ஆசிய சாலஞ்ச் கால்பந்து: சாதிக்குமா இந்திய அணி

**பிரசன்னா** · **பிரசன்னா** Mon Mar 05, 2012 2:17 pm

ஆசிய சாலஞ்ச் கால்பந்து: சாதிக்குமா இந்திய அணி
MONDAY, 05 MARCH 2012 03:55

புதுடில்லி:ஏ.எப்.சி., சாலஞ்ச் கோப்பை கால்பந்து தொடரில், சாம்பியன் பட்டம் வெல்ல இந்திய அணி காத்திருக்கிறது.

ஆசிய சாலஞ்ச் கால்பந்து: சாதிக்குமா இந்திய அணி Football_4

ஆசிய சாலஞ்ச் கால்பந்து: சாதிக்குமா இந்திய அணி Football_4

நேபாளத் தலைநகர் காத்மாண்டுவில் ஆசிய கால்பந்து கூட்டமைப்பின்(ஏ.எப்.சி.) சார்பில் சாலஞ்ச் கோப்பை கால்பந்து தொடர் வரும் 8ம் தேதி துவங்குகிறது. இதில், முதலிடம் பெறும் அணி, 2015ல் நடக்க உள்ள ஆசிய கோப்பை போட்டியில் விளையாட தகுதி பெறும். இம்முறை 8 அணிகள் பங்கேற்கின்றன. "ஏ பிரிவில் நேபாளம், மாலத்தீவுகள், பாலஸ்தீனம், துருக்மெனிஸ்தான் அணிகள் உள்ளன. மிகவும் கடினமான "பி பிரிவில் இந்தியா, வடகொரியா, பிலிப்பைன்ஸ், தஜிகிஸ்தான் அணிகள் இடம் பெற்றுள்ளன. இந்திய அணி தனது முதல் போட்டியில்(மார்ச் 9), தஜிகிஸ்தானை எதிர்கொள்கிறது.

கடந்த 2008ல் நடந்த ஏ.எப்.சி., சாலஞ்ச் கோப்பை தொடரின் பைனலில் சுனில் சேத்ரி "ஹாட்ரிக் கோல் அடிக்க, இந்தியா சாம்பியன் பட்டம் வென்றது. இம்முறையும் சாதிக்க வாய்ப்பு உள்ளது. நேற்று 23 பேர் அடங்கிய இந்திய அணி, டில்லியில் இருந்து காத்மாண்டு புறப்பட்டுச் சென்றது.

இந்திய பயிற்சியாளர் சேவியோ மெதிரா கூறுகையில்,""கடினப் பரிவில் இடம் பெற்றுள்ளோம். ஆனாலும், இளம் மற்றும் அனுபவ வீரர்கள் சமஅளவில் இடம் பெற்றிருப்பதால், நிச்சயமாக சாதிப்போம். ரசிகர்களின் எண்ணத்தை நிறைவேற்ற முழுமையாக முயற்சிப்போம்,என்றார்.

http://www.nilavaram.com/