2000 கோடியை தாண்டியது திருப்பதி தேவஸ்தான பட்ஜெட்

by ஹர்ஷித் Mon Mar 05, 2012 6:42 am

திருமலை: திருப்பதி கோயிலில் பல்வேறு இனங்களின் வரவு- செலவுகள் மூலம் இந்தாண்டு ரூ. 2010 கோடி வருவாய் ஈட்டி சாதனை படைத்துள்ளதாக பட்ஜெட் தாக்கலின் போது அறிவிப்பு வெளியிடப்பட்டுள்ளது.

திருமலை திருப்பதி வெங்கடாஜலபதி கோயிலில், திருமலை திருப்பதி தேவஸ்தான வாரியத்தின் சார்பில் 2012-2013-ம் ஆண்டிற்கான வருடாந்திர பட்ஜெட் தாக்கல் செய்யப்பட்டது. இந்த பட்‌ஜெட்டில் முதல்முறையாக ரூ. 2010 கோடி வருவாய் ஈட்டியுள்ளது. இதற்கான ஒப்புதலை தேவஸ்தான வாரியம் அளித்தது. திருமலை திருப்பதி தேவஸ்தான வாரியத்தின் கூட்டம் இன்று நடந்தது. கூட்டத்திற்கு பின்னர் ‌தேவஸ்தான தலைவர் கே. பப்பிராஜூ,நிர்வாக அதிகாரி எல்.வி. சுப்ரமணியம் ஆகியோர் கூட்டாக செய்தியாளர்களிடம் கூறியதாவது:

திருப்பதி கோயிலில் உண்டியல் காணிக்கையாக ரூ. 800 கோடியும், இதனை வங்கியில் டிபாசிட் வைத்ததன் மூலம் வட்டியாக ரூ. 475 கோடியும், கிடைத்துள்ளது. இது கடந்த ஆண்டை (2010-2011) விட ரூ. 70 கோடி அதிகமாகும். பக்தர்கள் அளித்த தலைமுடி காணிக்கை விற்பனை மூலம் ரூ. 145 கோடியும், ஆர்ஜிதசேவை டிக்கெட்டுகள் விற்பனை மூலம் ரூ. 43 கோடி மற்றும் இதர வருவாய் இனங்கள் மூலம் ரூ.72.50 கோடியும் வசூலாகியுள்ளது. மேலும் பிரசாதம் விற்பனையில், முக்கியமாக லட்டு விற்பனையில் இந்தாண்டு ரூ.137.5 கோடி வருவாய் கிடைக்கும் என எதிர்பார்க்கப்படுகிறது. இவற்றை தவிர இந்தாண்டு வி.‌ஐ..பி.கள் சிறப்பு தரிசன டிக்கெட் சிறப்பு தரிசனம் உள்ளிட்ட பல்வேறு தரிசனங்கள் வாயிலாக டிக்கெட்டுகள் விற்பனை மூலம் ரூ.169 கோடியும், வருவாய் ஈட்ட இலக்கு நிர்ணயிக்கப்பட்டுள்ளது. மேலும் டோல்கேட் வரி, மற்றும் ஷாப்பிங் கடைகள், ‌ஹோட்டல்கள் ஆகியவற்றின் மூலம் 92.56 கோடியும் வருவாய் கிடைத்துள்ளது.

செலவினங்களாக , ‌கோயிலின் உள்கட்டமைப்பு முதலீடுகளாக ரூ.533.7 கோடியும், ஊழியர்கள் சம்பளம் உள்ளிட்டவைகளுக்காக ரூ.336 கோடியும் செலவிடப்பட்டுள்ளது. இவ்வாறு அதில் கூறப்பட்டுள்ளது.
தினமலர்

by **கேசவன்** Mon Mar 05, 2012 10:15 am

பகிர்விக்கு நன்றி

by **ராஜா** Mon Mar 05, 2012 1:50 pm

by **பிரசன்னா** Mon Mar 05, 2012 1:59 pm

by யினியவன் Mon Mar 05, 2012 2:18 pm

அந்த லட்டு சைஸ்ஸ கொஞ்சம் பெரிசு பண்ண சொல்லுங்களேன்.

by ரேவதி Mon Mar 05, 2012 2:31 pm

by **உமா** Mon Mar 05, 2012 2:55 pm

அந்த உண்டியலை நிரப்புவதில் பாதி பேர் நம்ம தமிழ்நாட்டு ஆளுங்க தான் .... சிரி

by **ராஜா** Mon Mar 05, 2012 3:13 pm

உமா wrote: அந்த உண்டியலை நிரப்புவதில் பாதி பேர் நம்ம தமிழ்நாட்டு ஆளுங்க தான் ....

எனக்கு தெரிந்து சென்னையில் பல தனியார் நிறுவனங்களில் திருப்பதி வெங்கடாஜலபதியை பார்ட்னர் ஆக சேர்த்திருக்கின்றனர் சிரி

by **உமா** Mon Mar 05, 2012 3:14 pm

ராஜா wrote:
உமா wrote: அந்த உண்டியலை நிரப்புவதில் பாதி பேர் நம்ம தமிழ்நாட்டு ஆளுங்க தான் ....
எனக்கு தெரிந்து சென்னையில் பல தனியார் நிறுவனங்களில் திருப்பதி வெங்கடாஜலபதியை பார்ட்னர் ஆக சேர்த்திருக்கின்றனர்

அர்த்தம் விளங்கவில்லை அண்ணா. அழுகை

by ரேவதி Mon Mar 05, 2012 3:16 pm

ராஜா wrote:
உமா wrote: அந்த உண்டியலை நிரப்புவதில் பாதி பேர் நம்ம தமிழ்நாட்டு ஆளுங்க தான் ....
எனக்கு தெரிந்து சென்னையில் பல தனியார் நிறுவனங்களில் திருப்பதி வெங்கடாஜலபதியை பார்ட்னர் ஆக சேர்த்திருக்கின்றனர்

இதை ஆமோதித்து நான் பதிலேதும் போட மாட்டேன் ..எங்க ஸார் பார்த்துடுவார் சிரி