ஐந்து மாநில சட்டசபைத் தேர்தல் செய்திகள்

தேர்தல் முடிவுகள்: உ.பி.,யில் முலாயம்சிங் கட்சி முன்னிலை- பஞ்சாப்-பா.ஜ., கூட்டணி ஆட்சி !

புதுடில்லி: இந்தியாவின் மினி பொதுத்தேர்தல் என்றழைக்கப்படும் 5 மாநில தேர்தல் முடிவுகள் வெளி வந்த வண்ணம் உள்ளது. இதில் உ.பி., யில் முலாயம்சிங் கட்சி ஆட்சி அமைக்கும் என்ற நிலை உருவாகியிருக்கிறது. மணிப்பூர், பஞ்சாப், உத்தரகண்ட், கோவா மாநிலங்களின் சட்டசபை தேர்தலில் பதிவான ஓட்டுக்கள் எண்ணிக்கை இன்று காலை 8 மணிக்கு துவங்கியது. தற்போது முன்னிலை விவரம் வந்த வண்ணம் உள்ளது.

ஓட்டு எண்ணிக்கை துவங்கியது முதல் உ .பி.,மாநிலத்தில் ஆளும் கட்சியான பகுஜன்கட்சி மிக ?( ( மாயாவதி ) குறைந்த இடங்களில் முன்னிலை பெற்று வருகிறது. முலாயம் சிங் யாதவ் தலைமையிலான சமாஜ்வாடி கட்சி 195 க்கும் மேற்பட்ட இடங்களில் முன்னிலை வகித்து வருகிறது. ஆளும் மாயாவதி கட்சி ( 100இடங்கள் முன்னிலை ) , பா.ஜ., 49 இடங்களில் முன்னிலை, காங்கிரஸ் கட்சி 50 இடங்களில் முன்னிலை வகிக்கிறது.

பஞ்சாப் மாநில நிலவரம்: பஞ்சாபில் ஆளும் சிரோன்மணி அகாலிதளமும் பா.ஜ., கூட்டணியுமான கட்சிகள் ( 62 இடங்கள் முன்னிலை ) , 2 வது இடத்தில் காங்கிரசும் ( 52 இடங்களில் முன்னிலை ) இருந்து வருகிறது. மணிப்பூரில் ஆளும் காங்கிரஸ் கட்சி முன்னிலை ( 24 இடங்கள்) பெற்று வருகிறது. உத்ரகண்டில் காங்கிரசும் ( 30 இடங்கள் முன்னிலை ) , பாஜ,,வும் ( 29 இடங்களில் முன்னிலை ) மிக நெருங்கிய நிலையில் முன்னேறி வருகிறது. கோவாவில் காங்கிரஸ் ( 5 இடங்கள் முன்னிலை) பா.ஜ.,( 12 இடங்கள் முன்னிலை ) பெற்று வருகிறது.

யார் யார் பதவியை பறி கொடுக்கின்றனர், யார் ஆட்சியை பிடிக்கப்போகின்றனர் என்பது பற்றி இன்று மதியத்திற்குள் தெரிந்து விடும். இந்த முடிவுகளை உடனுக்குடன் காலை 8 மணி முதல் தினமலர் இணையதளம் மூலம் வாசகர்கள் தெரிந்து கொள்ளலாம்.

உ.பி.,மாநில நிலவரம் : ஐந்து மாநில தேர்தல்களில் உ.பி., சட்டசபைக்கு நடந்து முடிந்த தேர்தல் இந்தியா முழுவதும் பெரும் எதிர்பார்ப்பை ஏற்படுத்தியிருக்கிறது. யார் ஆட்சியை பிடிப்பார்கள் என்ற எதிர்பார்ப்பு அனைத்து கட்சிகளிடமும் ஏற்பட்டுள்ளது. இதன் தாக்கம் மத்தியிலும் எதிரொலிக்கலாம் என அனைவரும் எதிர்பார்க்கப்படுகின்றனர். மொத்தமுள்ள 403 தொகுதிகளுக்கு 7 கட்டங்களாக நடந்தது. பிப்ரவரி 8,11,15,19,23,28 மற்றும் மார்ச் 3ம் தேதியில் தேர்தல் நடந்தது. மாநிலத்தில் முதல்வராக இருக்கும் மாயாவதிக்கும், எதிர்கட்சியாக இருக்கும் சமாஜ்வாடியின் முலாயம் சிங்க்கும் இடையே பெரும் போட்டி இருந்தது. முலாயமுடன் அவரது மகன் அகிலேஷ் யாதவும் இணைந்து தீவிர பிரசாரத்தில் ஈடுபட்டார். பகுஜன் சமாஜ் கட்சி அனைத்து தொகுதிகளிலும், சமாஜ்வாடி கட்சி 402 தொகுதிகளிலும் போட்டியிட்டது.

4 மாநிலங்களில் காங்கிரஸ் சரிவு நிலை

உத்தர பிரதேசம், உத்ரகண்ட், பஞ்சாப், மணிப்பூர், கோவா ஆகிய 5 மாநில சட்டசபை தேர்தலில் பதிவான ஓட்டுகள் எண்ணும் பணி இன்று காலை 8 மணிக்கு துவங்கியது. பஞ்சாப் சட்டசபை தேர்தல் முடிவுகள் தற்போது எண்ணப்பட்டு வருகின்றன. முன்னணி தெரிந்த 89 (மொத்தம் 117) தொகுதிகளில் சிரோண்மனி அகாலிதளம் பாஜக கூட்டணி 55 இடங்களிலும், காங்கிரஸ் 30 இடங்களிலும் முன்னணி பெற்றுள்ளது, கோவாவில் காங்கிரஸ் பாஜக தலா 2 இடங்களில் முன்னிலை பெற்றுள்ளது. உத்தரகண்டில் காங்கிரஸும் பாஜகவும் (18) சம எண்ணிக்கையில் முன்னிலை பெற்றிருந்தன. மணிப்பூரில் மட்டும் காங்கிரஸ் தனி மெஜாரிட்டி பெற்று முன்னிலை பெற்றுள்ளது

மாநில மக்களுக்கு நன்றி : அகிலேஷ் யாதவ்

லக்னோ : சட்டசபை தேர்தலில் பெரும்வெற்றி பெறச் செய்யவைத்த மாநில மக்களுக்கு நன்றி தெரிவித்துக் கொள்வதாக சமாஜ்வாடி கட்சியின் இளந்தலைவர் அகிலேஷ் யாதவ் கூறியுள்ளார். தனியார் சேனல் ஒன்றிற்கு பேட்டியளித்த அவர் கூறியதாவது, தனி மெஜாரிட்டியுடன் ஆட்சி அமைப்போம் என்பதில் எங்களுக்கு எந்தவித சந்தேகமுமில்லை. முலாயம் சிங் யாதவ் முதல்வராவதையே, கட்சி மற்றும் மக்கள் விரும்புவதாக அவர் கூறினார்.

ஐந்து மாநில சட்டசபைத் தேர்தல் முடிவுகள்.

உத்தர பிரதேசம்: சமாஜ்வாடி 194 முன்னிலை
உத்தரகண்ட்: காங்கிரஸ்,பா.ஜ. 30 முன்னிலை
பஞ்சாப்: அகாலி தளம் அணி 60 முன்னிலை
மணிப்பூர் : காங்கிரஸ் 5இடங்களில்வெற்றி
கோவா: பா.ஜ., 12 முன்னிலை