கல்யாண்ஜி கவிதைகள்.

**rameshnaga** · **rameshnaga** Tue Mar 06, 2012 11:51 am

First topic message reminder :

கை தவறிக் கீழே விழுந்த
கடலை எல்லாம் சாமிக்கு.
துறட்டிக்கு எட்டாமல்
தூரப்போன
முற்றல் முருங்கைக் காயெல்லாம்
கிளிகளுக்கு.
கறவைகளுக்குச் சுருக்காமல்
காம்பில் எக்கின
பால் எல்லாம் கன்றுக்கு.
திருவினை ஆகாத
முயற்சித் திராட்சை எல்லாம்
பந்தலுக்கு.
எட்டுவது....கிட்டுவது
எல்லாம் எனக்கு.
முடியாதது....படியாதது
முழுவதும்...
உனக்கே உனக்கு.
*******************************************************
தண்ணீர்த் தொட்டியில்
செத்துக் கிடந்த
காக்கைக் குஞ்சுகளுக்கு
மனதார வருத்தப் பட்டாயிற்று.
வாசலில் நிற்கும்
வயசாளிக்கு .....
"ஒன்றுமில்லை" என்று
அனுப்பிவிடலாம்.
இன்றைக்கு .....
என்னால் முடிந்தது இவ்வளவே.
**************************************************************
இருந்து ....
என்ன ஆகப் போகிறது ?
செத்துத் தொலையலாம்.
செத்து....என்ன ஆகப் போகிறது?
இருந்தே தொலையலாம்.
***************************************************************
"பேசும் பார் என் கிளி" என்றான்
கூண்டைக் காட்டி.
அந்தக் கிளிக்கு வால் இல்லை.
வீசிப் பறக்கச் சிறகில்லை.
வானம் கைப் பட வழியே இல்லை.

"பேசும்! இப்போது பேசும் பார்!"
என மீண்டும் மீண்டும் அவன் சொல்ல...

"பறவை" என்றால்
"பறக்கும்" எனும்
பாடம் முதலில் படி! என்றேன்.
**********************************************************************
கூண்டுக் கிளிகளின்
காதலில் பிறந்த
குஞ்சுப் பறவைக்கு....
எப்படி வந்தன?................
எதற்கு வந்தன?...............
"சிறகுகள்".
************************************************************************

நன்றி! திரு. கல்யாண்ஜி.

**ரா.ரா3275** · **ரா.ரா3275** Sat Mar 10, 2012 2:52 pm

rameshnaga wrote:
எட்டுவது....கிட்டுவது
எல்லாம் எனக்கு.
முடியாதது....படியாதது
முழுவதும்...
உனக்கே உனக்கு.

:---நன்றி: கல்யாண்ஜி.

மொத்த உலக நடைமுறை சுயநலத்தை சூடு போட்டாற்போல சொன்ன கல்யாண்ஜிக்கு ஜே...
பகிர்வுக்கு நன்றி ரமேஷ்நாகா சார்...

**rameshnaga** · **rameshnaga** Sat Mar 10, 2012 2:56 pm

ரொம்பவும் நன்றி! ரா.ரா.

**rameshnaga** · **rameshnaga** Wed May 02, 2012 6:53 pm

rameshnaga wrote:ரொம்பவும் நன்றி! ரா.ரா.

முஹைதீன் · முஹைதீன் Wed May 02, 2012 7:22 pm

ரசித்த கவிதைகள் நன்றாக உள்ளன சூப்பருங்க

sinthiyarasu · sinthiyarasu Wed May 02, 2012 7:33 pm

ரொம்ப ரொம்ப நன்று............

**rameshnaga** · **rameshnaga** Wed May 02, 2012 7:35 pm

ரொம்பவும் நன்றி! முஹைதீன்., சிந்தியா ராசு.

முரளிராஜா · முரளிராஜா Wed May 02, 2012 10:33 pm

நீங்கள் ரசித்த கவிதையை நானும் ரசித்தேன்
பகிர்ந்தமைக்கு நன்றி

**rameshnaga** · **rameshnaga** Thu May 03, 2012 10:59 am

rombavum nanri! muraliraajaa.

Sponsored content · Sponsored content

கல்யாண்ஜி கவிதைகள்.

கல்யாண்ஜி கவிதைகள்.

Re: கல்யாண்ஜி கவிதைகள்.

Re: கல்யாண்ஜி கவிதைகள்.

Re: கல்யாண்ஜி கவிதைகள்.

Re: கல்யாண்ஜி கவிதைகள்.

Re: கல்யாண்ஜி கவிதைகள்.

Re: கல்யாண்ஜி கவிதைகள்.

Re: கல்யாண்ஜி கவிதைகள்.

Re: கல்யாண்ஜி கவிதைகள்.

Re: கல்யாண்ஜி கவிதைகள்.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக