜா wrote:
kavimuki wrote:உழக்கூட தெரியாதவன் கலா அக்கா மகளைதான் கட்டுவேணு அடம்பிடுச்ச மாதிரி இருக்கு
என்ன இது ? இந்த பழமொழிக்கு விளக்கம் கொடுங்களேன் , நாங்களும் தெரிந்துகொள்கிறோம்

அவங்க அக்கா பெயர் கலா, அவர்கள் மகளை இவர் திருமணம் செய்ய இருந்தாராம், அதைத்தான் கூறுகிறார்!

by யினியவன் Tue 06 Mar 2012, 18:37

சிவா wrote:
ராஜா wrote:
kavimuki wrote:உழக்கூட தெரியாதவன் கலா அக்கா மகளைதான் கட்டுவேணு அடம்பிடுச்ச மாதிரி இருக்கு
என்ன இது ? இந்த பழமொழிக்கு விளக்கம் கொடுங்களேன் , நாங்களும் தெரிந்துகொள்கிறோம்

அவங்க அக்கா பெயர் கலா, அவர்கள் மகளை இவர் திருமணம் செய்ய இருந்தாராம், அதைத்தான் கூறுகிறார்!

உங்க (உ)டான்ஸ் மாஸ்டர் கலாவா இருக்குமோ?

by **சிவா** Tue 06 Mar 2012, 18:41

ஒரு சில இனங்களில் (எனக்குத் தெரிந்து தேவர் இனத்தில்) தன் அக்கா மகளைத் திருமணம் செய்ய மாட்டார்கள், சில சோம்பேறிகளைப் பற்றி அவர்கள் பேசும் பொழுது நடந்து போய் பெண் தேட சிரமப்பட்டு அக்கா மகளைக் கல்யாணம் செய்ய முடிவெடுத்த கதையாக உள்ளது எனக் கூறுவார்கள்.

அவ்வாறு ஏதேனும் அர்த்தத்தில் கூறியுள்ளார் போலும்.

by **ராஜா** Tue 06 Mar 2012, 18:50

சிவா wrote:ஒரு சில இனங்களில் (எனக்குத் தெரிந்து தேவர் இனத்தில்) தன் அக்கா மகளைத் திருமணம் செய்ய மாட்டார்கள், சில சோம்பேறிகளைப் பற்றி அவர்கள் பேசும் பொழுது நடந்து போய் பெண் தேட சிரமப்பட்டு அக்கா மகளைக் கல்யாணம் செய்ய முடிவெடுத்த கதையாக உள்ளது எனக் கூறுவார்கள்.அவ்வாறு ஏதேனும் அர்த்தத்தில் கூறியுள்ளார் போலும்.

எங்கள் ஊர் பக்கம் " நடக்க சோம்பேறி சித்தப்பன் வீட்டில் பெண் கேட்டானாம் " என்று கூறுவார்கள் அது போல இதுவும் இருக்கும் போல

by **சிவா** Tue 06 Mar 2012, 18:52

ராஜா wrote:
சிவா wrote:ஒரு சில இனங்களில் (எனக்குத் தெரிந்து தேவர் இனத்தில்) தன் அக்கா மகளைத் திருமணம் செய்ய மாட்டார்கள், சில சோம்பேறிகளைப் பற்றி அவர்கள் பேசும் பொழுது நடந்து போய் பெண் தேட சிரமப்பட்டு அக்கா மகளைக் கல்யாணம் செய்ய முடிவெடுத்த கதையாக உள்ளது எனக் கூறுவார்கள்.அவ்வாறு ஏதேனும் அர்த்தத்தில் கூறியுள்ளார் போலும்.
எங்கள் ஊர் பக்கம் " நடக்க சோம்பேறி சித்தப்பன் வீட்டில் பெண் கேட்டானாம் " என்று கூறுவார்கள் அது போல இதுவும் இருக்கும் போல

இப்ப நான் சொன்னது சரியா தவறா? ஏன்னா நீங்க சொல்றதுதான் சரின்னு நினைக்கிறேன். நான் சொல்ற பழமொழியும் இருக்கு, ஆனால் அதை எப்படிக் கூறுவார்கள் என்பதை மறந்திவிட்டேன்.

(பாவம் அவரும் குழம்பிட்டாருன்னு நினைக்கிறேண்)