"நஞ்சுண்டவனின்" கவிதை.

by **rameshnaga** Mon Mar 05, 2012 8:26 pm

கோவிலின் குளக்கரைப் படிக்கட்டுகளில்
அமர்ந்தபடி....
மீன்களுக்குப் "பொரி" வீசுகிறேன்.

மீன்களுக்குப் பொரி இட்டால்...
நமது பாவங்கள் விலகிவிடும்...
என யாரோ சொல்லி இருந்ததால்.

பாவம்! கோவில் குளத்து மீன்கள்.
இப்போது...அவை
எனது பாவங்களைத் தின்று கொண்டிருக்கின்றன.
*******************************************************************************
நான் பிறந்த கிராமத்தில்.....
பாம்புகள் அதிகம்..
தேள்களும்...விஷப் பூச்சிகளும் கூட.
இப்போது .....
நான் வசிக்கும் நகரத்தில்...
இவை இல்லை என்றாலும் கூட...

ஏனோ-
இப்போதுதான் நான்
அதிகம் "நஞ்சு உண்டவனாய்" இருக்கிறேன்.
************************************************************************************
ஆற்றைக் கடந்து செல்கிறது பறவை.

நதி மீன்கள்...
நீருக்கடியில் ஒளிந்துவிட..

அலகுக்குக் கீழே
விழுந்துவிடும் கண்களுடன்...

தன் குழந்தைகளின் பசியைச்
சுமந்து செல்கிறது...
சிறகுகளில்...
இரை தேடும் பறவை ஒன்று.
**************************************************************************