ஒலிம்பிக் புறக்கணிப்பு: வீரர்களிடம் ஆலோசனை

ஒலிம்பிக் புறக்கணிப்பு: வீரர்களிடம் ஆலோசனை
MONDAY, 05 MARCH 2012 03:54

புதுடில்லி:லண்டன் ஒலிம்பிக் போட்டியை இந்தியா புறக்கணிப்பது தொடர்பாக வீரர், வீராங்கனைகளிடம் கலந்து ஆலோசிக்கப்படும். இவர்களது கருத்தை பொறுத்து உரிய முடிவு
எடுக்கப்படும்,''என மத்திய விளையாட்டு துறை அமைச்சர் அஜய் மேகன் தெரிவித்தார்.

கடந்த 1984ல் ம.பி.,யின் போபாலில் உள்ள யூனியன் கார்பைடு நிறுவனத்தில் விஷவாயு கசிவு ஏற்பட்டது. இதில் 15 ஆயிரத்துக்கும் மேற்பட்டோர் பலியாகினர். ஒரு லட்சத்துக்கும் அதிகமானோர் பாதிக்கப்பட்டனர். இவர்களுக்கு முறையான நிவாரணம் வழங்கப்படாத நிலையில், யூனியன் கார்பைடு நிறுவனத்தை, அமெரிக்காவின் "டவ் கெமிக்கல்ஸ்' வாங்கியது.

இந்த நிறுவனம் லண்டனில் வரும் ஜூலை 27ல் துவங்க உள்ள ஒலிம்பிக் போட்டியின் "ஸ்பான்சராக ' உள்ளது. இதற்கு இந்தியா சார்பில் கடும் எதிர்ப்பு தெரிவிக்கப்பட்டது. "டவ்' நிறுவனத்தை நீக்க வலியுறுத்தி, போட்டியை புறக்கணிக்க வேண்டுமென கோரிக்கை எழுந்தது. குறைந்தபட்சம் துவக்கம், நிறைவு விழாவில் பங்கேற்க கூடாது என முன்னாள் வீரர்கள் கேட்டுக் கொண்டனர்.
இது குறித்து அஜய் மேகன் அளித்த பேட்டி:

லண்டன் ஒலிம்பிக் போட்டியை புறக்கணிக்கும் விஷயத்தில் இந்திய வீரர், வீராங்கனைகள் முக்கிய பங்கு வகிப்பர். இவர்களிடம் விரிவாக கலந்து ஆலோசிக்கப்படும். இவர்கள் என்ன நினைக்கிறார்கள் என்பதை பொறுத்து, அரசின் முடிவு அமையும். இப்பிரச்னைக்கு நல்ல தீர்வு காணப்படும் என நம்புகிறேன். ஒருவேளை "டவ் கெமிக்கல்சை' நீக்க, சர்வதேச ஒலிம்பிக் கமிட்டி மறுத்தால், அதற்கு பதிலடி கொடுக்க சரியான திட்டம் உண்டு. இதனை இப்போதே சொல்ல முடியாது.
ஒலிம்பிக் துவக்கம், நிறைவு விழாவை மட்டும் புறக்கணிப்பது தொடர்பாக எந்த ஒரு முடிவும் எடுக்கப்படவில்லை. ஒலிம்பிக் விதிமுறைப்படி, சர்வதேச அளவில் பின்பற்றப்படும் அடிப்படை நன்னெறி கொள்கைகளுக்கு மதிப்பு அளிக்க வேண்டும். இதன்படி பார்த்தால், "டவ் கெமிக்கல்ஸ்' தொடர்ந்து "ஸ்பான்சராக' இருந்தால், அது ஒலிம்பிக் உணர்வுக்கு எதிராக இருக்கும். ஏனென்றால் போபால் விஷ வாயு காரணமாக மக்கள் இன்னும் பாதிக்கப்படுகின்றனர். இங்குள்ள குடிதண்ணீர் அசுத்தமாக உள்ளது. சுற்றுச்சூழலும் பாதிக்கப்பட்டுள்ளது. எனவே, தார்மீக அடிப்படையில் ஒலிம்பிக் "ஸ்பான்சராக' டவ் நிறுவனம் நீடிக்க தகுதி இல்லை.
இவ்வாறு அஜய் மேகன் கூறினார்.

http://www.nilavaram.com/

அட பாவிங்களா , இந்த வருடம் தான் இந்தியா ஹாக்கி அணி தேர்வு பெற்றுள்ளது அதுக்கும் ஆப்பு வச்சுட்டீங்களா

ராஜா wrote:அட பாவிங்களா , இந்த வருடம் தான் இந்தியா ஹாக்கி அணி தேர்வு பெற்றுள்ளது அதுக்கும் ஆப்பு வச்சுட்டீங்களா

என்ன பண்றது தல... இந்த DOW chemicals / Union Carbide கம்பெனியால் நமக்கு ஏற்பட்ட பாதிப்பு கொஞ்சநஞ்சமில்லையே... நாம் கலந்து கொண்டால்... எல்லாம் சரியாகிவிட்டது என்று ஆகிவிடுமே....

எது எப்படியோ... இந்தியாவின் இன்றய அரசியல்வாதிகளால்... நாம் நிச்சயம் கலந்து கொள்வோம்...